مشكلة في وحدة رفع الزجاج في الأوبل فيكترا 97

[almouslim]

السلام عليكم ورحمة الله

عندي مشكلة وحدة رفع الزجاج لأني ساعة أما اقفل العربية من برة الزجاج الأيمن مابيقفلش مع العربية ودي اول مرة تحصل
بس ممكن اقفل من الزرار اللي جنب الفتيس بس كد ايه فايدة مكينة الرفع ومعلش هاتعبكم معايا ساعات الباب الشمال اللي ورا مابيقفلش مع السنتر وساعات يقفل بيبقى لازم اقفله مانويل
فابعد المهندسين الكبار عايز اعرف اعمل ايه وهي ليها علاقة بالفيوزات او الريلهات
وجزاكم الله خير

[Ahmad Allawy]

ممكن طبعا يكون ليه علاقة بالفيوزات و الريلايز..
و موضوع السنتر ده غالبا مكنة السنتر بتعلق. ممكن تكون اتعوجت بس جوة الباب.. لأنها بتبقي راكبة علي رايل نحاس كده او حديد جوة الباب.. ممكن يكون اتعوج او المكنة باظت.. و جه وارد و دي حاجة بسيطة قوي انها تتغير عادي..
اما مكينة الرفع فشوق الفيوزات و كده و خلي كهربائي نضيف يبص عليها.. ولو باظت برضه بسيطة و رخيصة..

[M.Mokhtar]

شوف يا باشا
لو انت فصلت البطاريه قريب كده يبقى برمجه ماكينات الرفع راحت ولازم تبرمجهم تانى
الطريقه كالاتى
هتفتح الزجاج كله تمام
هتقفل الاتنين اللى قدام وتفضل ضاغط على زرار الزجاج لغايه ما يقفلوا خالص وافضل ضاغط 5 ثوانى كمان
بعد كده اعمل نفس الموضوع للزجاج اللى ورا
بعد كده افتح كله واقفل السنتر وشوف هيقفلوا كلهم ولا لأ

موضوع سنتر الباب اللى ورا ممكن تكون المكنه معلقه او فى سلك فاصل
خلى كهربائى يكشفلك عليها

[abouzahra]

السلامة عليكم ورحمة الله وبركاتة

اخى العزيز

مقصدك ان الزجاج لا يقفل مع السنتر لو ك

ودى حلها بسيط ان شاء الله

[abdelaziz-waleed]

السلامة عليكم ورحمة الله وبركاتة

اخى العزيز

مقصدك ان الزجاج لا يقفل مع السنتر لو ك

ودى حلها بسيط ان شاء الله

طب حضرتك قولنا على حل لمشكلة واحدة طيب
انا حاسس ان حضرتك مستني الوحي ينزل على حضرتك بالاجابة
اوعى تزعل مني انا بهزر معاك. خد وقتك ونحن في انتظار الاجابة ان شاء الله

[M.Mokhtar]

طب حضرتك قولنا على حل لمشكلة واحدة طيب
انا حاسس ان حضرتك مستني الوحي ينزل على حضرتك بالاجابة
اوعى تزعل مني انا بهزر معاك. خد وقتك ونحن في انتظار الاجابة ان شاء الله

مش بقولك كل ردوده عباره عن فوازير او اتصل بالرقم كذا عشان تعرف الحل :)

[ENG\AHMED]

السلام عليكم ورحمة الله

عندي مشكلة وحدة رفع الزجاج لأني ساعة أما اقفل العربية من برة الزجاج الأيمن مابيقفلش مع العربية ودي اول مرة تحصل
بس ممكن اقفل من الزرار اللي جنب الفتيس بس كد ايه فايدة مكينة الرفع ومعلش هاتعبكم معايا ساعات الباب الشمال اللي ورا مابيقفلش مع السنتر وساعات يقفل بيبقى لازم اقفله مانويل
فابعد المهندسين الكبار عايز اعرف اعمل ايه وهي ليها علاقة بالفيوزات او الريلهات

وجزاكم الله خير

الزجاج اليمين بس مبيقفلش ولا مكن الرفع مش شغال اصلا؟؟

مشكلة الباب اللوك نفسة بيتحرك؟؟ ( الصوباع اللى بتقفل وتفتح منة من جوة )
حصلت معايا نفس المشكلة بس فى الباب الامامى بس كان اللوك مش بيتحرك المشوار للاخر فا ساعات مبيقفلش لازم اقفلة بايدى وساعات ميفتحش لازم افتحة بايدى
كل الموضوع الستنر كان محتاج يتنضف فكيتة و wd-40 واشتغل تمام
نصيحة روح لحد نضيف بتاع اوبل يعملهولك لأن القصة دى انا عملتها بنفسى وطلعت روحى لأن السنتر هنا مش كويل زى السنتر العادى اللى بيتباع غاليا موتور كهربا صغير انا حاولت افتحة اعرف تركيبة من جوة معرفتش .. السنتر بالكالون وحدة واحدة واكرة الباب ليها زى دراع بيتوصل بيها واللوك نفس الكلام ولية سلك زى سلك الفرامل بتاع العجلة بيتحرك جواة .. قصة رخمة وبالذات تجميعها لأن مهما كان مساحة الباب من جوة محدودة

[abouzahra]

اخى الحبيب

مشكلة القفل من برة مع السنتر مشكلة حلها بسيط
ان شاء الله

ممكن تيجى تشرفنا فى الورشة نحلها

اما موضوع الباب الخلفى

دى كنترول السنتر الخلفى بتاع الباب هو الى فية المشكلة ( اربة السنتر )

ودى الكل بيغير

بس احنا بنصلحها ان شاء الله

[shoki89]

طب معلش يا رجلة انا عندى استفسار بسيط انا عندى الازاز الامامى بس هو الكهرباء و هو فى وحده رفع بس بتشتغل و انا بقفل بالمفتاح بس فى تكتين اول واحده بتقفل السنتر بس تانى وحده بترفع الزجاج انا بقى عايز اعرف ازاى اقدر اقفل الزجاج بالريموت مع ان لما باجى اقفل بالريموت بدوس اول مرة بيقفل السنتر عادى و بدوس مرة تانيى بسمع صوت قفل سنتر بس بيكون السنتر نفسه مقفول فانا بعتقد ان تانى مره دية المفروض تقفل الزجاج هل الكلام ده صح و لا غلط و لو صح يبقى ليه مش شغال و لو غلط يبقى لية الزجاج مش بيقفل بالريموت ولا اصلا العربية دى مبيتقفلش فيها الزجاج بالريموت و اعمل ايه علشان اشغلة مع العلم العربيه فيكترا 98 1600glx

[ENG\AHMED]

طب معلش يا رجلة انا عندى استفسار بسيط انا عندى الازاز الامامى بس هو الكهرباء و هو فى وحده رفع بس بتشتغل و انا بقفل بالمفتاح بس فى تكتين اول واحده بتقفل السنتر بس تانى وحده بترفع الزجاج انا بقى عايز اعرف ازاى اقدر اقفل الزجاج بالريموت مع ان لما باجى اقفل بالريموت بدوس اول مرة بيقفل السنتر عادى و بدوس مرة تانيى بسمع صوت قفل سنتر بس بيكون السنتر نفسه مقفول فانا بعتقد ان تانى مره دية المفروض تقفل الزجاج هل الكلام ده صح و لا غلط و لو صح يبقى ليه مش شغال و لو غلط يبقى لية الزجاج مش بيقفل بالريموت ولا اصلا العربية دى مبيتقفلش فيها الزجاج بالريموت و اعمل ايه علشان اشغلة مع العلم العربيه فيكترا 98 1600glx

وحدة الرفع بتشتغل بالمفتاح .. لف المفتاح و ثبت ايدك هتلاقى الزجاج قفل

التكة التانية اللى بتحصل لما تدوس على الريموت مرتين دة dead lock العرربية مش هتفتح الا بالمفتاح بتاعها او الريموت حتى لو مديت ايدك شديت اللوك من جوة مش هتفتح

روح لحد نضيف بتاع تركيب سنتر وانذار هيعمل كوبرى بين سلكة السنتر ووحدة الرفع علشان تقفل الزجاج مع السنتر بالريموت

[M.Mokhtar]

وحدة الرفع بتشتغل بالمفتاح .. لف المفتاح و ثبت ايدك هتلاقى الزجاج قفل

التكة التانية اللى بتحصل لما تدوس على الريموت مرتين دة dead lock العرربية مش هتفتح الا بالمفتاح بتاعها او الريموت حتى لو مديت ايدك شديت اللوك من جوة مش هتفتح

روح لحد نضيف بتاع تركيب سنتر وانذار هيعمل كوبرى بين سلكة السنتر ووحدة الرفع علشان تقفل الزجاج مع السنتر بالريموت

الكلام ده صحيح 100%
فاكر يا احمد لما حاولنا نعمل dead lock بالمفتاح :)

المهم اول ضغطه بالريموت بيقفل سنتر عادى والمفروض كمان وحدات الرفع تشتغل
تانى ضغطه هتسمع صوت السنتر بس ده هو ال dead lock العربيه مش هتفتح لا من بره ولا من جوه الا بالريموت او المفتاح بتاعها
يعنى لو سايب حد جوه العربيه كده مش هيعرف يخرج من العربيه الا لو كسر الزجاج

[ENG\AHMED]

الكلام ده صحيح 100%
فاكر يا احمد لما حاولنا نعمل dead lock بالمفتاح :)

المهم اول ضغطه بالريموت بيقفل سنتر عادى والمفروض كمان وحدات الرفع تشتغل
تانى ضغطه هتسمع صوت السنتر بس ده هو ال dead lock العربيه مش هتفتح لا من بره ولا من جوه الا بالريموت او المفتاح بتاعها
يعنى لو سايب حد جوه العربيه كده مش هيعرف يخرج من العربيه الا لو كسر الزجاج

فاكر ياباشا :)
ومتأكد انة بيشتغل بالمفتاح لما تقفل مرتين بس مش عارف اية اللى حصل للعربيات كلها اليوم دة :K15:

[abdelaziz-waleed]

انا لاقيت موضوع ال Dead Lock ده شغال عندي فعلا يا احمد
بس انا عندي مشكلة رخمة جدا حصلت بعد ما عملت شوية سمكرة في الباب اليمين
مش اللي جنب السواق
فوجئت ان الازاز شوية ينزل ويطلع سنة سنة ما بيطلعشي وينزل طوالي
وشوية يتجنن واول ما ادوس علشان اطلعه الاقيه طلع شوية وراح نازل لوحده
مش عارف ماله فيه ايه
فاكر يا مختار لما كلمتك على المشكلة ديه وقولتلي انها هاتتحل لوحدها
فعلا فوجئت ان الازاز احيانا بيشتغل كويس جدا وبعد شوية الاقيه اتجنن تاني
روحت التوكيل قالولي اني محتاج اجيب موتور تاني للباب
طب مش المفروض لو الموتور بايظ الازاز لا يطلع ولا ينزل ولا ايه
انا خايف من ان اثناء السمكرة والدق على الباب تسبب في مشكلة في الماتور بتاع الازاز
في التوكيل قاللي هاتها استيراد واحنا نركبهالك هاتكون في حدود 200 جنيه
لأنها جديدة بتعدي الالف جنيه
ايه رأيكم في الكلام ده

[ENG\AHMED]

انا لاقيت موضوع ال Dead Lock ده شغال عندي فعلا يا احمد
بس انا عندي مشكلة رخمة جدا حصلت بعد ما عملت شوية سمكرة في الباب اليمين
مش اللي جنب السواق
فوجئت ان الازاز شوية ينزل ويطلع سنة سنة ما بيطلعشي وينزل طوالي
وشوية يتجنن واول ما ادوس علشان اطلعه الاقيه طلع شوية وراح نازل لوحده
مش عارف ماله فيه ايه
فاكر يا مختار لما كلمتك على المشكلة ديه وقولتلي انها هاتتحل لوحدها
فعلا فوجئت ان الازاز احيانا بيشتغل كويس جدا وبعد شوية الاقيه اتجنن تاني
روحت التوكيل قالولي اني محتاج اجيب موتور تاني للباب
طب مش المفروض لو الموتور بايظ الازاز لا يطلع ولا ينزل ولا ايه
انا خايف من ان اثناء السمكرة والدق على الباب تسبب في مشكلة في الماتور بتاع الازاز
في التوكيل قاللي هاتها استيراد واحنا نركبهالك هاتكون في حدود 200 جنيه
لأنها جديدة بتعدي الالف جنيه
ايه رأيكم في الكلام ده

فك فرش الباب وشوفة وهو بيتحرك ممكن تكون فية حاجة سايبة او بتعمل تقل او حمل على الموتور فابيفتح تانى
العربية فيها اوبشن ان لو فية عائق امام الزجاج بيفتح تانى اوتو

[abdelaziz-waleed]

فك فرش الباب وشوفة وهو بيتحرك ممكن تكون فية حاجة سايبة او بتعمل تقل او حمل على الموتور فابيفتح تانى
العربية فيها اوبشن ان لو فية عائق امام الزجاج بيفتح تانى اوتو

اول مرة اسمع الاوبشن ده منك يا احمد وكدة اكيد عندك حق
انا هاجرب كدة واقولك على الاخبار
بس معقول في التوكيل ما يعرفوش حاجة زي كدة