مطلوب رائيكم يا جماعة !!!!

[olver]

انا اشتريت الكورسا دى قبل كده وقعدت معايا حوالى ٦ شهور ...... العربيه دى تحفه تحفه تحفه بجد حكايه موتورها قوى جداً جداً وشنطتها واسعه اخر حاجه وتكييفها ثلاجه وصالونها واسع جداً جداً مش زى مابيقلولك وجرايه اخر حاجه وعفشتها فى جمال عفشه الاوكتافيا .... من الاخر عربيه وهم كمان هعملك مقارنه بسيطه ولازم تدقق فيها اوى اللانسر دى لو ركبت فيها ٢ نفر قدام و٢ نفر ورا صدقنى خلصت مفيش مطب هيفوت منك لازم تحك ....... صدقنى قبل ماتروح للانسر وتخلص فيها بصلك بصه كده على الكورسا مع أى حد الاول ( صدقنى لو جبت واحده حالتها حلوه عمرك ماهتندم ) وطبعا الراى الاول والأخير لاساتذتنا الكبار هنا فى المنتدى .... واسف للاطاله

ما ده الى انا اعرفو برده عنها انما عمرى ما ركبتها انما اتفاجت بكل الردود لصالح الانسر لدرجة ان انا حسيت ان فيه حاجه غلط
عارف حضرتك انا اول لما قولت احط البوست ده فى قسم اوبل قولت هلاقى ناس تقولى انت عبيط عشان ازاى تقارن الانسر بالكورسا !!!!!!!!!

[organic_magic]

والله حاله العربيه وتوافر قطع غيارها بالنسبه للمنطقه اللي انت ساكن فيها هو الفيصل

[amirz]

اللانسر يا جماعة الصيت ولا الغنى والله عربيات كلها خلصانة، مفيش اى اوبشن ،موتور عادي واقل من العادي، صالون شكله خلاص قدم.. انا معايا بروتون ويرا ٢٠٠٤ و ١٣٠٠ سي سي وفشخت ميت واحد بكريستالة على الطريق شد مواتير نظرا لان الماتور عندى تكنولوجيا اعلى من الكريستالة بس احنا في مصر كده صيت وخلاص

[Astra Lovers]

للعلم لا اكثر انا ما قولتش ان الانسر افضل من الكورسا ولاكن قولت عيوب ومميزات الاتنين ولو هتسالني لو انا مكانك اعمل ايه هقولك هجيب الكورسا بلا شك بس الخاله النضيفه ودا كتير فالكورسا انما الكريستاله رفم انها قديمه وموتور قديم وصالون وتابلوه قذيم انما اوسع واعتماديه وهاكد تاني الكورسا امتن واعلي اوبشر وافضل فالشكل والموذيل وثبات اعلي وسفر معاك فلل انما الكريستاله اوسع وموتور بدائي اعتمادي جدا صيانتها عند اي عجلاتي
بس برده الاسترا فرق كبير لو تعرف بالرقم دا توقع حاجه مو ٢٠٠١ او ٢٠٠٢ نضيف متترددش
ورايي الاخير اصبر بلاش لانسر عشان قدمت جدا انا كنت جايب العربيه دي ف ٢٠٠١ مو ١٩٩٩ بحوالي ٤٠.٠٠٠ ازاي يدفع فيها النهارده ٥٥ كتييييييييييييييييييير جدا وهتلاقي صاجا من بره مريج زي معظم الياباني والكوري غير شكلها القذسم
اصبر تضفر

[hilal]

عزيزي
زي ما قال الزملاء هنا وكلهم ناس خبراء
اللانسر افضل لانك لو حبيت تبيع للتغيير هتبيع في خلال 3 دقائق لا اكتر
وده عن تجربة ، والله كنت رايح سوق السيارات بعتها بعد 5 دقائق رغم انها كانت مخبوطة من الامام ومن الخلف
وصارحت المشتري بذلك ولكنه اصر على الشراء
انت بتشتري للسوق اولا واخيرا
واللانسر حتى لو كانت منخل زبونها موجود وجاهز

[olver]

و الله ما عارف اقول ايه دا انا كنت مقرر الكورسا انشاء الله انما كلمك غير كل حاجه !!!!

[Astra Lovers]

انت محير نفسك ليه طب انا هريخك
كورسا------- امتن - خامات معمره - قطع غيار معمره لو اصليه - شكل افخم - ثبات - اوبشنز اعلي - مبتتهنش بسهوله - تحمل فوق العاده - متخزلكش - اعاده بيع معقول

كريستاله -------- اوسع - موتور اعتمادي - اي حد يشتغل فيها - اي قطع غيار شغال - خامات مش وحشه - شكل قديم - تابلوه قديم - ثبات نوعي - اي حكه من عجله هتعلم عليها - اعاده بيع بسهوله مطلقه
انت عاوز تركب ايه انت اللي تحدد
انما متقارنش دي بدي عشان مفيش وجه مقارنه اصلا

[MaaM]

ما ده الى انا اعرفو برده عنها انما عمرى ما ركبتها انما اتفاجت بكل الردود لصالح الانسر لدرجة ان انا حسيت ان فيه حاجه غلط
عارف حضرتك انا اول لما قولت احط البوست ده فى قسم اوبل قولت هلاقى ناس تقولى انت عبيط عشان ازاى تقارن الانسر بالكورسا !!!!!!!!!

لأن حضرتك احنا هنا مش متعصبين والحمد لله ، وبالرغم من اننا عارفين كفاءة الأوبل أمام اللانسر عموما ، لكن تبقى اللانسر أفضل !
أما مسألة ليه ، فتقريبا معظم الناس وضحولك وجهة نظرهم وخصوصاً أستاذ hilal

[olver]

يا جماعة انا شاكر ليكم كلكم و انا قررت اروح للانسر انشاء الله واهى بتاعت صاحبى وعارف حالة العربية وانتم شجعتونى اكتر

[amirz]

ربنا يوفقك بس يا ريت يكون سعرها معقول ومندفعش ٥٠ و ٥٥ الف فى عربيات اقل من العادية

[olver]

معلش يا جماعة انا اسف انما ده اول مرة اشترى عربية مستعملة انما نقول ايه الحالة المادية مش كويسة طيب انهى ترشحوها الكورسا ولا الدايو النيوبيرا

[haisam ali]

معلش يا جماعة انا اسف انما ده اول مرة اشترى عربية مستعملة انما نقول ايه الحالة المادية مش كويسة طيب انهى ترشحوها الكورسا ولا الدايو النيوبيرا

صدقنى لو وقعت وصبرت ودورت على كورسا نظيفه بجد هتتبسط جداً جداً العربيه دى محترمه اوى اوى وصيانتها سهله وقطع غيارها معقوله المهم تجيبها حاله نظيفه بجد مش هتتندم

[olver]

صدقنى لو وقعت وصبرت ودورت على كورسا نظيفه بجد هتتبسط جداً جداً العربيه دى محترمه اوى اوى وصيانتها سهله وقطع غيارها معقوله المهم تجيبها حاله نظيفه بجد مش هتتندم

يا مسهل يارب والاقى حاجة كويسة لان انا بجد تعبت من التفكير !!!!!!

[amirz]

كورسا انضف