إعـــــــلان

Collapse

.

,
See more
See less

اول تجربة مع مركز اوتو ماستر .. طنانى باشا

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    اول تجربة مع مركز اوتو ماستر .. طنانى باشا

    السلام عليكم يا اجدع رجالة اتاخرت شوية فى الموضوع ده بس عشان كان عندى شوية قصص كده والحمد لله على كل شيئ

    كنت كتبت موضوعين عن تظبيط العفشة عندى وكان فاضل مشكلة مهمة جدا محدش عرف يحلها ابدا ولا يعرف سببها وهى ان العربية مايلة شمال على طول وبالتالى متعبة جدا فى السواقة وملهاش اى طعم

    وكنت عقدت النية انى اروح لاخونا الكريم طنانى باشا فى المركز وقلت اكيد هو اللى هيعرفلى سبب المشكلة واتفقت معاه وتوكلت على الله ورحت يوم السبت اللى فات
    وهناك قابلنى طنانى وكانت اول مرة نتقابل قابلنا الراجل بكل ترحاب وحفاوة جدا والله وهناك قابلت اخونا الكريم د هلالى وهو شخصية محترمة وجميلة جدا
    وكلنا اخونا عمرو جمال جالنا على هناك هو واخوه احمد وهما بردو ناس محترمين وولاد ناس وجدعان جدا


    المهم بقى

    قلتله غير موضوع الميل فى مشكلة وهى عمود الدركسيون فيه بوش شوية وبيبان اوى على السرعة


    رفعنا العربية على الكوريك العالى وبدا الناس الكشف كان الاخ اسمه ( ابو كف ) هو اللى بيكشف فلقينا القنطرة الامامية واخدة كدمة فى الناحية اليمين اللى جنب السواق من ادام اثرت على القنطرة وخليتها مايلة ناحية الشمال
    وبانت اوى والعربية مرفوعة كانت اوطى من ناحية واعلى من ناحية والفرق بين القنطرة والمصفحة فى الناحية المايلة اقل 2 او 3 سم من الناحية التانية

    انا كنت متوقع ان القنطرة هى السبب لانى تقريبا مغير عفشة كاملة ادام ومفيش فايدة وقلت لاخونا عمرو جمال على شكى ده وخصوصا ان كان سبب الكدمة دى ان مرة والدى كان سايقها وخبط فى طبان محترمة من المربعين هى اللى كدمت القنطرة ولوحتها كده .. والحمد لله الكشف من الناس الخبرة المحترمين هناك جاب الفائدة

    كمان كشفنا على عمود الدركسيون والقطمة والصليبة وكان رايهم انى لازم اغير الجزء ده واجيب قطمة بالصليبة عشان البوش ده خلاص لازم يتغير

    وقام اخونا طنانى كلملى حد فى الحرفيين ووصاه على قنطرة ليا وبسعر هايل الصراحة

    وكنت جبت تيل امامى وركبته هناك كمان

    الراى القانونى بقى :)))))


    والله يا جماعة من الاخر اخونا طنانى ده راجل قمة فى الادب والذوق والاحترام وكمان الناس اللى شغالة معاه نفس الموضوع
    والراجل استقبلنا كاننا اصحاب مكان ووالله فعلا كنا كاننا قاعدين فى مكانا بالظبط وروح جميلة وناس محترمة وكان بقى موجود الجميل دكتور هلالى وجه اخونا عمرو جمال واخوه احمد وبقت قعدة اخوية جدا

    وفى الاخر طنانى عمل معايا واجب الصراحة ويستحق عليه كل الشكر وبعد خناق وكام ياعم طنانى ولازم وحلفان يادوب اخد منى تمن تركيب التيل بالعافية

    والله يا جماعة ده اللى حصل وبكل امانة وانا سعيد جدا ان ربنا كرمنا بشخصية محترمة زى طنانى ومركز محترم وبيحس بالناس وبيتعامل معانا باخوية مش بس تجارة وخلاص زى اى حد

    بدعى ربنا يبارك ليه ويكرمه زى ما بيقف معانا فى كل مرة
    (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]
    الكلمات الدلالية (Tags): اوتو, اول, باشا, تجربة, طنانى, ماستر, مركز, مع
  • #2
    الراجل ده بشهادة جميع اعضاء المنتدى هنا قمة فى الاخلاق و الاحترام
    ربنا يباركله و يكرمة
    [COLOR=green]اوبل ....شكرا[/COLOR]

    Comment

    • #3
      عن عبدالله بن عمرو، أن رسول الله - صلى الله عليه وسلم - قال في مجلس: ((ألا أخبركم بأحبكم إليَّ، وأقربكم مني مجلسًا يوم القيامة؟)) - ثلاث مرات يقولها - قلنا: بلى يا رسول الله، قال: ((أحسنكم أخلاقًا)). وطنانى باشا بجد عن كلام كل اللى أتعامل معاه بيشكر فى أخلاقه وأدبه واحترامه ومساعدته للناس بدون مقابل وبكامل احترامه وأدبه ...... يارب يديله على قد نيته ومساعدته للناس
      [SIGPIC][/SIGPIC]---------------------------------------------------------------------------------------
      اللهم أحسن عاقبتنا في الامور كلها وأجرنا من خزي الدنيا وعذاب الاخرة...

      اخوكم :- هيثم على

      Comment

      • #4
        نسيت اقول انى باذن الله هنزل الحرفيين اجيب القنطرة وقاعدة الموتور الخلفية وهروحله باذن الله الجمعة او السبت ربنا يكرم عشان نركب الليلة دى وادعولنا بقى ربنا يكرم يارب
        (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

        Comment

        • #5
          ربنا يجازية خيرا
          [SIGPIC][/SIGPIC]
          (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

          Comment

          • #6
            المشاركة الأصلية كتبت بواسطة elmtr mohamed مشاهدة المشاركة
            نسيت اقول انى باذن الله هنزل الحرفيين اجيب القنطرة وقاعدة الموتور الخلفية وهروحله باذن الله الجمعة او السبت ربنا يكرم عشان نركب الليلة دى وادعولنا بقى ربنا يكرم يارب
            ربنا يتملك الموضوع على خير يا زعيم
            [COLOR=green]اوبل ....شكرا[/COLOR]

            Comment

            • #7
              ربنا يبارك لك ياعم طنانى ويباركلك يا باشا
              mhelshaar سابقا

              Comment

              • #8
                المشاركة الأصلية كتبت بواسطة بيشوى_رمزى مشاهدة المشاركة
                الراجل ده بشهادة جميع اعضاء المنتدى هنا قمة فى الاخلاق و الاحترام
                ربنا يباركله و يكرمة
                فعلا ياباشا والله عندك حق
                (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                Comment

                • #9
                  المشاركة الأصلية كتبت بواسطة haisam ali مشاهدة المشاركة
                  عن عبدالله بن عمرو، أن رسول الله - صلى الله عليه وسلم - قال في مجلس: ((ألا أخبركم بأحبكم إليَّ، وأقربكم مني مجلسًا يوم القيامة؟)) - ثلاث مرات يقولها - قلنا: بلى يا رسول الله، قال: ((أحسنكم أخلاقًا)). وطنانى باشا بجد عن كلام كل اللى أتعامل معاه بيشكر فى أخلاقه وأدبه واحترامه ومساعدته للناس بدون مقابل وبكامل احترامه وأدبه ...... يارب يديله على قد نيته ومساعدته للناس

                  اللهم امين
                  (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                  Comment

                  • #10
                    المشاركة الأصلية كتبت بواسطة بيشوى_رمزى مشاهدة المشاركة
                    ربنا يتملك الموضوع على خير يا زعيم


                    تسلم ياباشا الله يخليك اللهم امين
                    (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) [B][/B]

                    Comment

                    السابق template التالي
                    Working...
                    X