الهاوزر مشرخ عند المسامير ومتغير قبل كده ومش عارف اعمل ايه - فيكترا بي

[mohamed-adly]

سلام عليكم

تحياتي للجميع

انا لسه شاري اوبل فيكترا b - مو2000
1600 المكنة السودا كامة واحدة

المهم الهاوزر مشرخ عند المسامير وصاحب العربية الاولاني قالي انه كان مغيره قبل كده المهم
ان العربية بتسخن بسرعة في 5 دقايق توصل للـ90 وكل شوية المراوح تشتغل وزهقت الصراحة لان معايا نوبيرا 1 فين وفين لما الحرارة تعلي اساساً

المهم
روحت لميكانيكي و2 كلهم خافوا يغيروا الهاوزر قالولي هات وش سلندر كامل لان ممكن يكون العيب من الوش مش الهاوزر

فهل تعتقدوا الكلام ده صحيح

وايه رأيكم اغير الهاوزر فقط ولا الوش كامل

لان العربية بتسرب زيت كل ماتسخن

واجيبه منين افضل في الحرفين؟ من عند مين


وعايز اجيب شوية كماليات ليها زي اكصدام امامي فوانيس الخ


وشكرا

[kar!m]

هو فعلا الهاوزينج أو الهيد مالوش علاقة بسخونة العربية .. على حد علمي .. ممكن فعلا يكون وش السلندر مقشوط منه و محطوط جوان واحد .. و ده اللي بيخلي العربية تسخن.

رأيي تقيس الوش و تشوفه متاخد منه ولا لأ .. لو متاخد منه و عاوز تلم الموضوع حط جوان زيادة .. عاوز تشتغل على نضافة هات وش سلندر بالهيد بتاعه.

لو مش متاخد منه .. شوف مشكلة السخونه من ايه.

[mohamed-adly]

هو فعلا الهاوزينج أو الهيد مالوش علاقة بسخونة العربية .. على حد علمي .. ممكن فعلا يكون وش السلندر مقشوط منه و محطوط جوان واحد .. و ده اللي بيخلي العربية تسخن.

رأيي تقيس الوش و تشوفه متاخد منه ولا لأ .. لو متاخد منه و عاوز تلم الموضوع حط جوان زيادة .. عاوز تشتغل على نضافة هات وش سلندر بالهيد بتاعه.

لو مش متاخد منه .. شوف مشكلة السخونه من ايه.

انا شاكك في كده برضو انه ممكن يكون مقشوط منه الحقيقة انا مش عايز العملية تفتح لان حسبتها لقيتها هتعدي 1300 ج
انا كنت عايز اغير الهاوز بس لو زي مابتقول ان الهاوز ملوش علاقة بالسخونة وان المشكلة تكمن في الوش يبقي افضل اغير الوش كامل بالهاوز

وشكرا لإفادتك

[tananybasha]

وش سلندر بالهيد بتاعه هيريح الكلام ده خالص لو فعلاً المشكله منه

[mohamed-adly]

وش سلندر بالهيد بتاعه هيريح الكلام ده خالص لو فعلاً المشكله منه

طناني باشا انا كلمتك قبل كده ولم تقصر معي الحقيقة في إفادات كثيرة
انا من الاسماعيلية

يعني الحل الأمثل وش سلندر كامل بالهاوزينج