تاخير في الدواره الصبح

[hagagatc]

ايه اسباب التاخر في الدواره الصبح انا عندي العربيه الصبح بتتاخر لمده4 ل 5ثواني في الدواره الصبح ولو قفلت وفتحت تاني تدور من تكه

نضفت دوره العربيه بخل وملح لمون وبعد كده فضيت الدوره وغسلت القربه وحطيت ميه نضيفه ولاحظت ان الميه بتنقص لقيتها لما بتوصل 90 الميه وبخار ميه بيخرج من الغطا وهو مقفول هل الغطا كده باظ ولا لو في هوا يعمل كده

[m7nsh]

طبعا الغطا فيه مشكله .. لازم يتغير فورا .. و اعتقد هتتحل بعدها ان شاء الله

موضوع الدواره .. انا عندى بتقعد ثانيتين كده الصبح عشان تدور .. بس لو سخنه بتدور علطول بعد نص ثانيه مثلا ,,مش عارف دا الطبيعى ولا متاخر ؟

بس اعتقد 5 ثوانى كتير فعلا ,, اخبار طرمبه البنزين ايه ؟والبوجيهات وسلوكها ؟

[sherif moneer]

بيتهيألي طرمبة بنزين ضعيفه
كانت عندي بتعمل كده ف طلعتها ونضفتها وف الاخر اكتشفت ان الخرطوم كان فيه قطع

[body7733]

شوف طقم الكهرباء وطرمبة البنزين

[organic_magic]

ايه اسباب التاخر في الدواره الصبح انا عندي العربيه الصبح بتتاخر لمده4 ل 5ثواني في الدواره الصبح ولو قفلت وفتحت تاني تدور من تكه

نضفت دوره العربيه بخل وملح لمون وبعد كده فضيت الدوره وغسلت القربه وحطيت ميه نضيفه ولاحظت ان الميه بتنقص لقيتها لما بتوصل 90 الميه وبخار ميه بيخرج من الغطا وهو مقفول هل الغطا كده باظ ولا لو في هوا يعمل كده

رقم واحد تغير الغطا


انا عندي نفس مشكلتك بالضبط

غيرت اسلاك بوجيهات وفلاتر و طرمبه بنزين وبيجوهات ولسه زى ما هيا

ناقص حاجه واحده ان شاء الله تطلع منها



هاغير طقم الرشاشات بواحد استيراد ياعالم ممكن تكون هي دي

[haisam ali]

متهيالى البوجيهات هيا اللى تعمل كده

[بيشوى_رمزى]

هو اللى فهمتة ان ضغط البنزين بيقل فمبتدورش على طول
1. اورينجات الرشاشات ممكن تبقى تعبانة فبتسمح بخول هواء بكميه بسيطة
2. طلمبة بنزين ضعيفة
3. كلبسات الفلتر بتاع البنزين مش مظبوطة بتسمح بدخول هواء بكمية بسيطه
4. حساس الكولنت(الموضوع ده حصل معايا غيرت الكولنت اتظبطت بس لغاية دلوقتى مش شايف علاقة بس الحمد لله انها ظبطت)

و كان فى موضوع فى قسم المحركات عن الدوارة و تسخين الموتور كانوا بيتكلموا عن حاجة اسمها ال fuel accumulator او fuel damper وظيفتة انه يحافظ على شوية بنزين للدوارة بس انا مش عارف ده عندنا فى الاوبل ولا لا؟

[andrew uwj]

يا جماعه انا عندى فى اول تدويره لمبه الزيت يتفضل منوره ثانيه ولا ثانيتين هو ده كده طبيعى ؟؟

[hagagatc]

انا كشفت النهارده لقيته كتاوت طرمبه البنزين
بيعلق وحاجه تانيه اسمها power supply relay
والاتنين بيبقي موجودين في العلبه السمرا الي فوق ال abs
والغطا غيرته بواحد فيبي ب 35 جنيه

[haisam ali]

والدنيا سبيت معاك كده بعد التغيير ...؟

[MOHAMEDEBAID75]

عندى نفس المشكله

[hagagatc]

انا مغيرتش غير غطا القربه والا كتاوت صنفرت اطرفها بس