الحمد لله رب العالمين ... فرق الموت من الحياه لحظه

[Hesham.H]

الحمد لله .. ربنا نجانى بفضله وكرمه فقط دون أى تدخل منى

كنت رايح مشوار ومعايا واحد شغال معايا ... طريق اسفلت عادى رايح جاى وياخد عربيتين كويس بس للأسف على الجنبين عواميد كهربا ضغط عالى على الجنبين
ماشى فى أمان الله ومقابلنى عربيه دبابه ومحمله موز وبيجرى ... مش عارف حصل له إيه خلاه يلم الدركسيون على الشمال فجأه .. فى إتجاهى يعنى
طبعا الغرزه دى مع الحموله العاليه خلت العربيه تميل جامد ناحيتى وخلاص بقى بينى وبينه خمسين متر .. طبعا الحموله وقعت كلها قدامى والعربيه جايه عليا ... لم الدركسيون الناحيه التانيه ... وعربيته اتقلبت على جنبها وبعدين على ضهرها وكل ده الحمد لله فى يمينه هو .. العربيه رجعت تانى اتعدلت بعد القلبتين دول وقامت حاضنه عمود الكهربا بالوش
كل اللى حصل ده كان فى ثانيتين ... طبعا نزلت انا والراجل اللى معايا جرى ... طلعنا الاتنين من العربيه وكان وقف ولاد حلال اخدوهم على المستشفى .. والحمد لله سألت عليهم قالوا كويسين
طبعا العربيه الدبابه مش نافعه تانى من منظرها .. حاجه ربنا ما يكتبها على حد يا رب
انا الحمد لله كان من نصيبى الموز اللى على الطريق ... على ما لحقت افرمل كنت اخدت بتاع ٥ سبايط موز بالإكسدام وفى بطن العربيه
يعتبر عندى الحمد لله مافيش خساير .. الفبره بتاعه الاكسدام اللى تحت اتخلعت وخلاص .. من قوه الصدمات بتاعه الموز
انما انا بصراحه من ساعتها وانا فى دنيا تانيه ... مذهول .. لان ده كله حصل فى لمح البصر ... ولولا فضل الله كان ممكن العربيه تقابلنى فى سكتى بدل الناحيه التانيه
خلوا بالكوا يا اخوانا .. انا من ساعتها وكل عربيه تكون مقابلانى بحس بنفس الاحساس

ربنا يسترها معاكوا ومعانا يا رب العالمين

[برنس الليالي]

المهم اخدتلك شوية موز للعيال ولا ايه ؟ ههههههههههههههههههههه

الحمد لله على سلامتك يا برنس بس المهم تجيب سباطة من اللي عندك :))))))))))

[mastr_n]

لازم تطلع حاجة للة
والف سلامة عليك انت وصاحبك

[omaranes77]

حمدللة علي السلامة

[Abdo Taha]

حمد الله على سلامتك و ربنا يبعد عننا خطر الطرق

[Gelgel2004]

حمد الله على السلامة
الموز كان اخضر طبعا ........
ياعم ادعى و استغفر و تصدق باللى تقدر عليه - اللى شفته ده عبره للجميع ..
الف جمد الله على السلامة..

[haisam ali]

الحمد لله يا h ..... ودائما نقول الحمد لله اللذى تتم بنعمته الصالحات

[MaaM]

الحمد لله على سلامتك يا هشام وربنا يكون في عون سواق الدبابة

Sent from my HTC

[J A G U A R]

حمد الله على سلامتك وربنا يشفى بتاع الدبابه ويقوم بالسلامه ان شاء الله

[Khaled Lanos]

الحمد لله على سلامتك وفعلا اي حاجة بتحصل في لمح البصر وفي الأول والآخر الواحد ماشي بستر ربنا.

[hossam_elwani]

حمد لله على سلامتك

[starlanos]

الحمد لله علي سلامتك

[Hesham.H]

ربنا يسترها معانا جميعا وشكرا لجميع الزملاء الأعزاء

[hagagatc]

الف حمد الله علي السلامه والحمد لله انها جت علي قد كده

[Youssef.Yoyo]

الحمد لله الذى نجاك ونجى من معك واللى فى الدبابة
اشكر الله كثيرا على ماحدث واحمده
وربنا يسترها معاك ومع المسلمين دنيا واخرة يارب