هام بخصوص الامطار اثناء السفر لفكترا b

[andrew uwj]

امبارح كنت رايح وادى النطرون و الامطار كانت شغاله اليوم كله و الجو كان برد
فكنت بقفل الازاز لكن مفيش 5 دقائق و الازازز بيشبر جوه فبطر افتح حته علشان تهوى

السؤال بقى ايه الحل للموضوع ده لانى مش مقتنع ان اوبل مفهاش حل للشبوره اللى بتحصل جوه على الازاز دى و بصراحه الحوار ده كان معكننى

[Abdo Taha]

امبارح كنت رايح وادى النطرون و الامطار كانت شغاله اليوم كله و الجو كان برد
فكنت بقفل الازاز لكن مفيش 5 دقائق و الازازز بيشبر جوه فبطر افتح حته علشان تهوى

السؤال بقى ايه الحل للموضوع ده لانى مش مقتنع ان اوبل مفهاش حل للشبوره اللى بتحصل جوه على الازاز دى و بصراحه الحوار ده كان معكننى

فيه زي زرار كده بيشغل هوا دافي من تحت الازاز عشان يضيعلك الشبورة دي مش عارف ده موجود في الفيكترا بي و لا لأ هو موجود عندي في السي فالمفروض ان الاوبل معظمه كده او السيارات الاوروبي عموماً

[haisam ali]

امبارح كنت رايح وادى النطرون و الامطار كانت شغاله اليوم كله و الجو كان برد
فكنت بقفل الازاز لكن مفيش 5 دقائق و الازازز بيشبر جوه فبطر افتح حته علشان تهوى

السؤال بقى ايه الحل للموضوع ده لانى مش مقتنع ان اوبل مفهاش حل للشبوره اللى بتحصل جوه على الازاز دى و بصراحه الحوار ده كان معكننى

هتلف البكره بتاعت التكييف على العلامه بتاعت الهواية بتاعه الطابلوه الامامى ..... وتشغل التكيف الساقع .... ٣ ثوانى بالظبط وانسى الشبوره دى وأول ماتسقع اطفى التكييف وهكذا

[andrew uwj]

هتلف البكره بتاعت التكييف على العلامه بتاعت الهواية بتاعه الطابلوه الامامى ..... وتشغل التكيف الساقع .... ٣ ثوانى بالظبط وانسى الشبوره دى وأول ماتسقع اطفى التكييف وهكذا

يا باشا انا بردان اصلا عايزنى اشغل هوا ساقع كمان :dd

[andrew uwj]

فيه زي زرار كده بيشغل هوا دافي من تحت الازاز عشان يضيعلك الشبورة دي مش عارف ده موجود في الفيكترا بي و لا لأ هو موجود عندي في السي فالمفروض ان الاوبل معظمه كده او السيارات الاوروبي عموماً

مش الهوا الدافى يزود الشبوره اصلا لانه بيتجمع على سطح بارد فيعمل شبوره

[Hesham.H]

حلها بسيط جدا ... شبوره على المرايات والزجاج الخلفى يبقى زرار الضباب اللى فى الطابلوه ... شبوره على زجاج الابواب والزجاج الامامى يبقى تجيب بكره التكييف على النص بالظبط بين الازرق والاحمر وتخلى بكره البلاور على هوايه الزجاج مش الهوايات الاماميه .. منها هاتدفى العربيه وهاتمنع أى ضباب

لو بتروح وادى النطرون كتير انا ساكن قريب من هناك ممكن تعرفنى ونتقابل
تحياتى

[andrew uwj]

حلها بسيط جدا ... شبوره على المرايات والزجاج الخلفى يبقى زرار الضباب اللى فى الطابلوه ... شبوره على زجاج الابواب والزجاج الامامى يبقى تجيب بكره التكييف على النص بالظبط بين الازرق والاحمر وتخلى بكره البلاور على هوايه الزجاج مش الهوايات الاماميه .. منها هاتدفى العربيه وهاتمنع أى ضباب

لو بتروح وادى النطرون كتير انا ساكن قريب من هناك ممكن تعرفنى ونتقابل
تحياتى

شكرا جدا استاذ هشام
انا بنزل فى الاجازه بس انشاء الله نتقابل

[Abdo Taha]

مش الهوا الدافى يزود الشبوره اصلا لانه بيتجمع على سطح بارد فيعمل شبوره

لأ هو مش دافي زي ما انت فاكر دي بيبقى سنة بسيطة اوي عشان ميبقاش الهوا داخل ساقع لأنه بيبقى شديد شوية فميبقاش رخم

[MOHAMEDEBAID75]

انا بشغل الدفايه على 1 وبحول الهواء على الزجاج الامامى ومفيش اى مشاكل انا كنت راجع من شرم وعملت كده وكان الزجاج زى الفل