كيف اعرف الاوبل المتبهدلة من الاوبل الجيدة

[sanderos89]

السلام عليكم،
انا متابع قديم للمنتدي ،وهذة اول مشاركة لي، حقيقة انا عاوز اشتري اول عربية ليا ، هاتكون اوبل فكترا 94 او 95،
السؤال هنا ،
اني بلاقي دايما الاعضاء لو العربية مش متبهدلة، او حالها كويسة، طيب انا اعرف ازاي؟
ولو العربية استيراد الخارج بتفرق في اية؟

[miceg]

ادخل قسم البيع والشراء هتلاقي مواضيع مثبته مشروح فيها إزاي تشتري سيارة مستعملة
والموضوع بشكل عام في جميع العربيات

[m7nsh]

تكييفها يكون شغال - ال abs شغال .. كل لمض التابلوه شغاله و بتطفى بعد الدواره بشكل طبيعى ومفيش حاجه مفصوله .. الحراره فى الطبيعى و المراوح بتشتغل وتفصل فى ميعادها ..
وبوجه عام يكون مفيش رشح زيت فى الحوض بشكل مفضوح او مبالغ فيه .. الشكمان مش بيدخن و الهوا خارج منه بانتظام (مش هبالغ واقول لازم يطلع ميه).. الباور كويس و مفيش اصوات من الطرمبه او الكبالن .. الدواره والسلانسيه منتظمين ومفيهمش مشاكل ..

[بيشوى_رمزى]

تكييفها يكون شغال - ال abs شغال .. كل لمض التابلوه شغاله و بتطفى بعد الدواره بشكل طبيعى ومفيش حاجه مفصوله .. الحراره فى الطبيعى و المراوح بتشتغل وتفصل فى ميعادها ..
وبوجه عام يكون مفيش رشح زيت فى الحوض بشكل مفضوح او مبالغ فيه .. الشكمان مش بيدخن و الهوا خارج منه بانتظام (مش هبالغ واقول لازم يطلع ميه).. الباور كويس و مفيش اصوات من الطرمبه او الكبالن .. الدواره والسلانسيه منتظمين ومفيهمش مشاكل ..

الكلام ده 10/10

[Hesham.H]

تكييفها يكون شغال - ال abs شغال .. كل لمض التابلوه شغاله و بتطفى بعد الدواره بشكل طبيعى ومفيش حاجه مفصوله .. الحراره فى الطبيعى و المراوح بتشتغل وتفصل فى ميعادها ..
وبوجه عام يكون مفيش رشح زيت فى الحوض بشكل مفضوح او مبالغ فيه .. الشكمان مش بيدخن و الهوا خارج منه بانتظام (مش هبالغ واقول لازم يطلع ميه).. الباور كويس و مفيش اصوات من الطرمبه او الكبالن .. الدواره والسلانسيه منتظمين ومفيهمش مشاكل ..

برافو يا محمد ... كلام زى الفل .. بس هاضيف حاجه صغيره بعد إذنك
لازم وانت بتبص على قالب العربيه تلاقيه مظبوط ... يعنى إيه ؟!!!
يعنى مافيش فروق فى صاج العربيه .. الاكصدامات .. الابواب .. يعنى بالبلدى العربيه تكون وقفتها حلوه
تحياتى

[m7nsh]

اصلى اوي يا h .. الله ينور يا زعيمى ..
اكيد حاله الصاج رقم 1 ..وبعدها الباقى و حاله الصالون و كده .. يعنى لازم الكشف الدقييييييييق بدل ما تروح فى الغرييييييييييييييق .. والكشف الموزون بدل ماتكون زبون ,, ولو كنسلت الكشف هيطلعلك بدل المشكله الف .. وعجبى !

[sanderos89]

الله ينور

شكرا يجماعة ...افدتوني كتيير :d

[yoyomonster]

الفيكترا لحد 95 مفيهاش abs ، غير كده محنش قال المفيد :)
واستني برده حد معاه نفس موديل العربية يقولك ايه العيوب الدائمة اللي فيها عشان متتخدعش وانت بتتفرج، وان شاء الله تلاقي حاجة كويسة

[haisam ali]

الله ينور على الكلام يامحمد ويا هشام بجد .... بس انا عندى حاجه صغيره اوى عايز اضيفها اول ماتروح تتفرج على فيكترا ٩١ - ٩٥ اول حاجه تعملها تفتح الصالون وتبص على حزام السواق اللى راكب فى الكرسيين اللى قدام لو لقيته طالع منه كارت اصفر كده عامل زى إنذار الحكم ..... او الكارت كان طالع وهوه قطعه بيبان انه مقطوع طبعا .... قول لصاحبها مايلزمنيش لان كده العربيه عامله حادثه حلوه مش خفيفه ..... هذا وبالله التوفيق ( العربيات دى حكااايه على فكره ممتعه وببلاش )

[Maghraby1987]

الله ينور على الكلام يامحمد ويا هشام بجد .... بس انا عندى حاجه صغيره اوى عايز اضيفها اول ماتروح تتفرج على فيكترا ٩١ - ٩٥ اول حاجه تعملها تفتح الصالون وتبص على حزام السواق اللى راكب فى الكرسيين اللى قدام لو لقيته طالع منه كارت اصفر كده عامل زى إنذار الحكم ..... او الكارت كان طالع وهوه قطعه بيبان انه مقطوع طبعا .... قول لصاحبها مايلزمنيش لان كده العربيه عامله حادثه حلوه مش خفيفه ..... هذا وبالله التوفيق ( العربيات دى حكااايه على فكره ممتعه وببلاش )

هو ايه الكارت الاصفر ده؟
و موجود في البي برده وللا ﻷ؟

[haisam ali]

هو ايه الكارت الاصفر ده؟
و موجود في البي برده وللا ﻷ؟

لا مش موجود فى ال b تقريبا .... الكورسا ٩٤-٩٩ والاسترا ٢٠٠٠-٢٠٠١ والفيكترا ٩١-٩٥ بس تقريبا وده بيطلع لما العربيه تعمل حادثه جامده

[Hisham777666]

هو صحيح ان الافضل ياجماعه ان تكون الفيكترا اوتوماتيك ؟؟
وان العربيه بتبقه بياعه وأفضل لما تكون اوتوماتيك؟؟
ياريت االرد

[haisam ali]

هو صحيح ان الافضل ياجماعه ان تكون الفيكترا اوتوماتيك ؟؟
وان العربيه بتبقه بياعه وأفضل لما تكون اوتوماتيك؟؟
ياريت االرد

هو الموضوع مالهوش علاقه بالفيكترا ....!! هو كل القصه ان الدنيا كلها بقت زحمه فالناس كلها بقت تدور على الاوتوماتيك وبينى وبينك الموضوع يستاهل لان المانوال صعب اوى فى الزحمه دى ..... وبرضه فتيس الفيكترا الاوتوماتيك جميل اوى اوى ويستاهل التضحيه لانه مريح وذكى جداً جداً وبيستجيب مع اقل دوسه وبيفصل فى الزحمه لوحده ( لما تقف وتدوس فرامل بيفصل لوحده ) حاجه بجد جميله ..... هذا وبالله التوفيق

[m7nsh]

ياريت تشرحلنا يعنى ايه بيفصل فى الزحمه يا مستر هيثم ؟؟ عشان انا عايش فالمانيوال بس ومعنديش فكره عن الفيكترا الاوتو ..

[Hisham777666]

هو الموضوع مالهوش علاقه بالفيكترا ....!! هو كل القصه ان الدنيا كلها بقت زحمه فالناس كلها بقت تدور على الاوتوماتيك وبينى وبينك الموضوع يستاهل لان المانوال صعب اوى فى الزحمه دى ..... وبرضه فتيس الفيكترا الاوتوماتيك جميل اوى اوى ويستاهل التضحيه لانه مريح وذكى جداً جداً وبيستجيب مع اقل دوسه وبيفصل فى الزحمه لوحده ( لما تقف وتدوس فرامل بيفصل لوحده ) حاجه بجد جميله ..... هذا وبالله التوفيق

أولا أشكرك جدا على ردك واهتمامك يا هيثم
لكن الكلام ده في الفيكتر الـ95 اوتوماتيك ولا موديلات تانيه؟؟