مية المساحات

[Youssef.Yoyo]

العربية معايا كانت مرفوعة ليها كذا سنة عشان ظروف العمل
ومن فترة - قبل موضوع الشنبر - قلت اجرب املا قربة المساحات عشان اشوف الطلمبة شغالة ولا لاء
وفوجئت ان المية اللى بحطها فى القربة كلها بتنزل على الارض بصيت على الزور لقيت مافيهوش مشكلة والمشكلة غالبا فى القربة من تحت
ياترى طريقة فكها ازاى ؟؟ وهل محتاج افك الاكصدام الامامى ولا مجرد انى اشيل غطا الرفرف اللى من جوه
ده رابط فيديو بيوضح مكانها بالضبط فى اول الفيديو
1998 Опель Вектра B. Обзор (интерьер, экстерьер). - YouTube

[haisam ali]

تقريبا لازم تفك الاكصدام الامامى ...... لانها متثبته تحت منه ....!

[mero100]

حتفك كارتيره العجله مع فك كارتيره اسفل الاكصدام .. حتلاقي فيه خراطيم متوصلين بوصله بلاستيك .. ممكن يكون خرطوم منهم واقع من الوصله البلاستيك و الحل انك حتربطه بأفيز ... و بالتوفيق .

[MOHAMEDEBAID75]

غالبا ان شاء الله هتكون الخراطيم سايبة هتشترى افيز وتركبها

[sword00]

هتفك الاكصدام الامامى كله الطرمبه راكبه على خزان المياه من الجمب

[مجمود فراج]

انا كان عندى نفس المشكله فكيت الكرتيره لقيت الخرطوم مفكوك ركبته واشتغل تمام

[Hesham.H]

لو الميه بتنزل على الارض بمجرد ما تحطها فى القربه يبقى للأسف القربه مخرومه او مكسوره .. لو بتنزل على الارضلما تشغل دراع مياه المساحات يبقى العيب من الخرطوم
بالنسبه لطريقه الوصول اليها جرب اولا تفك كارتيره العجله اليمين ... لو ما عرفتش توصل يبقى لازم تفك الاكسدام
تحياتى