دوره مياه العربيه اوبل فيكترا b2

[haisam ali]

اذاى اقدر اعرف ان دوره المياه بتاعت العربيه فيها هوا .....؟ من غير مافك خراطيم الميه واهدر الميه عشان أشوف فيها هوا ولا لا ....؟؟؟؟

[Hesham.H]

العربيه وهى بارده .. هاتفتح غطا القربه وتدور العربيه .. وتسيبها دايره على السلانسيه تسخن ... وعينك على خرطوم الراجع اللى جنب الرفرف ... اول اما توصل ٩٠ درجه تزود لغايه اما تنزل من الخرطوم ده ميه داخل القربه بشكل منتظم بدون فقاقيع ... ظبط مستوى الميه ودمتم بخير

[haisam ali]

شكرًا جداً ليك يا h .... مانتحرمش منك أبدا يارب .... وبكره باذن الله اجرب كده وارد عليك باذن الله

[ghamry]

العربيه وهى بارده .. هاتفتح غطا القربه وتدور العربيه .. وتسيبها دايره على السلانسيه تسخن ... وعينك على خرطوم الراجع اللى جنب الرفرف ... اول اما توصل ٩٠ درجه تزود لغايه اما تنزل من الخرطوم ده ميه داخل القربه بشكل منتظم بدون فقاقيع ... ظبط مستوى الميه ودمتم بخير

مضبوط ياهشام بك والله ينور عليك وممكن يبدأ يزود من عند 82 درجه ويتابع المياه حتى يخرج الهواء

[haisam ali]

طاب ماهو محمود ( maam ) كان عامل موضوع عن انه اذاى نقدر نطلع الهوا من دوره الميه من غير مانفك الخرطوم ومحدش رد عليه ...... ؟ معنى كده انى لو فتحت غطاء القربه من والعربيه بارده وبداء خرطوم الراجع ينزل ميه بس لما العربيه تسخن ان كده الهوا بيطلع من الدوره من القربه وكل حاجه راكبه ......؟

[بيشوى_رمزى]

اعتقد لازم تستنى لغلية ماتسخن علشان يبقى الترموستات فتح

[MaaM]

لا إزاي يا هيثم ! دا فيه فطاحل ردوا عليا ، كدا تزعل الناس منك
وأجمعوا على إن الحل الجذري هو لابد من ضغط المية عشان تزق الهواء ، واللي هي انك تصب مية في القربة وتطلعلك من خرطوم راجع الريداتير أو خرطوم راجع الموتور

وعشان ماتهدرش المية ، تحط جركن تحت خرطوم الراجع والمية اللي تتطلع منه تنزلها تاني في القربة :)

[haisam ali]

اعتقد لازم تستنى لغلية ماتسخن علشان يبقى الترموستات فتح

مانا فاهم يابيشوى ان لازم الترموستات يفتح ماحنا بنقول لما تسخن اهوه .... بس كن رايك هل ينفع قصه الهوا من القربه دى ....؟

[haisam ali]

لا إزاي يا هيثم ! دا فيه فطاحل ردوا عليا ، كدا تزعل الناس منك
وأجمعوا على إن الحل الجذري هو لابد من ضغط المية عشان تزق الهواء ، واللي هي انك تصب مية في القربة وتطلعلك من خرطوم راجع الريداتير أو خرطوم راجع الموتور

وعشان ماتهدرش المية ، تحط جركن تحت خرطوم الراجع والمية اللي تتطلع منه تنزلها تاني في القربة :)

لا والله يامحمود مش قصدى استنصح ولا حاجه ...! بس الموضوع يستاهل التأمل والتفكير لان الواحد فعلا لقى فيها فكره ان الهوا هيخرج من القربه ..... ( وكده يبقى الغطاء بتاع القربه فيه سيكس بالف بيقوم بالقصه دى مع نفسه ) كده ولا ايه ياحوده .... فكروا معايا كده ياجماعه ....! ولا انا دخلت الدنيا فى بعضها ولا ايه ...؟

[MaaM]

مش واخد بالي هايخرج ازاي مع نفسه ؟

[haisam ali]

ياحوده مش خرطوم الراجع ده بيجيب من فوق ....؟ وخرطوم الساحب من تحت ....؟ يبقى الهوا اللى هينزل من خرطوم الراجع هيطلع من القربه وهيا مفتوحه والميه بس هيا اللى هتتزل مع خرطوم الساحب من تحت .....؟ انا كده صح ولا بعك ...؟

[Hesham.H]

ياحوده مش خرطوم الراجع ده بيجيب من فوق ....؟ وخرطوم الساحب من تحت ....؟ يبقى الهوا اللى هينزل من خرطوم الراجع هيطلع من القربه وهيا مفتوحه والميه بس هيا اللى هتتزل مع خرطوم الساحب من تحت .....؟ انا كده صح ولا بعك ...؟

طبعا كده صح وهو ده اللى انا قلته فى اول تعليق ليا بس ممكن ما عرفتش اوصله صح

[hagagatc]

لازم تزود ميه علي فكره وخرطوم الراجع مفكوك وفي ملحوظه الحراره لما توصل 90 الميه في القربه بتعلي وبتخرج من الفتحه يعني الميه حتخرج مش الهواء او في طريقه تانيه
انك متفكش الغطا خالص واول متوصل 90 يدوب تهوي الغطا بسيط لحد متسمع فس مع زواده بنزين وتقفل وتهدي شويه وتكررها اكتر من مره