تكاليف التراخيص

[amrdaody]

الحمد لله انا نقلت ملكيه ورخصت عربيتى
الى عايز يعرف التكاليف
عربيتى اوبل فيكترا موديل 1999
360 رسوم تسجيل العقد
50 ورق فحص
150 طفايه حريق للطفايته منتهيه الصلاحيه او روح املاها من جديد وخد معاك فاتوره معتمده
340 تامين اجبارى 3سنوات
600 ضرايب 3 سنوات
175 رسم او تمن اللوحات ولو انى مش عارف ليه لان المفروض انى بدفع الفلوس دى اول مره بس باخد فيها النمر الجديده
100 نثريات او تسموها اى تسميه وممكن تزيد اوتقل
ضيفوا طبعا التعب واستعلام الامن الى بقى اجبارى اليومين دول بسبب سرقه العربيات
وعقبال الى ناوى يرخص

[Dent86]

عقبالى انا تبع مرور عبود والعربيه تبع مرور مدينه نصر حد يعرف خطوات نقل الملكيه وتجديد الرخصه

[amrdaody]

1-اولا الرخصه ساريه ولا لا
2-لو الرخصه منتهيه او معاك تصريح هتستخرج شهاده بيانات واحده للشهر العقار وواحده للمرور الى انت رايحه
3- هتنقل الملكيه بعقد مسجل
4-هتروح المرور الى انت هتنقل ليه وتشترى ورق فحص وتفحص
5-بعدين تروح المرور القديم تطابق بصمه
6-بعدين تاخد ختم المباحث عشان استعلام الامن وتقريبا ده فى الدراسه
7- اركن بقى عربيتك وحل النمر عشان هياخدوها منك جوه وتخش الفحص فى المرور الى انت رايحه وتستكمل باقى اختام الفحص
8-تروح كشك التامين تدفع التامين الاجبارى
9- تدخل على الشباك الخاص بنقل الملكيه الموظف هيقيم الضريبه
10 - تروح الخزنه تدفع الضريبه وتصور الورقه قبل ما توديها الخزنه
11-ترجع تانى الشباك وتديله ايصال الدفع لاستكمال البيانات
12 -تقعد لحد ما تسمع اسمك وتستلم رخصتك والف مبروك يامعلم

[بيشوى_رمزى]

طيب هيغيروا النمرة لما انقل ملكية ولا هتفضل زى ما هى؟

[amrdaody]

لا هيغيرو النمره بدل هتغير المرور

[ghamry]

طيب هيغيروا النمرة لما انقل ملكية ولا هتفضل زى ما هى؟

العربيه تفضل بنفس النمره طالما نفس اداره المرور يعنى مدبنه نصر وعبود نفس مرور القاهره اذا لايوجد تغيير نمر ولكن تامبن وصرببه وطفايه وفحص ومستندات نقل ملكبه تكون معاك وطبعا البطاقه وتروح المرور التابع لبطاقتك وشكرا