الميه فى القربه بتنقص

[dr_medoo]

استفسار من وحوش الاوبل
من فترة وانا الميه بتنقص من القربه وكل شويه ازودها لغايه لما الرديادتير باظ وكنت عملت موضوع هنا عن الرديتاتير
واشتريت واحد جديد وركبته وبرده الميه لسه بتنقص لغايه لما اتجننت
اشتريت جركن مايه خضرا وحطيته من 3 ايام انهارده بالصدفه بفتح الكبوت وببص بظروفها لقيت اثر لميه خضرا فى نهايه الخرطوم الى فى الصورة بعد الافيز بصراحه انا فرحت انى اخيرا عرفت مكان التسريب بس انا عاوز اعرف اعمل ايه فى التسريب احط سيكون حرارى ولا اغير الخرطوم بس المشكله ان اثر الميه فى بدايه الخرطوم بعد الافيز

[alameer81]

حط بودرة منع التسريب مع المية
كانت بتنقص عندي حوالي ربع لتر كل اسبوع برده من عند قفيز الخرطوم ولما حطيتها ما بقيتش تنقص الحمد لله

[amr elsisi]

الحق نفسك احتمال الخرطوم مقوع
شيل الافيز واقطع حتة من الخرطوم وركبة تاني
وماتحطش مانع التسريب غير لما تعجز عن مكان التسريب
ولو نقصت تاني اكبس الدورة
وغريبة انك بتقول جبت جركن مياة خضرا
هوا انت كنت بتحط مياة عادية

[MOHAMEDEBAID75]

السلام عليكم اولا
المشكله الى عند حضرتك سهله جدا ان شاء الله وحلها ان حضرتك هتحل الافيز ده والعربية باردة قبل ما تشغلها وهتشيل الخرطوم من مكانه وهتنظف الماسورة الى بيركب فيها الخرطوم بصنفرة ناعمة لحد ما تشيل الصدأ الخفيف بعد كده هتركب الخرطوم تانى مكانة وتذود الميه فى القربة وتشغل العربية اول ما العربية تسخن هات مفتاح 6-7 حرق على رباط الافيز (الكوليه ) لان الخرطوم وهو بارد بيبقى ناشف شوية اما لما بيسخن تلاقيه طرى وهيجيب معاك رباط وان شاء الله تمنع نقصان الميه الموضوع ده حصل معايا والحمد لله اتحل بالطريقة دى

[dr_medoo]

حط بودرة منع التسريب مع المية
كانت بتنقص عندي حوالي ربع لتر كل اسبوع برده من عند قفيز الخرطوم ولما حطيتها ما بقيتش تنقص الحمد لله

يا باشا شكرا على رد حضرتك انا دورت قبل كده على مانع التسريب مالقيتوش هنا فى الشرقيه مستنى لما انزل مصر اجيبه بالمرة

[dr_medoo]

الحق نفسك احتمال الخرطوم مقوع
شيل الافيز واقطع حتة من الخرطوم وركبة تاني
وماتحطش مانع التسريب غير لما تعجز عن مكان التسريب
ولو نقصت تاني اكبس الدورة
وغريبة انك بتقول جبت جركن مياة خضرا
هوا انت كنت بتحط مياة عادية

لا ياعم انا كنت بحط ميه مقطره وبعدين التسريب شكله مش من الخرطوم لا التسريب فى اول الخرطوم بعد الافيزا

[dr_medoo]

السلام عليكم اولا
المشكله الى عند حضرتك سهله جدا ان شاء الله وحلها ان حضرتك هتحل الافيز ده والعربية باردة قبل ما تشغلها وهتشيل الخرطوم من مكانه وهتنظف الماسورة الى بيركب فيها الخرطوم بصنفرة ناعمة لحد ما تشيل الصدأ الخفيف بعد كده هتركب الخرطوم تانى مكانة وتذود الميه فى القربة وتشغل العربية اول ما العربية تسخن هات مفتاح 6-7 حرق على رباط الافيز (الكوليه ) لان الخرطوم وهو بارد بيبقى ناشف شوية اما لما بيسخن تلاقيه طرى وهيجيب معاك رباط وان شاء الله تمنع نقصان الميه الموضوع ده حصل معايا والحمد لله اتحل بالطريقة دى

ان شاء الله هجرب الموضوع لا نى شاكك كده فى ان هو ده السبب
ده بس موضوع الافيز هو بيركب على طول احرق عليها ازى هو انا بمسكه بكماشه وافتح الافيز وبعدين ازقه بعيد عن الماسورة واشيل الخرطومه ولما اركبه اركبه برده بنفس الطريقه مش فاهم حته احرق عليه ازى

[alameer81]

يا باشا شكرا على رد حضرتك انا دورت قبل كده على مانع التسريب مالقيتوش هنا فى الشرقيه مستنى لما انزل مصر اجيبه بالمرة

انا جبته من الاسماعيلية
لو تحب اجيبهولك وابقي اديهولك لما انزل الزقازيق انا تحت امرك, انت منين في الشرقية؟؟

بس نفذ الكلام الى الزملا قالوه في مراجعه الخرطوم ونظافة مكانه الاول قبل المانع

[lancerevolution]

هتلاقيها بسيطة ... كوليه كمان أو زوق الخرطوم جوة شوية و حط كوليه كمان

[Hesham.H]

لو الخرطوم فى شويه طول يبقى اعمل زى ما قال المهندس عمرو السيسى ... مافيش طول يبقى غيره ولو القفيز مش عاجبك غيره هو كمان افضل
تحياتى

[tananybasha]

غير الأفيز بواحد برباط

[MOHAMEDEBAID75]

يبقى ياباشى غير الافيز وهات واحد تانى رباط بس يكون من النوع النظيف الى المشرشر بتاعة من بره هتلاقية عند بتوع المرسيدس تمنه فى حدود 5 جنية وهتلاقى الدنيا زى الفل

[dr_medoo]

انا جبته من الاسماعيلية
لو تحب اجيبهولك وابقي اديهولك لما انزل الزقازيق انا تحت امرك, انت منين في الشرقية؟؟

بس نفذ الكلام الى الزملا قالوه في مراجعه الخرطوم ونظافة مكانه الاول قبل المانع

يا باشا الف شكرا انت لو نازل الزقازيق قريب ان ممكن اقبلك عند المحافظه بس ميكونش فيها تعب لحضرتك لو كده عرفنى على الخاص