ليه الاسعار دى

[opel-sohag]

انا كنت عاوز اعمل عفشة العربية
و رحت للصنايعى بتاع العفشة يشوف الطلبات اللى عاوزها
قالى عاوز الاتى :

جلد مقص امامى بايظه ناحية الشمال خالص و اليمين نص نص
و تيش الدركسيون بايظ الناحيتين
و مساعد شمال بايظ

نسيت العربية موديل 99 فكترا

رحت اسال عند بتاع قطع غيار على الاسعار ادانى اسعار عالية
رحت سالت واحد تانى لقيت اسعار اقل
مثلا المساعد جديد بالطقم واحد قالى 700 و التانى قالى 920 و الاتنين المانى بس ده نوع تانى بلاشتين ابو 920

السؤال للخبراء بالمنتدى:
1= هل ينفع اغير مساعد ناحية واحدة ولا اغير الناحيتين احسن
2=طيب الاسعار دى صح ولا = يعنى غالية ولا ايه =
3=فرق الاسعار ده صحيح ولا اشتغاله تجار
4=لو الاسعار غاليه ايه سعرهم الطبيعى و اجيب المانى ولا تركى احسن

ارجو الرد و متابع

[بيشوى_رمزى]

اعتقد لازم تغيير المساعدين مع بعض علشان الحمل ميبقاش على الجديد
الاسعار هتلاقى فيها تفاوت كبير لان فى انواع و اصلى و مضروب كتير
الاسعار اللى يقدر يفيدك فيها هيثم و rarespeed لانهم لسه مغييرين و عارفين الانواع باسعارها

تقبل مرورى

[sherif moneer]

والله انا من رأيي هات اتنين استيراد من حد مضمون احسن عشان انا مره ركبت اتنين جداد وغيرتهم بمجرد ما ركبو و رجعتهم

[m7nsh]

انا من رأي شريف .. ركبتين استيراد محترمين هيكون افضل

[haisam ali]

اوعك تجيب مساعدين جداد ..... كله مضروب لسه مركب ٢ مساعد امامى ساكس مبقالهومش شهر وجابوا زيت ..... ياتجيب استيراد ..... ياما جديد اصلى من منصور ..... هذا وبالله التوفيق

[بيشوى_رمزى]

بتاع منصور اكيد سعره معدى

[sherif moneer]

استيراد من حد بيجيب شغل ياباني او ألماني والياباني احسن
عشان العربيات وارد اليابان دي مبتعملش اكتر من 50 الف كيلو ده غير ان الطرق هناك سيراميك ف بتبقى حاجات مش متهانه

[organic_magic]

عليك وعل الاستيراد شوفلك جوز نظاف احسن

[haisam ali]

بتاع منصور اكيد سعره معدى

بتاع منصور اكيد سعره معدى

سالت عليه وبأذن الله رايح أجيب اتنين اشيلهم احطياطى ..... الواحد ب ٥٥٠ جنيه فى التوكيل يعنى الاتنين هيبقوا ببتاع ١٢٠٠ جنيه ......!!! مانا جبت الساكس ب ٩٥٠ جنيه ماكملوش شهر وجابوا زيت ..... ربنا يسترها علينا

[opel-sohag]

استيراد من حد بيجيب شغل ياباني او ألماني والياباني احسن
عشان العربيات وارد اليابان دي مبتعملش اكتر من 50 الف كيلو ده غير ان الطرق هناك سيراميك ف بتبقى حاجات مش متهانه

ازاى اعرف ان ده استيراد يابانى ولا لأ

و ازاى اعرف المساعد نظيف ولا لأ

و هوه عليه ضمان ولا بختك يا ابو بخيت


متابع


اخوكم
اوبل سوهاج



تحياتى لكل من شارك بالرأى

[haisam ali]

انا قبل ماجيب المساعدين الساكس دول ...... جبت ٢ استيراد كانوا شكلهم زيرو تمام وفكتهم كبستهم بايديا وكانوا محكمه والعفشجى شافهم وقال ميه ميه ..... وماكملوش اسبوع وفكينا تانى ولاقيناهم رايحين فى داهيه .... وكل دى كلفه عليك ومضيعه وقت ..... لو تقدر تجيب الجديد الاصلى ده ريح دماغك واتكل على الله