بعد الشنبر

[Youssef.Yoyo]

السلام عليكم
بعد ماعملت طقم الشنبر والعربية لينت لمسافة 350 كيلو فى كام حاجة ظهرت معايا

1- المروحة شغالة على طول وبالتالى درجة الحرارة نازلة على الازرق وتكاد تكون مش بترفع .. كان فى احد الاخوة الاعضاء قال ان فى كتاوت يتسال عشان ده سلف دفنس للموتور ياريت تقولولى رقمه كام وهل ده فى تاثير منه على حرارة الموتور .. التكييف فاضى شحن طبعا

2- فى صوت فى الشكمان فالميكانيكى قالى دى المصفه اللى فى علبة الشكمان اللى فى نص العربية من تحت ياترى كلامه صح وايه الحل للموضوع ده مع ان الصوت ده ماكانش ظاهر معايا خالص قبل كده

3- النور بتاع الصالون والاربع ابواب بيشتغل مع نفسه وبضطر انى اشيل الفيوز بتاعه مع انه كان شغال كويس مش عارف المشكلة فين ياريت تقولولى

4- العربية بعد ماغيرت بلية واسطوانة لسه برضو حاسس ان السرعة مش متناسبة مع الار بى ام يعنى قبل الشنبر لما كنت ابقى على الخامس كان الاربى ام على 3 والسرعة 90 دلوقتى برضو الوضع ما فرقش كتير .. هل ده طبيعى ولا ايه النظام ؟؟

[tananybasha]

1. افتح كونتاكت و دوس على زرار التكييف 5 ثوانى و افصله هتلاقى المراوح فصلت
2.ممكن لو العلب كانت معبيه و الكبس الهربان ضرب فى الشكمان يكون المصافى فوتت
3. شوف زرار النور يكون مشدود لبره او زرار من زراير الأبواب معلق
4. العربية و هى مفوته بتجرى احسن من العربية المحكومه الفرق فى استهلاك البنزين مش السرعه

[haisam ali]

بجد ربنا ما يحرمنا منك ياهندسه .... رد مختصر جدا وواضح اوى

[cayman69300]

تفويت الموتور بيبان من حاجة سهله اوى و هى عزم العربية و هى محمله و فى المطالع بتبان اوى - و على فكرة العربية المفوته و هى فاضية بتجرى اسرع بكتير من العربية السليمة و دة لان تهريب الزيت بيخلى البساتم تجرى زى الرهوان و ممكن تلاقى الاول يجيب معاك 60 او 70 كم / س - عادى جدا فى العربيات المفوتة الكلام دة

[Youssef.Yoyo]

1. افتح كونتاكت و دوس على زرار التكييف 5 ثوانى و افصله هتلاقى المراوح فصلت
الموضوع ده عملته يا باشا ومافيش حاجة اتغيرت ... بس النهاردة عملته تانى لما انت قلته وجربت ربنا هداها شكلها خافت منك .. بس زى ما قلتلك قبل كده قريت موضوع للاستاذ فادى بيقول فيه ان لو شحنة الفريون فاضية فالمراوح بتشتغل كحماية وقائية للمحرك وكان قال عشان تخلى المراوح توقف بتشيل كتاوت من علبة الفيوز بس مش فاكر انهى واحد ومش عايز اجرب وخلاص
2.ممكن لو العلب كانت معبيه و الكبس الهربان ضرب فى الشكمان يكون المصافى فوتت
برضو النهاردة كان فى حد جانى عشان يشوف العربية عشان عارضها للبيع فالصوت راح خالص .... شكللها زهقت منى ...
3. شوف زرار النور يكون مشدود لبره او زرار من زراير الأبواب معلق
انا عملت الاتى فكيت الاربع زراير بتوع الابواب وطلعتهم بره وقفلت العربية ومافصلش فرحت شايل الفيوز والمشكلة ان الفيوز بتخلى الساعة والعداد يفصلوا ... بس جربت افك المفتاح ماعرفتش ياريت تدلونى
4. العربية و هى مفوته بتجرى احسن من العربية المحكومه الفرق فى استهلاك البنزين مش السرعه