مشوره رقم 1

[organic_magic]

مشوره رقم 1

السلام عليكم

دلوقتى انا بفول العربيه عل اول تكه وكان كل شئ تمام

مره واحده بقى المؤشر بيوصل ل 50 لتر بس مش راضي يرفع اكتر من كدا

شكيت في العوامه رحت جبت واحده استيراد وركبتها برضك نفس المشكله مع العلم ان التانك مليان علي عينه

المهم حت لكهربائي راح مخرج العوامه وقعد يرفعها لفوق خالص وينزلها لتحت خالص برضك المؤشر اخره 50

المهم قالى لازم نحل العدادات علشان المشكله هنا مشكله مؤشر بس الموضوع هيحتاج اكتر من ساعتين شغل

ايه رايكم بقي اعملها ولا اضبط نفسي ان ماشي دايما ب 10 لتر زياده علي قرايه المؤشر

[MaaM]

هو فعلاً ممكن يكون معلق واخره 50 ، بس كان الأفضل تتأكد بنفسك من انه بيرفعها على الآخر ، وفي كل مرة بيكون قفل الكونتاكت ويفتحه تاني
ورفعها على الاخر انك تقلبها على راسها فتنزل دراع العوامة تحت خالص وتجرب
ولو مازالت المشكلة قائمة يبقى فعلا هو معلق ، يإما تظبط نفسك على كدا يإما هايفكلك العدادات وينضف عند المؤشر او يشوف ترسه من ورا ، بس فكها مؤرف

ملحوظة:
واضح من العنوان انك ناوي تكمل التسلسل العددي :)
بلاش وخلي العنوان بعد كدا يعبر عن مضمونه

[organic_magic]

هو فعلاً ممكن يكون معلق واخره 50 ، بس كان الأفضل تتأكد بنفسك من انه بيرفعها على الآخر ، وفي كل مرة بيكون قفل الكونتاكت ويفتحه تاني
ورفعها على الاخر انك تقلبها على راسها فتنزل دراع العوامة تحت خالص وتجرب
ولو مازالت المشكلة قائمة يبقى فعلا هو معلق ، يإما تظبط نفسك على كدا يإما هايفكلك العدادات وينضف عند المؤشر او يشوف ترسه من ورا ، بس فكها مؤرف

ملحوظة:
واضح من العنوان انك ناوي تكمل التسلسل العددي :)
بلاش وخلي العنوان بعد كدا يعبر عن مضمونه

هو بالضبط عمل كدا مع عوامتين وال2 شغالين لحد 50 بس

هو قالى تعالى يوم الجمعه بعد الصلا ان شاء الله علشان اليوم ده ليك لوحدك

انا بقول انفض للحوار ده علشان الحل والتركيب ممكن يبهدلى التابلوه او ممكن يعلق تانى وابقي خسرت الوقت والفلوس

بس هو كهربائي الناس بتشكر فيه وكان معاه عربيه اوبل قبل كدا فكها كذا مره

ربنا ييسر الحال لما نشوف هترسي علي ايه وهابلغكم ان شاء الله


هو التسلسل محضره عندي في شيت اكسيل لحد 10 ههههههههههههههههههههههه

ان شاء الله مش هزود هن كدا

العربيه لسه مستلمها من شهر وصاحبها كان مهمل فيها

لسه عفشه واويل سيل الكرنك وشويه بلاوى كدا واخدهم واحده واحده

بس خلاص مفيش مشكله نغير عنوان الموضوع للافاده


بالحق انت بعت عربيتك ولا لسه ؟؟

[organic_magic]

برجاء من الادمن تغيير عنوان الموضوع

[MaaM]

لأ لسا

[Hesham.H]

عندى نفس الموضوع ومش بسأل فيها .. سيبك منها

[organic_magic]

عندى نفس الموضوع ومش بسأل فيها .. سيبك منها

طب ياباشا مجربتش تظبطها الاول

اصل انا بحب كل حاجه علي ابوها

[amr elsisi]

عندي نفس المشكلة
دة انا غيرت لوحة عداد كامة والمشكلة دي قائمة
فكيت العوامة وحاولت اطلع العفريت الي جواها وما طلعش
انسي شكلها فعلا من الاعطال الشائعة لاوبل
ولا واية عند الكل بتكون اخرها 50 لتر
اشتري دماغك وانسي
وفعلا غير عناوين الموضوع علشان تكون مرجع لاي حد

[MOHAMEDEBAID75]

كان عندى الموضوع ده وفى كهربائى فى ميدان لبنان عمله هو طلع العوامة ونظفها من الصدأ والعداد اشتغل زى الفل والله اعلم استنى عمالقة الاوبل وخاصة فادى

[m7nsh]

انا عندى نفس المشكله البايخه دى !! بفول على 50 برده !! وغيرت عوامه وبرده مافيش فايده ؟
دا ايه عفريت الخمسين دا

[sherif moneer]

خلاص متفولش عشان متحسش بالموضوع ده :d
عندي نفس الموضوع بس مش دايماً

[organic_magic]

عندي نفس المشكلة
دة انا غيرت لوحة عداد كامة والمشكلة دي قائمة
فكيت العوامة وحاولت اطلع العفريت الي جواها وما طلعش
انسي شكلها فعلا من الاعطال الشائعة لاوبل
ولا واية عند الكل بتكون اخرها 50 لتر
اشتري دماغك وانسي
وفعلا غير عناوين الموضوع علشان تكون مرجع لاي حد

فعلا شكلها من الاعطال الشائعه في الاوبل لان قابلت واحد صاحبي معاه اوبل فيكترا 96 وبرضك اخره 50 في قرايه العداد

كان عندى الموضوع ده وفى كهربائى فى ميدان لبنان عمله هو طلع العوامة ونظفها من الصدأ والعداد اشتغل زى الفل والله اعلم استنى عمالقة الاوبل وخاصة فادى

ماهى كانت بتشتغل كويس وبعدين زهقت بس العوامه سليمه لانى جربت كذا واحده العيب من المؤشر

انا عندى نفس المشكله البايخه دى !! بفول على 50 برده !! وغيرت عوامه وبرده مافيش فايده ؟
دا ايه عفريت الخمسين دا

ياعمى شكلها هترسي علي 50 هنعمل ايه تقريبا مفيش حل ليها دا عفرييييت

خلاص متفولش عشان متحسش بالموضوع ده :d
عندي نفس الموضوع بس مش دايماً

كان برضك عندي كدا لحد مابقت دايمه ربنا يسهلها بقي ونلاقي حل ليها

[lancerevolution]

انا عندى ما بينزلش عن 20 و لمبة البنزين مش بتنور و انا منفض لدا كله و لما بيجى عند 20 بروح أمون و خلاص

[RareSpeed]

انا عندى العكس بئا لما افول ممكن توصل لى اقبل ال60 بشويه بس يا خساره الحلو ميكملش مبتنزلش عن 10 ابدا و بتفصل بنزين خالص على 10 و اللمبه مبتنورش

[organic_magic]

انا عندى ما بينزلش عن 20 و لمبة البنزين مش بتنور و انا منفض لدا كله و لما بيجى عند 20 بروح أمون و خلاص

انا عندى العكس بئا لما افول ممكن توصل لى اقبل ال60 بشويه بس يا خساره الحلو ميكملش مبتنزلش عن 10 ابدا و بتفصل بنزين خالص على 10 و اللمبه مبتنورش

يعنى كدا نقدر ناكد ان دا عيب شائع في الاوبل - اجدعان اللي معاه المؤشر مظبوط وشغال ميه ميه ميقوووووولش لينضم لينا