من كورسا لفيكترا؟؟؟افيدوني

[mario1551]

أولا احب أشكر كل الأوبيلاويه على كل المعلومات والمجهود الكبير اللي بتعملوه :)
أنا أوبلاوي جديد,,,مش قديم قوي يعني وبتعلم منكم و معاكم حاجات كتير قوي....أنا معايا كورسا 1200,,94 سبور 2 باب
العربية حلوة وكل حاجة ومع إني كنت تعبان منها الفترة اللي فاتت بسبب حساس الكولانت إلا إني لما غيرته الحوار فرق جامد جدا
المهم إني دلوقتي بفكر إني اغير لفيكترا 2000 أوتوماتيك أو 1600 لو في منها اوتوماتيك برضه من 1996 لحد 2001 عشان على حسب ما أعرف إن بعد 2001 متجمع هنا في مصر وأنا بكره أي حاجة متجمعة هنا ده غير إنها غالية عليا أصلا :)
أولا أنا عايز أعرف السعر بـيتراوح من كام لكام عشان أبقى عارف لأن زي مانتوا سيد العارفين الاسعار على النت دنيا والحقيقة بتبقى دنيا تانية خالص
وكمان عايز أعرف أنهي موتور احسن؟؟ وأنهي مشاكله اقل؟؟
وكمان عايز أعرف ضريبة التجديد بالنسبة للمكنة ال 1600 وال 2000
ويا ترى أنتم رأيكم التغير من كورسا لفيكترا يستاهل أصلا؟؟؟ وهل فرق السعر بين قطع الغيار كبير؟؟؟ أنا اللي مريحني في الكورسا إن المكنة اغلب قطع الغيار بتاعتها نفس حاجات اللانوس يعني السعر كويس...
وهل في معارض مستعمل ممكن ألاقي عندهم واحدة كويسة بس يكون معرض مضمون!!!!
وشكرا مقدما

[haisam ali]

انا باذن الله هرد عليك مبداءيا كده لحد مايجيى اخواتنا اللى يعرفوا احسن منى كتيير ويردوا عليك ..... اولا بما انى ركيب كورسا قديم وبعتها وجبت بعديها الفيكترا فلا مجال للمقارنه هتتبسط اوى اوى اوى فيه فرق كبير فى الحجم والوزن والثبات والعزل الداخلى للصالون وخامات الصالون طبعا بجد موضوع تانى ....! اول حاجه السعر بيتراوح بين ٤٣ الف الى ٥٢ الف لو الحاله حلوه اوى واهم حاجه فى الفيكترا انك تجيبها تكيفها شغال لان تصليحه مكلف حبه ممكن يوصل ل ٣٠٠٠ جنيه ...! وعموما دور براحتك اوى وحاول تجيبها من واحد شبعان مش مبهدلها ..... وعن موضوع أى موتور افضل انا من رايى الضعيف ان الفيكترا لاتصلح الا ٢٠٠٠ cc بس فى نفس الوقت الموتور ال ١٦٠٠ جميل جدا وسهل وموفر للغايه ( وطول مانت هنا معانا فى المنتدى لا تقلق من أى عطل او عيب ) بجد مش كلام .... ضريبه التجديد عندى فى الفيكترا ٢٠٠٠ cc تقريبا ٢٧٠ جنيه سنويا والموتور ال ١٦٠٠ هتلاقيه تقريبا ٢٢٠ على حد علمى ..... بس قطع الغيار اغلى نسبيا من قطع غيار الكورسا بس الفرق هيريحك اوى ..... اخر حاجه موضوع المعارض دى ابعد عنه نهاءى انا عايزك تتعب شويه فى اللف والتدوير وتشوف كذا عربيه من ملاكها الاصلييين عشان تاخد حاجه نظيفه تبسطك كاتقرفكش ..... ( أى عربيه فيكترا فى السوق بتتباع اعملها مصروف كده اول ما تشتريها من ٣ - ٥ الاف جنيه ترويق كده وصيانه وبتاع ) .،..، أرجو انى أكون أفدتك ..... هذا وبالله التوفيق

[mario1551]

تشكر يا باشا على ردك وكل حاجة قولتها افادتني :)

[Mamoud salah H]

عايز تركب فيكترا تمام
اركب عربية عليها موتور ايكوتك

[بيشوى_رمزى]

عايز تركب فيكترا تمام
اركب عربية عليها موتور ايكوتك

كلام 10/10 على الرغم انى ارجح الموتور الاسود لسهولة صيانتة عن الecotec خصوصا ان صاحب الموضوع هيطلع من كورسا
تقبل مرورى

[Mamoud salah H]

كلام 10/10 على الرغم انى ارجح الموتور الاسود لسهولة صيانتة عن الecotec خصوصا ان صاحب الموضوع هيطلع من كورسا
تقبل مرورى

ممكن اختلف معاك في نقطة الصيانة دي مش عارف ييه اناس بتقول ان الايكوتك معقد والصيانة صعبة
انا معايا ايكوتك والصيانة عادية جدا واي حد شغااال فيه وقطع الغييااار موجودة في كل مكاااان سسوء جديد او استيراااد وغير كدة موتور صوته نااعم وهادي وتجميعة كويس جدا وتكنولوجيا احدث بفرق عن الاسود

[بيشوى_رمزى]

ممكن اختلف معاك في نقطة الصيانة دي مش عارف ييه اناس بتقول ان الايكوتك معقد والصيانة صعبة
انا معايا ايكوتك والصيانة عادية جدا واي حد شغااال فيه وقطع الغييااار موجودة في كل مكاااان سسوء جديد او استيراااد وغير كدة موتور صوته نااعم وهادي وتجميعة كويس جدا وتكنولوجيا احدث بفرق عن الاسود

محدش اعترض يا باشا على ان الايكوتك تجميعه كويس و هادى و تكنولوجيا احدث بس اكثر تعقيدا من الاسود و احنا مش عايزين نعقد اللى هينقل على الفيكترا انه يكرة حياته بسبب حساسات اكتر و تكنولوجيا اعقد الكلام ده من خبرة ناس ركبوا الماكنتين اسعار قطع غيار ال b1 ارخص من الb2
لو سير الكاتينة اتقطع فى ال b1 عادى لكن b2 هتبقى فرصة مش نضيفة " الكلام ده من 4 مكانيكية بتوع اوبل" لكن لو كاتب الموضوع مش هتفرق معاه الحاجات دى فأكيد الecotec افضل

[Mamoud salah H]

علي فكرة انا معايا b1 مش B2 وعمتا انا بس حبييت اوضح النقطة دي من خلال امتلاكي فيكترا بي 1 ايكوتك(اوروبي مش تعديل)
واانا وجهة نظري عشان النقلة تكون كاملة يبقي يركب ايكوتك وطبعا الاختيار الاخيير ليييه

تقبل وجهة نظري

[بيشوى_رمزى]

موديل 1996؟

[haisam ali]

انا بختلف جدا معاك يابيشوى ...... الايكوتك رغم تعقيده صيانته سهله واتحفظ كمان .... ياعم ببيشوى ده انا كان معايا كورسا ٩٩ جبتها سنه ٢٠٠٣ كان موتورها ١٠٠٠ cc ايكوتك كنت بدوخ بيها والله مره كنت هغير موتور عشان سلك حساس الميه اتقطع وكان الموتور عالى ومش عارفين السبب بتاع شهر كامل وكنت خلاص رايح اجيب موتور ١٢٠٠ بس ربنا رزقنى بواحد فاهم وحلها ..... انما النهارده خلاص ناس كتير جدا حفظتها ..... المهم ايه النظام فى المقابله مين اللى هيجيى ياخدنى هههههههههه

[بيشوى_رمزى]

مع احترامى الكبير لكل الاساتذة اللى بيقولوا ان الايكوتك و الماكينة السودا صيانتهم زى بعض بكل بساطة بختلف معاكوا و بالنسبة لاسعار قطع الغيار برضة بختلف معاكوا و من حيث الاداء انا موافق تماما ان الايكوتك افضل و لما بتكلم عموما بمشى بحاجة اسمها النسبة يعنى نسبة اعطال الماكينة السودا فى مقابل الايكوتك اكيييييييييييد الماكينة السودا تكسب انا معرفش اخويا اللى بيقول ان الb1 نزل منها ايكوتك انا معنديش خلفية عن الموضوع و هل هى نفس ال2 كامة بتاعت الالفينات و لا لأ؟

[haisam ali]

كلام مظبوط جدا يابيشوى فرق الاعتماديه والصيانه لصالح الموتور الأسود طبعا

[بيشوى_رمزى]

هيثم باشا حدد ميعاد ما انت جاى و متشلش هم

[haisam ali]

هيثم باشا حدد ميعاد ما انت جاى و متشلش هم

حبيبى ياباشا بهزر بجد ..... انا بس قبليها بكام يوم كده تبعتلى رقم تليفونك عشان نظبط مع بعض وانا هبقى متابع معاك على التليفون وهعرف أوصل باذن الله ...... مانتحرمش منك ياغالى

[بيشوى_رمزى]

عينى يا بهيثم باشا و بأذن الله توصل ده انت اللى عامل المقابله دى :)