Tweet
نظفت البوابه فالعربيه تلتت
السلام عليكم
مشوره رقم 2 و 3 و4 و5
بقالى فتره كل مدور العربيه الصبح تدور من اول سنه مارش بس لازم اطول معاه للاخر بيطول قوى بس بتدور من اول تكه مارش
وبعدين بقي RPM مش مظبوط خالص وانا ماشي علي 120 بيكون معايا علي 3000 وساعات 3000 وشويه والسلانسيه بينزل من 1000 لحد 650 او 700 وطبعا العربيه بتتخنق وتكون علي وشك انها تبطل
كل ده ومفيش ريحه للعادم
غيرت كل زيوت وفلاتر وبيجوهات واسلاك وطرمبه بنزين ونظفت الرشاشات وغيرت الفلاتر كمان ولسه الموضع زى ما هو
المهم رحت لميكانيكى امبارح في العاشر من رمضان بحكيله علي الموضوع قالى بس دا عيب حساس الدواره – قولتله مين
قالى حساس الدوراره دي ساعه لونها ازرق جمب كوعه الميه قولتله ااااااه طيب ممكن اروح بس مشوار واجيلك تانى (حسيت انه بيفتى الصراحه اول مره اسمع عن الحساس ده) قالى هتغيب قولتله لا يدوبك هنفخ الطاره واجيلك قالى نعم قولتله عادي انا عندي الطاره بتتنفخ علشان وانا بسوق ابقي مستريح قالى طيب متغيبش
المهم روحت لواحد مشهور حبتين وكان شغال في عربيات المانى طلع جرب العربيه معايا وقعد كيك داوون علي ودانه وانا هاعيط من سواقته ومن البنزين اللي طيره وفي الاخر قالى دا من البوابه عايزه تتنظف
قولتله انا البوابه عندي مش سهله توصلها قالى دنا هفكها خالص وانظفها واركبها تانى والموضوع كبيره 3 ساعات بس ايه العربيه هتتنطط
دخلنا الورشه وبسم الله راح النور قاطع قولتله همشي قالى لا والله ميحصل انا دايما بشتغل علي كشاف الموبايل وقد كان ما كان جاب الواد اللي عنده في الورشه وفضلوا شغالين طاخ طوخ طاخ طوخ فكوا كل فيش الحساسات والاسلاك وطلعوا البوابه بعد 3 ساعات بالضبط
طبعا كانت متوسخه جدا قالى شاااااااااااااااايف عيب عليك دنا صايع قديم وضحك كام ضحكه شريره كدا وراح غسل البوابه وخلاها بتلمع الصراحه لنج اكنها لسه جديده وبسم الله ركب ركب ركب وبعد مركب انا مراقب كل حاجه وواقف جمبه كان فيه فيشه معرفش يوصلها بحاجه راح مخبيها ورا فبره الضفيره المهم راح يعمل شاى وجه لاقانى مطلعهاله وبقوله دى بتاعه ايه يااسطى
قالى متاخدش في بالك دي فيشه زياده – زيااااااااااااااااده ازاى يعنى (انا بزعق) – قالى علشان لو حبيت تركب حساس قولتله فل طب ركبلى حساس يخلى العربيه تزغرطلى لما اخد غرزه قعد يضحك وقالى دور بس
طبعا دورت ولمبه التشيك طلعت ردحتله – وكمان البلور (السخان الاتوماتيك) مشتغلش مع ان العربيه كانت تلجه
المهم العربيه دارت وفعلا كلامه كان صح العربيه بتتنطط – (متلته) – كل الغرف فيها حريق معادا اول غرفه نظيفه لانج
فضل يجرب في بيجوهات واسلاك بيجوهات وحوارات بتاع ساعتين كمان غير انه اخد في التركيب ساعه يعنى كدا بالصلاه علي النبي 6 ساعات متواصله في الاخر نزل تحت العربيه اتلاقي فيشه واقعه راح مركبها في فيشه الحساس – وطبعا لاحياه لمن تنادى لمبه التشيك شغاله ردح – والعربيه متلته – قالى هابص علي تقسيمه الكاتينه وبرضك فضل يقدم وياخر ويظبط – وبرضك كله فشنك - راح متصل بواحد كهربائي ومعاه كمبيوتر – جه المش مهندس ووصل الكمبيوتر وطبعا كان عامله بالعربي تقريبا اللي فاكره من العربي اللي كان مكتوب ان حساس الكرنك و حساس الكامه وحساس درجه الحراره وحساس الشكمان كلهم كانوا بيشتكوا فك فيشهم تانى وركب و مسح كل الاعطال وطلعنا جربنا ورجعنا
كل اتشال يامعلمى قالى انت كدا عربيتك بتلت في السلانسيه بس لاكن مع المشي كويسه
المهم خدت من الراجل الجهاز وكرمشتله 10 جنيه وفضلت قاعد بيه علي العربيه بتاع نص ساعه ببص علي درجه الحراره في الجهاز لاقيته قريها 150 والمراوح منفضه وهوب راح البلور شغال علشان يسخن الماكينه – طبعا مش هقدر اقول هنا انا عملت ايه ساعتها علشان انا في المنتدي
فصلت العربيه وسيبتها تبرد وخليته يعيد علي كل الفيش تانى ودورت وعملت ايديل ليرن من عل الكمبيوتر والبلور اشتغل وكله بقي تمام ماعدا انها لسه متلته علي السلانسيه المهم شميت ريحه بنزين من الشكمان رحت داخل قايس قرايه حساس الشكمان لاقيته عمال يقرا 400 وبعدين 500 وبعدين ينزل ل 400 وبعدين يطلع ل 600 وبعدين 400 ويثبت عليها كل ده علي السلانسيه انا اللي اعرفه ان المفروض يكون معدي ال 1000
المهم اتخانقت معاهم وخدت العربيه ومشيت ومدفعتش غير 50 جنيه كشف الكمبيوتر للراجل اللي ملوش زنب ده
وطبعا مشيت بعد 8 ساعات بالضبط والعربيه زبااااااااله
انهارده بقي وانا رايح الشغل الصبح العربيه اخرها 120 وصوت الماكينه بيعلى قوى وrpm مش راضي يعدي ال 4000
بالله عليكم حد يدلنى علي مركز محترم في حرفيين القاهره علشان اروحله عل الساعه 2 العصر بس ياريت يكون عنده جهاز كمبيوتر وميكانيكى وكهربائي بيفهموا
منتظر ردكم علي احر من الجمر المشتعل واسف عل الاطاله
مشوره رقم 2 و 3 و4 و5
بقالى فتره كل مدور العربيه الصبح تدور من اول سنه مارش بس لازم اطول معاه للاخر بيطول قوى بس بتدور من اول تكه مارش
وبعدين بقي RPM مش مظبوط خالص وانا ماشي علي 120 بيكون معايا علي 3000 وساعات 3000 وشويه والسلانسيه بينزل من 1000 لحد 650 او 700 وطبعا العربيه بتتخنق وتكون علي وشك انها تبطل
كل ده ومفيش ريحه للعادم
غيرت كل زيوت وفلاتر وبيجوهات واسلاك وطرمبه بنزين ونظفت الرشاشات وغيرت الفلاتر كمان ولسه الموضع زى ما هو
المهم رحت لميكانيكى امبارح في العاشر من رمضان بحكيله علي الموضوع قالى بس دا عيب حساس الدواره – قولتله مين
قالى حساس الدوراره دي ساعه لونها ازرق جمب كوعه الميه قولتله ااااااه طيب ممكن اروح بس مشوار واجيلك تانى (حسيت انه بيفتى الصراحه اول مره اسمع عن الحساس ده) قالى هتغيب قولتله لا يدوبك هنفخ الطاره واجيلك قالى نعم قولتله عادي انا عندي الطاره بتتنفخ علشان وانا بسوق ابقي مستريح قالى طيب متغيبش
المهم روحت لواحد مشهور حبتين وكان شغال في عربيات المانى طلع جرب العربيه معايا وقعد كيك داوون علي ودانه وانا هاعيط من سواقته ومن البنزين اللي طيره وفي الاخر قالى دا من البوابه عايزه تتنظف
قولتله انا البوابه عندي مش سهله توصلها قالى دنا هفكها خالص وانظفها واركبها تانى والموضوع كبيره 3 ساعات بس ايه العربيه هتتنطط
دخلنا الورشه وبسم الله راح النور قاطع قولتله همشي قالى لا والله ميحصل انا دايما بشتغل علي كشاف الموبايل وقد كان ما كان جاب الواد اللي عنده في الورشه وفضلوا شغالين طاخ طوخ طاخ طوخ فكوا كل فيش الحساسات والاسلاك وطلعوا البوابه بعد 3 ساعات بالضبط
طبعا كانت متوسخه جدا قالى شاااااااااااااااايف عيب عليك دنا صايع قديم وضحك كام ضحكه شريره كدا وراح غسل البوابه وخلاها بتلمع الصراحه لنج اكنها لسه جديده وبسم الله ركب ركب ركب وبعد مركب انا مراقب كل حاجه وواقف جمبه كان فيه فيشه معرفش يوصلها بحاجه راح مخبيها ورا فبره الضفيره المهم راح يعمل شاى وجه لاقانى مطلعهاله وبقوله دى بتاعه ايه يااسطى
قالى متاخدش في بالك دي فيشه زياده – زيااااااااااااااااده ازاى يعنى (انا بزعق) – قالى علشان لو حبيت تركب حساس قولتله فل طب ركبلى حساس يخلى العربيه تزغرطلى لما اخد غرزه قعد يضحك وقالى دور بس
طبعا دورت ولمبه التشيك طلعت ردحتله – وكمان البلور (السخان الاتوماتيك) مشتغلش مع ان العربيه كانت تلجه
المهم العربيه دارت وفعلا كلامه كان صح العربيه بتتنطط – (متلته) – كل الغرف فيها حريق معادا اول غرفه نظيفه لانج
فضل يجرب في بيجوهات واسلاك بيجوهات وحوارات بتاع ساعتين كمان غير انه اخد في التركيب ساعه يعنى كدا بالصلاه علي النبي 6 ساعات متواصله في الاخر نزل تحت العربيه اتلاقي فيشه واقعه راح مركبها في فيشه الحساس – وطبعا لاحياه لمن تنادى لمبه التشيك شغاله ردح – والعربيه متلته – قالى هابص علي تقسيمه الكاتينه وبرضك فضل يقدم وياخر ويظبط – وبرضك كله فشنك - راح متصل بواحد كهربائي ومعاه كمبيوتر – جه المش مهندس ووصل الكمبيوتر وطبعا كان عامله بالعربي تقريبا اللي فاكره من العربي اللي كان مكتوب ان حساس الكرنك و حساس الكامه وحساس درجه الحراره وحساس الشكمان كلهم كانوا بيشتكوا فك فيشهم تانى وركب و مسح كل الاعطال وطلعنا جربنا ورجعنا
كل اتشال يامعلمى قالى انت كدا عربيتك بتلت في السلانسيه بس لاكن مع المشي كويسه
المهم خدت من الراجل الجهاز وكرمشتله 10 جنيه وفضلت قاعد بيه علي العربيه بتاع نص ساعه ببص علي درجه الحراره في الجهاز لاقيته قريها 150 والمراوح منفضه وهوب راح البلور شغال علشان يسخن الماكينه – طبعا مش هقدر اقول هنا انا عملت ايه ساعتها علشان انا في المنتدي
فصلت العربيه وسيبتها تبرد وخليته يعيد علي كل الفيش تانى ودورت وعملت ايديل ليرن من عل الكمبيوتر والبلور اشتغل وكله بقي تمام ماعدا انها لسه متلته علي السلانسيه المهم شميت ريحه بنزين من الشكمان رحت داخل قايس قرايه حساس الشكمان لاقيته عمال يقرا 400 وبعدين 500 وبعدين ينزل ل 400 وبعدين يطلع ل 600 وبعدين 400 ويثبت عليها كل ده علي السلانسيه انا اللي اعرفه ان المفروض يكون معدي ال 1000
المهم اتخانقت معاهم وخدت العربيه ومشيت ومدفعتش غير 50 جنيه كشف الكمبيوتر للراجل اللي ملوش زنب ده
وطبعا مشيت بعد 8 ساعات بالضبط والعربيه زبااااااااله
انهارده بقي وانا رايح الشغل الصبح العربيه اخرها 120 وصوت الماكينه بيعلى قوى وrpm مش راضي يعدي ال 4000
بالله عليكم حد يدلنى علي مركز محترم في حرفيين القاهره علشان اروحله عل الساعه 2 العصر بس ياريت يكون عنده جهاز كمبيوتر وميكانيكى وكهربائي بيفهموا
منتظر ردكم علي احر من الجمر المشتعل واسف عل الاطاله
Comment