الخنقة بتروح بعد نص التنك؟

[mohmmedzohier]

السلام عليكم

للاسف انا مش عارف فين فى الاوبل بس هو عباره عن حاجه سودا كبيره فيها 2 خرطوم واحد فى الهوا كدا والتانى متوصل بحساس

بس جرب الاول فك غطاء التانك الاول للتاكيد

[amr.mohamed85]

انا مستنى على أحر من الجمر
ارجوك متنساش :)

[mohamedkaouh]

انا عربيتي كيا سبكتر 2003 مانيول و عندي نفس المشكله ده بالظبط و محتار من ايه ؟ وتم الكشف على العربيه 3 مرات و منهم مره في التوكيل و كله بيقولي تمام الحمدلله و الطرمبه سليمه و في حد في الاخر بيقولي ممكن التانك يكون في وساخه و محتاج تنظيف و لسه في راي النهارده اني افك غطاء التانك و اجرب ... لو سمحت ان وصلت لحل تقولنا :)

[بيشوى_رمزى]

شكرا للاهتمام
انا هاروح النهارده هركن و هجرب الكلام ده بس غطاء التنك عندى مفهوش اخرام فهدور عند الكرتيرة اليمين زى ما قال استاذ هشام و هجرب و اكيد هقولكم

[mohamedkaouh]

انا عربيتي كيا سبكتر 2003 مانيول و عندي نفس المشكله ده بالظبط و محتار من ايه ؟ وتم الكشف على العربيه 3 مرات و منهم مره في التوكيل و كله بيقولي تمام الحمدلله و الطرمبه سليمه و في حد في الاخر بيقولي ممكن التانك يكون في وساخه و محتاج تنظيف و لسه في راي النهارده اني افك غطاء التانك و اجرب ... لو سمحت ان وصلت لحل تقولنا :)

للتوضيح , الراي لفك غطا التانك راي استاذ محمد زهير "اللي دايما تعبه معايا "

[بيشوى_رمزى]

انا فكيت غطاء التنك و ملقتش فلتر و شيلت الكاوتشة بتاعت التراب ملقتش حاجة
بس فى حاجة خدت بالى منها ال vacuum control مليان حبيات سودا فضيتها و ركبته بس لسه مجربتش ممكن حد يقولى دا عيب ايه هو راكب فيه خرطومين من ناحيه واحد جى من المشترك بتاع السيرفو و التانى من البوابة و من الناحية التانية خرطيوم رايح تحت التوربيدو

[mohmmedzohier]

السلام عليكم

الحبيبات السودا دى كربون نشط بياخد بخار البنزين ويكثفه دا ممهم اوى

[mohamedkaouh]

تجربتي انا كلاتي "منقوله من قسم سبكترا للافاده و المشاركه في حل"

انا جربت النهارده اشيل غطاء التانك و دورت العربيه وكنت مستعجل و كبست بنزين و هي بتسخن جامد كذا مره ورا بعض و ده اول مره اعملها والمهم بعد كام مره كبس بقيت بسمع صوت قرقعه مكتومه وصغيره تقريبا في الشكمان بتجي مره واحده و بعد كذا مره كبس تاني ساعات تيجي الفرقعه ده تاني وساعات لأ ...

و بدأت امشي بالعربيه بعد كده و قولت اشوف ايه النظام لقيت في تحسن بصوره بسيطه في استجابة العربيه لدواسة البنزين و لما خلصت المشوار خالص جربت اكبس بنزين تاني و الحمدلله مكنش في صوت فرقعه :):)

تانك البنزين عندي في حوالي 3/4 التانك

تفتكر ممكن يكون مثلا خرطوم فايظ التانك هو المشكله ولا التانك نفسه عايز تنظيف و لا ايه بالظبط ؟

انا العربيه وديتها لابو اليزيد بتاع شكمانات و قاللي الشكمان تمام و زي الفل و لما قولتله على اللي بحس بيه قاللي ممكن علبة البيئه بس قاللي طلاما شويه تسحب و شويه لأ فمفتكرش ان ده عيب شكمان

انا احترت بجد

[بيشوى_رمزى]

انا فكيت علبة الvacuum زى ما قال استاذ هشام و لقيتها سليمة و فيها الكاربون مشيت مع الخراطيم لاقيها سليمة فى خرطوم منهم رايح تحت الهوايه اللى فوق الكبوت رايحه لجهاز مربع كده و طالع منه خرطوم رايح لل vacuum control
فايدة الجهاز المربع ده ايه ؟؟

[organic_magic]

صوره طويب ؟؟

[بيشوى_رمزى]

هصورها و ارفعها

[بيشوى_رمزى]

[بيشوى_رمزى]

وده الجهاز اللى واصله الخرطوم من الجهاز المربع اللى فوق

[بيشوى_رمزى]

ارجو الرد

[mohmmedzohier]

السلام عليكم

ياباشا العيب مش فى الخراطيم

العيب فى الحساس بيبقى بايظ ما بيدخلش هوا اللعلبه

او العلبه دى بتبقى مسدوده عشان كدا

1- يا تشيل غطاء التانك


2- يا تفك الخرطوم عشان الهوا يدخل