أفضل زيت لموتور فيكترا بى الأن

[ghamry]

افضل زيت ممكن نستخدمه الأن للفيكترا بى بعد ماشل إتباعت لتوتال والموتور بحاله جيده الحمد لله أقل من 150000 كم برجاء مشاركه الزملاء

[amrdaody]

انا بستخدم شيل 5000 الاصفر

[haisam ali]

متابع جدا

[ghamry]

انا بستخدم شيل 5000 الاصفر

مش هايبقى فى زيت إسمه شل تانى لإنها خلاص اتباعت لتوتال

[Hesham.H]

توتال كوارتز ٥٠٠٠ كيلو اكتر من رائع ... انا مجربه ... تمنه ١٢٠ جنيه

[MaaM]

ممكن حد يقولي الفرق بين زيت شل أو توتال أو كاسترول أو وولف في حالة API بتكون SL لمعامل لزوجة 20w-50 ؟

[بيشوى_رمزى]

مش هايبقى فى زيت إسمه شل تانى لإنها خلاص اتباعت لتوتال

السلام عليكم يا عصابة
بص يا باشا على حسب مسمعت توتال اشترت 85 محطة بنزين بس
زيوت شل شغالة زى ماهى تبع شركة شل و الموزعين الموعتمدين موجودين و ارقام خدمة العملاء شغاله زى ماهى بس بيع المحطات دى كان تبع خطة تطوير لشل

[بيشوى_رمزى]

ممكن حد يقولي الفرق بين زيت شل أو توتال أو كاسترول أو وولف في حالة API بتكون SL لمعامل لزوجة 20w-50 ؟

محمود باشااااااا
ازاى حضرتك؟
هو الفرق فى الاديتيفز المواد اللى بتتضاف على الزيت و دى اللى بتفرق انك لما تيجى تغيير الزيت تلاقية اغمق ( ودى حاجة كويسة لانها دليل على ان الزيت اشتغل حلو فى الموتور و لم الهباب اللى ناتج عن الحريق) عن نفسى شل على ال3000 و موبيل ال xhp على ال3000 الموبيل نازل اغمق سنه و لزوجت الاتنين تقريبا واحدة فاستخدمت موبيل و شغال معايا كويس

طبعا الكلام ده انت عارفة و انا عمال ارغى هههههههه

تقبل مرورى

[sherif moneer]

اي زيت نفس لزوجة الشل الاصفر المهم ميكونش مضروب
انا عن نفسي لو الشل اتمنع هحط موبيل xhp

[Honda_lover]

افضل زيت موجود حاليا هو كاسترول

[haisam ali]

ايام ماكان معايا الميجان كان التوكيل بيحطلى توتال ١٠ آلاف ... وكمان انا جربت الكاسترول العلبه الخضرا ١٠ آلاف برضه .... كمان جربت موبيل ١ ..... وأخيرا كنت بحط شيل ١٠ آلاف برضه ..... وبعد تجربتى مع كل الزيوت دى ومع العلم ان صوت موتور الميجان مش حلو اوى تحسه فيه تاكيهات كده على خفيف .... أحلى وأجود زيت من حيث هدوء صوت الموتور وتحس بجد الموتور ناعم وكمان لزوجته اكتر من ممتازة حتى عند ٩٠٠٠ كيلو كان زيت شل ال ١٠ الاف بجد كان ممتاز ..... هذا وبالله التوفيق

[ammada]

انا وجهة نظري موبيل xhp وبلاش زيت يمشي 10000 هيقعد في الماتور كتير وانا شايف ان كل مانغير افضل 3000 بشووفه مناسب