مقبل على شراءؤ فيكترا بى2 وعاوز حبة حاجات من اهل الخبرة

[Ahmed_Gad]

السلام عليكم
اخوكم احمد جديد معاكم فى المنتدى وداخل على شراء اوبل فيكترا بى 2 موديل 2001 كاملة منوال بس فى حبة استسفارات :
1- العربية موتورها 1600 ومكتوب عليه اوبل مش ايكو تيك وانا سامعكو هنا بتقولوا ان فى مواتير فيها مشاكل وفى مواتير مافيهاش فهل الموتور اللى بالوصف دا فى مشاكل كتير ؟ وايه مشاكله المتكررة؟وهل حاجاته متوفرة ولا ايه ؟
2- العربية فيها المراية الشمال الهوسنج بتاعها مكسور منه حتة وهى كهربا هل الهاوسنج لوحده بيتباعع ولا لازم مراية كاملة ؟؟
3- اكصدامات قدام وورا لانهم ما اتغيروش من الفابريكا شكلهم كويس وبس عاوزين يتغيروا لانهم عليهم معجون كتير واكيد ملحومين ياما يعملوا كام واستيراد ولا جديد؟؟
4-العربية الباور بتاعها تقيل رغم انها مافيش فيها زنة ولا صوت لماكينة الباور فهل دا عادى ؟؟؟لانى كانت معايا لانوس وكانت انعم ولما طرمبة الباور بتبوظ بنسمع لها صوت
5-العربية دى مع راجل كبير فى السن من الزيرو وحتى الان وفيها رخصة طويلة وهى فابريكا دواخل بالكامل ورشة برة كلها بس فرش الفابريكا والصالون بحالة الزيرو والتكييف مش شغال بالرغم من ان الكمبروسور شغال ولونها تركواز غامق مميز كدا وكاوتش كويس ومطلوب نهائى 50000 جنيه وشرط التسجيل فهل السعر متناسب مع الحالة ؟؟
6- ايه اهم الحاجت اللى اخد بالى منها فى الشراء ؟
7- طمنونى بقى لان الناس اللى مش فاهمة اللى بيقولوا عدس خوفونى اوى من حاجة اسمها اوبل بس انا لما قريت موضوع عامله المنسق للقسم محمد طنانى قررت بصراحة انى اجيبها فايه المخاوف اللى اخد بالى منها وقطع الغيار اللى بتتغير بصفة دورية اسعارها ايه ؟؟
واكون شاكر جدا لحضراتكم بما استفدته منكم وما سوف استفيده وجزاكم الله خيرا

[lancerevolution]

هى باورها اتقل من اللانوس بحبة حلوين فا دا عادى لو انت متعود على باور اللانوس هتحس بفرق.
المكنة المذكورة هى ال1 كامة و دى كويسة المشاكل الناس قالت عليها كانت فى الأوتوماتك ال 1600 بس غير كدا فهيبقى الأعطال العادية مش أكتر...
جوز المرايات انا جايبهم كلهم ب 300 جنية الفيبرة ممكن تعمل 75 أو 50 حسب التاجر الى بتجيب منه.
قطع الغيار الدورية فى المعقول فى منها تركى و صينى نظام مشى حالك و سعرهم رخيص فلتر الزيت بتجيب بتع اللانوس الجى إم بيركب تمام....
أكد بس إن عطل التكيف دا عشان الفريون مش حاجة تانية .... و انت بتبص عليها زيادة عن العادى الى بيتشاف فى أى عربية بص على الكماليات سليمة و لا مبهدلة عشان لو حبيت تظبطتها بتبقى غالية حبتين....
و ربنا يكرمك و يباركلك فيها ..... و لو انت من إسكندرية إطلع بيها توكيل العامرية بيقولوا عليه كويس يديك تقرير عنها

[a_mohamedsamir]

عن تجربة شخصية خليك فى لانوس أحسن أو هات نوبيرا
لأنك حتحس بفرق كبير جداً فى مصاريف العربيه و في صيانتها وإعادة بيعها صعبه
لو متمسك بالاوبل فهى ممتازه لكن لازم تتأكد من حالتها كويس أوى و إن كل حاجة فيها شغاله و شاشة الاعطال والضفيره تكون سليمه مفيهاش حاجه متعدله أو ملعوب فيها و متكنش ماشيه كتير و السعر يقل شويه خصوصاً ان التكييف مش شغال وده لو حبيت تصلحه حيتكلف كتير
الفيكترا رائعه بس لو حالتها مش ممتازه حتخليك تكره الساعه اللى ركبت فيها عربيات

[a_mohamedsamir]

نسيت أقول لك بص كويس على البارومه خصوصاً حول البربريز ومن عند فتحة الكبوت مع المرآه
وحول الزجاج الخلفى خصوصاً عند مجرى المياه وعند كاوتش الابواب
انت عارف عندنا البارومه غير القاهرة و خلى بالك ان لو فيها بارومه حتسرح معاك

[hagagatc]

السلام عليكم
اخوكم احمد جديد معاكم فى المنتدى وداخل على شراء اوبل فيكترا بى 2 موديل 2001 كاملة منوال بس فى حبة استسفارات :
1- العربية موتورها 1600 ومكتوب عليه اوبل مش ايكو تيك وانا سامعكو هنا بتقولوا ان فى مواتير فيها مشاكل وفى مواتير مافيهاش فهل الموتور اللى بالوصف دا فى مشاكل كتير ؟ وايه مشاكله المتكررة؟وهل حاجاته متوفرة ولا ايه ؟المنيول مشاكله مش كتير زي الاوتو حاجته مش متوفره استيراد زي الايكو تك لاكن لو المكنه حالتها كويسه مفيش مشكله
2- العربية فيها المراية الشمال الهوسنج بتاعها مكسور منه حتة وهى كهربا هل الهاوسنج لوحده بيتباعع ولا لازم مراية كاملة ؟؟ موجود وتوفر ومش غالي
3- اكصدامات قدام وورا لانهم ما اتغيروش من الفابريكا شكلهم كويس وبس عاوزين يتغيروا لانهم عليهم معجون كتير واكيد ملحومين ياما يعملوا كام واستيراد ولا جديد؟؟ الاكصدامات استيراد تعمل فوق ١٥٠٠ جنيه او حسب حالتهم
4-العربية الباور بتاعها تقيل رغم انها مافيش فيها زنة ولا صوت لماكينة الباور فهل دا عادى ؟؟؟لانى كانت معايا لانوس وكانت انعم ولما طرمبة الباور بتبوظ بنسمع لها صوت ممكن اسكاترا او حاجه في العفشه راجع علي البطحات والمساعدين وهي البور تقيل نوعا ما غير الانوس
5-العربية دى مع راجل كبير فى السن من الزيرو وحتى الان وفيها رخصة طويلة وهى فابريكا دواخل بالكامل ورشة برة كلها بس فرش الفابريكا والصالون بحالة الزيرو والتكييف مش شغال بالرغم من ان الكمبروسور شغال ولونها تركواز غامق مميز كدا وكاوتش كويس ومطلوب نهائى 50000 جنيه وشرط التسجيل فهل السعر متناسب مع الحالة ؟؟ التكيف ده حوار تاني خلي بالك بيصرف جامد ممكن يوصل ٣٠٠٠ جنيه
6- ايه اهم الحاجت اللى اخد بالى منها فى الشراء ؟
7- طمنونى بقى لان الناس اللى مش فاهمة اللى بيقولوا عدس خوفونى اوى من حاجة اسمها اوبل بس انا لما قريت موضوع عامله المنسق للقسم محمد طنانى قررت بصراحة انى اجيبها فايه المخاوف اللى اخد بالى منها وقطع الغيار اللى بتتغير بصفة دورية اسعارها ايه ؟؟
واكون شاكر جدا لحضراتكم بما استفدته منكم وما سوف استفيده وجزاكم الله خيرا

[Ahmed_Gad]

هى باورها اتقل من اللانوس بحبة حلوين فا دا عادى لو انت متعود على باور اللانوس هتحس بفرق.
المكنة المذكورة هى ال1 كامة و دى كويسة المشاكل الناس قالت عليها كانت فى الأوتوماتك ال 1600 بس غير كدا فهيبقى الأعطال العادية مش أكتر...
جوز المرايات انا جايبهم كلهم ب 300 جنية الفيبرة ممكن تعمل 75 أو 50 حسب التاجر الى بتجيب منه.
قطع الغيار الدورية فى المعقول فى منها تركى و صينى نظام مشى حالك و سعرهم رخيص فلتر الزيت بتجيب بتع اللانوس الجى إم بيركب تمام....
أكد بس إن عطل التكيف دا عشان الفريون مش حاجة تانية .... و انت بتبص عليها زيادة عن العادى الى بيتشاف فى أى عربية بص على الكماليات سليمة و لا مبهدلة عشان لو حبيت تظبطتها بتبقى غالية حبتين....
و ربنا يكرمك و يباركلك فيها ..... و لو انت من إسكندرية إطلع بيها توكيل العامرية بيقولوا عليه كويس يديك تقرير عنها

الف شكر يا اخى والله طمنت قلبى لانى كنت سامع ان المراية بتاعتها بتعمل 1000 جنيه الواحدة ولو سمحت هو توكيل العامرية دا بيعمل كشف عالعربية كلها بكام؟؟

[Ahmed_Gad]

مشكور اخويا عبد الرحمن على ردك عليا وافادتى وتقبل احترامى

[Ahmed_Gad]

عن تجربة شخصية خليك فى لانوس أحسن أو هات نوبيرا
لأنك حتحس بفرق كبير جداً فى مصاريف العربيه و في صيانتها وإعادة بيعها صعبه
لو متمسك بالاوبل فهى ممتازه لكن لازم تتأكد من حالتها كويس أوى و إن كل حاجة فيها شغاله و شاشة الاعطال والضفيره تكون سليمه مفيهاش حاجه متعدله أو ملعوب فيها و متكنش ماشيه كتير و السعر يقل شويه خصوصاً ان التكييف مش شغال وده لو حبيت تصلحه حيتكلف كتير
الفيكترا رائعه بس لو حالتها مش ممتازه حتخليك تكره الساعه اللى ركبت فيها عربيات

بص ياعم احمد سمير الموضوع انى نزلت من كورى لانه خنقنى لانها عربيات مش عملية وقطع غيار مش معمرة وانا عندى العائلة بسم الله ماشاء الله احجامنا صغنونة خالص يعنى انا اقل واحد فى الحجم ووزنى حوالى 100 كيلو فاللانوس ماكنتش نافعة معانا رغم انها قعدت معايا تلات سنين

[Ahmed_Gad]

نسيت أقول لك بص كويس على البارومه خصوصاً حول البربريز ومن عند فتحة الكبوت مع المرآه
وحول الزجاج الخلفى خصوصاً عند مجرى المياه وعند كاوتش الابواب
انت عارف عندنا البارومه غير القاهرة و خلى بالك ان لو فيها بارومه حتسرح معاك

هى فعلا فيها بارومة فى الحتة اللى تحت الزجاج الخلفى بس حتة حوالى تلاتة او اربعة سم كدا فمش عارف دى مؤثرة ولا ايه؟ وهل ممكن علاجها؟؟

[haisam ali]

١- الموتور ده محترم جدا جدا وإعطاله قليله جدا وحاجته ماليه السوق جديد وهتلاقى استيراد بس مش كتير. ٢-هاتلها مرايه كامله تقريبا ب ٢٠٠ كهرباء استيراد ٣-الاكصدامات الامامى ٣٠٠ جنيه و ١٢٠٠ كامل استيراد والاكصدامات الخلفى ٣٠٠ جنيه جديد و ٩٠٠ استيراد وبجد الحجات دى هترسم العربيه معاك جدا جدا والله بقى لو قدرت تجيبهم استيراد. ٤- الاوبل فيكترا عموما باورها تقيل ودى ميزه عشان ثباتها ( لانها عربيه تهمه على الطريق ) ٥- السعر معقول جدا بس حاول تقص منه عشان التكييف لان تكييف الاوبل بيصرف عشان يرجع جديد ( بجد ثلاجة هيعجبك جدا جدا ) ٦- اهم حاجه طبعا الدواخل تبص عليها كويس وتطلع تجرب عربيتك تمام جدا والله بقى لو رفعتها وشوفتها من تحت ايه الأخبار او توديها لحد يكون عارفك وتثق فيه عشان مايبيعكش ويبصلك بصه من التمام اوى او زى ما زميلنا lancerevolution قال وديها مركز خدمه محترم ٧-انا مش هحلفلك بس صدقنى اللى مركبش العربيه اللى انت بتجيبها دى مركبش عربيات بجد عربيات منتهى المتعه والثبات والأمان والراحة والجمال بجد ربنا يباركلك فيها ..... هذا وبالله التوفيق وبرضه هتستنى رايى زملاءنا الخبراء اكتر منى .....

[hagagatc]

العفو يا باشا ده واجب كلنا هنا عشان نفيد بعض
بس احب اقلك شويه ملاحظات
الكشف في التوكيل افضل عشان يقلك العيب في التكييف ايه ويكشف علي العربيه بوجه عام
حيعمل في حدود ٤٠٠ جنيه
انت ذكرت ان اقل واحد فى الحجم ووزن حوالى 100 كيلو الفيكترا قدام واسعا لاكن لو حترجع بالكرسي شويه الكنبه ورا حتبقي مخنوقه خالص الكنبه الي ورا ديقه للمعلوميه

[a_mohamedsamir]

بص ياعم احمد سمير الموضوع انى نزلت من كورى لانه خنقنى لانها عربيات مش عملية وقطع غيار مش معمرة وانا عندى العائلة بسم الله ماشاء الله احجامنا صغنونة خالص :copy of new:يعنى انا اقل واحد فى الحجم ووزنى حوالى 100 كيلو فاللانوس ماكنتش نافعة معانا رغم انها قعدت معايا تلات سنين

ياباشا ربنا يبارك ويديكم الصحه والعافيه
بص بقلى بالنسبه لقطع الغيار فى الاوبل اللى حتغيره انساه طالما أصلى
وفرق القوه والثبات كبير جدا
وهى تحفه بس عيبها زى ما قلت لحضرتك قطع الغيار غاليه خاصه لو بتقارنها باللانوس
ولازم تكون حالتها كويسه جدا علشان متتعبكش
هى ماشيه كام كيلو؟
لأنك بتقول ان صاحبها هو أول مالك ودى نقطه مشجعه
لكن إكشف على العربيه كويس عند حد يكون بيشتغل فى الأوبل
و إنشاء الله لو فيه خير ربنا يتتمها لك

هى فعلا فيها بارومة فى الحتة اللى تحت الزجاج الخلفى بس حتة حوالى تلاتة او اربعة سم كدا فمش عارف دى مؤثرة ولا ايه؟ وهل ممكن علاجها؟؟

الأفض تخلى سمكرى يبص عليها كويس لو حاجه بسيطه يبقى خير وبركه
لو فيها شغل تبقى عامل حسابك عليه وتنزله من السعر

[ghamry]

الموتور الكامه واحده محترم جدا ومعمر وتكييف العربيه زى تكييف النوبيرا (كويس)وثبات وفرامل وعزم على السرعات العاليه وإستجابه موتور سريعه فى السرعات العاليه وياسلام لو 2000 سى سى وكماليات أفضل من أى عربيه وصاج قوى وعفشه قويه وشاسيه قوى جدا ومصفحه من أسفل الموتور وdead lock وخامات الفرش محترمه يعنى من الاخر ألمانى وعلى فكره أنا شخصيا أفضل الأوبل عن الskoda octavia وربنا يوفق وأهم شىء فحص العربيه كويس وتعرف كل اللى فيها وقطع غيارها مش غاليه للدرجه اللى الناس بتقول عليها ودليل على ذلك شوف مستوي اللى راكب العربيه هاتلاقيه عادى مش مليونير بس مش هاتلاقى متسول أو نشال راكبها زى فيرنا ولانسر(يعنى محترمه)

[Ahmed_Gad]

والله ياجماعة ماعارف اشكركم ازاى على المعلومات والمساعدات القيمة والسريعة دى انا متابع المنتدى بقالى فترة وخاصة قسم الاوبل ومنهم ناس حبتهم من غير ما اشوفهم زى استاذ محمد طنانى واستاذ فادى وكل عصابة الاوبل زى ما بتسموهم ولكن قررت اعمل عضوية هنا مخصوص عشان شايفكم بتساعدو الناس بجد وانا استفدت كتير جدا منكم بس معلش عشان انا قلت انى مستجد اوبل
اولا يعنى ايه dead lock ???
ثانيا هل السرفيس الدورى بتاعها فعلا بيعمل 5000 جنيه ؟؟؟
وهل اخلص فى العربية دى ولا اشوف حاجة سى دى اكس واستنى حبة ؟؟؟لانى سمعتكم بتقولوا ان السى دى اكس حاجة تانية خالص
ثالثا العربية عاملة 151 الف كيلو دا كتير ولا متوسط ولا كويس؟؟

[hagagatc]

dead lock
بتبقي مع السنتر بعد متقفل السنتر في تكه تانيه دي فيدتها لو حد كسر الزجاج ورفع السوجر الباب برضه مش حيتفتح
وفي السي دي اكس بتشغل حاجه اسمها امسك حرامي تلاقي العربيه زمرت ولو فتحت الشنطه او الكبوت نفس القصه
وطبعا السي دي اكس قصه تانيه بس انت تلاقيها علي ابوها مش متعدله او متعدله بس تكون متعدله صح متور ٢٠٠٠ ايكو تك مش ١٦٠٠