ربنا كرمني الحمد لله بفكترا 2001

[MOHAMEDEBAID75]

الف مبروك يا باشا وربنا يديك خيرها ويكفيك شرها بس نصيحة ما تغيرش الاكصدامات والمرايات الا لما تاخد عليها بس اعمل له سرفيس الاول

[Ahmed_Gad]

الف شكر. يا اجماعة وبجد انتم اخوات وغاليين عليا قوي وكل يوم بحي انكم اجدع صحاب بجد وبتأكد من كدا رغم اني لسة ما قابلتكوش بس حاسس اني لما اقابلكم ان شاء الله هلاقي رجالة بجد بتخاف على صحابها
بالنسبة لنصائح أستاذ جوزيف في محلها ومشكور عليها وانا فعلا قررت اعمل كدا ان شاء الله بجانب تظبيط العفشة بس انا محتاج حد منكم من اسكندرية يفيدني وكمان انا بسأل علي اكصدامات ومرايات عشان انابحب القط في حاجات العربية واحدة واحدة كل مايبقي متوفر معايا مبلغ اجيب حاجة واركنها
بالنسبة لابعاد العربية فالحمد لله اخوكم بيسوق بقاله اكتر من 9سنين منهم خمس سنين تاكسي فالحمد لله وكمان العربية ابعادها سهل تتحفظ لاني كان معايا لانوس وهي مش بعيدة اوي عنها وكمان الميزة ان الكبوت وانا سايق شايفه عكس عربيات تانية زي الماتريكس
وبجد نفسي نعملوا مقابله لرجالة اوبل اسكندرية

[halimo]

الف الف مبروك يا باشا وربنا يكفيك شرها بص يا باشا انت اصبر على نفسك شوية فى موضوع المرايات والاكصدامات اول حاجة تعملها طقم سرفيس كامل يعنى
1- سير كاتينة والبلية بتاعتة
2- سير المجموعة
3- طقم بوجيهات اصلى gm او لو فيه ماركه افضل ويسلام لو طقم سلك اصلى بالمرة
4- تتاكد من ان طرمبة المية كويسة وانت فاكك الكاتينة
5- طبب المية كلها تشيك عليها
6- بلية الدينامو شيك عليها
7- شيك على شجرة المية ميكونش فيها تسريب واى كوعة كاوتش قديمة وشكلها متهالك غيرها بالمرة
8- اى وصلات كهربا انت شاكك فيها شيك عليها
9- اخيرا زيت الفتيس والموتور وفلترالزيت و البنزين والهوا
10- وياريت لو نوتة صغيرة معاك فى العربية تكتب فيها تاريخ العربية من ساعة ماشتريتها
انا بقولك كدة علشان انا اول ماجبت العربية كنت فرحان زيك كدة وصرفت فلوس كتير فى حاجات ملهاش لزمة ونسيت المهم وفتحت بقها وحدة وحدة لكن وقفت وعملت كل دا مرة واحدة والحمد لله كله بقى تمام اصرف على الحاجات اللى متعطلش العربية وبعد شهر او شهرين قول 3 تعرف العربية محتاجة ايه وتعملة مرة واحدة وربنا يوفقك

مبروك وكلام مظبوط 100/100

[S O P H O S]

الف مبروووك