منع استيراد انصاف السيارات بمحتواها

[Astra Lovers]

[url=http://www1.youm7.com/News.asp?NewsID=1497804&SecID=24#.UvjeKt1UNc0]

[Astra Lovers]

ودا فالسودان
[url=http://www.sudaneseonline.com/cgi-bin/sdb/2bb.cgi?seq=msg&board=380&msg=1332538217]

[Astra Lovers]

ماهو لو الجديد متوفر واصلي ومعتمد وسعره مناسب عند الوكلاء كنا فولنا ماشي
ولو التعريفه الجمركبه علي السيارات قليله نقول فلل
ولو الوكلا مبيجمعوش عربياذ فمصر بربع تمنها الاصلي فبلدها ويبعهالك اكتر من تمنها اضعاف نقول برده فلل
ولو مفيش تجار بتلعب فالصيني ومعندهمش لاضمير ولا دم نقول قشطه
اما دلوقتي وفيش غير اننا نقول كلمه من تلات اخرف يتبعها صوت مميز وإشارات خفيفه باليد اليمني ممزوجه بعبارات نابيه لان كل القررات غير مدروسه للاسف

[haisam ali]

ههههههههه دى هتبقى حوسه كبيره ..... بس اللى انا فهمته انهم هيسمحوا ان العربيات تطلع قطع يعنى متفتته انما بدون شاسيهات ..... لو كده يبقى معقول انما لو أتمنعت خلص تبقى اكبر بهدله ..... لا حول ولا قوه الا بالله

[Astra Lovers]

لا والمشكله الاكبر ان بورسعيد بره اللعبه دي باعتبارها منطقه حره والكلام دا انا لسه جايبه من تاجر كبير هناك وقالي ولا يفرق معانا هنا كل حاجه موجوده انصاص كامله ولو عايز اي حاجه مفيش مشاكل نقي وخد المشكله عندنا هنا لان التجار هيضطروا يفكوا الشغل فبورسعيد وذبعا دا له حساب وهيتضاف علي سعر قطعة الغيار اللي بنشتريها والبس فالخيط لو عرفت ترجع حاجه نص نص مش عجباك لان التاجر مخنوق وربحه قل وهيعوض الخساره منك ومني وسمعني احلي سلام

[amrelsaqqa]

طب اللى محتاج يغير نص فعلا ، مش بس محتواه ، يعنى نص شاسيه امامى يعمل ايه ؟ يرمى عربيته في الزبالة ؟

[Astra Lovers]

يا تجيبه من بورسعيد وبالسعر اللي يعجبهم يتجيبوا من هنا متهرب وبسعر عالي

[Astra Lovers]

هوه دا اللي هيحصل للاسف

[a7mad_mo7amad6]

حاجه اخر قلة ادب والله

[waleed alsudy]

الموضوع دا اتعمل بعد ما اكشفت عربيات كتير في الاسكندريه جايه من بره شاسيهات كامله متهربه في حاويات وتيجي يادوب يتركب البدي والمكنه وتمشي العرابيه مسكو عربيات كتير من ضمنها جاجور ودودش بيكب

[ضى القمر]

بيقولك عشان الارهاب ميلحمش السيارة ويهاجم بيها

[hilal]

بيقولك عشان الارهاب ميلحمش السيارة ويهاجم بيها

بنفس المنطق يبقى لازم نمنع البنزين عشان الارهاب بيستخدمه في تصنيع المولوتوف

[Astra Lovers]

فعلا يا دكتر والسولار والسبرتو والاسيتون والكبرين وانابيب الغتز وغاز الفريون وغاز الميثان وممكن الولاعات الصيني

[Astra Lovers]

بس ان جيتوا للحق الفتره الاخيره فعلا انتشرت سيارات ملحومه بجوده عاليه وتم النصب علي من بيعت لهم ودا حرام غير خطورة سير العربيات دي فالشوارع وما خفي كان اعظم

[haisam ali]

بس ان جيتوا للحق الفتره الاخيره فعلا انتشرت سيارات ملحومه بجوده عاليه وتم النصب علي من بيعت لهم ودا حرام غير خطورة سير العربيات دي فالشوارع وما خفي كان اعظم

انا شوفت سمكرى فى المنصورة شغلته يلحم العربيات دى وكان شغال تحديدا فى العربيات الفولكس ( بيتلز - والتوران ) قدامى كان بيلحم عربيه بيتلز حمرا وفتحه سقف موتور ٢٠٠٠ سى سى تربو وفرشها بيج . وبعدين سألته قولتله هتخلص بقى وتدوها وش نظافه . قام مدير وشه كده وباصصلى باستغراب وقرف فى نفس الوقت وقالى عيب عليك يابيه دى عربيه فبريكه كلها . ( احنا هنرشوها مرمات بس ) والمرمات دى للعلم كانت ال٢ قائم الامامى بس من عند الزجاج كده ..... بجد ربنا يسترها علينا ...... وكان بيرخصها بطريقه عجائبه جدا جدا ...... كان بيشترى مثلا عربيه فولكس بيونتير محدثه او حاجه بس نفس لون العربيه اللى بيلحمها ويقوم وأخد العربيه البيتلز بعد اللحام والتظبيط ورايح المرور وداخل بالبيتلز على انها البيونتير ....!!!!! طبعا هتقولولى اذاى !! أرد انا واقولكم اهم حاجه عند المرور ان العربيه فولكس والموديل بقى هما مش فاهمينه اصلا اصلا ويقوم جايب ورق الموتور بتاع العربيه البيتلز دى ومدخله على انه غيرلها موتور ... وطبعا بقى هناك المستخلصين المروريين وعلى رأى الهندسة طنانى الشاى والدخان وكله بيعدى .... ربنا يسترها علينا . اقسم بالله انا يوم ماشوفته بيعمل الموضوع ده وانا حلفت انى عمرى ماشترى عربيه استعمال مهما كانت الظروف ....!