تقييم اوبل استرا ٢٠١٤

[Tony_latif]

بعد حوالي شهر من سواقه الاسترا الجديده ٢٠١٤

الاسترا فئه انجوي اقل فقه في الاسترا
العربيه كويسه عموما
مميزات السياره
- العربيه ثابته جدا علي الارض بالرغم انها عاليه
- العربيه فخمه من جوه الالوان و الانوار والزراير شكلها حلو و متناسق
- غالبا كان فيه مشكله في الماتور القديم و غيروا فيه حاجه لان رقم ماتور عربيتي ٢٥٠
- هاندلينج العربيه اكتر من ممتاز انا سقت الماني كتير دي كانت احسنهم
عيوب السياره
قبل ما اتكلم في عيوبها اللي واجهتني هي العيوب دي ممكن ماتبقاش عيوب عند باقي الناس
- العربيه عافشتها ناشفه جدا جدا جدا و المساعدين جامدين قوي اقل ظلطه في الارض بحس بيها كنت سايق جيتا ٢٠١٢ قبلها لمده سنتين الفرق بصراحه كبير جدا في الراحه و متعه السواقه
- دواسه البنزين و الفرامل واطيين جدا لو فضلت سايق العربيه لفتره طويله هتوجعلك رجلك
- مافيش نور للكنبه اللي ورا
دي كانت اهم الملاحظات في الاسترا الجديده
انا بقول للناس اللي عايزه تشتري عربيه جديده لو تقدر تزود فلوس علي سعر الاسترا الجيتا الجديده عربيه ممتازه مقارنه بفئه الاسعار
ده اول موضوع ليا و اي استفسار هرد عليكوا علي طول

[m7nsh]

طريقه تقييمك حلوه جدا على فكره و حياديه .. وانا باحب الحياديه دى اوى :))

عموما هى عربيه اجمالا تحفه ربنا يباركلك فيها .. وياريت تشاركنا باى معلومات تانيه عنها

[hany63]

العفشه هتريح بمرور الوقت و ياريت تحط نتروجين لو كنت لسه ماشي بالهوا العادي
و الجيتا للاسف موضوع الفتيس كله قلق

[J A G U A R]

تقرير جيد ..
ربنا يباركلك فيها ..

[m.farouk]

العفشة مش نشفة بالوصف ده انا مبحسش بموضوع النشوفية دى خالص شوف العجل مظبوط على كام المفروض تبقى على 32 علشان تبقى موريحة

[haisam ali]

الله ينور بجد

[بيشوى_رمزى]

العفشه هتريح بمرور الوقت و ياريت تحط نتروجين لو كنت لسه ماشي بالهوا العادي
و الجيتا للاسف موضوع الفتيس كله قلق

كفاءة بس ممكن اسال هو فتيس الجيتا الجديدة dsg الجيل الاول ولا التانى؟

[horas3000]

تسلم علي التقرير
بس انا سقت ال 2013 و مكانتش ناشفه زي ما بتقول كده
مش عارف الجنط السبور يفرق قوي كده و لا لا
بس برضه يستحسن تتاكد من ضغط الكاوتش

[Astra Lovers]

اتاكد من ضغط الهوا اكيد عالي عن الطبيعي

[Astra Lovers]

العربيه ناعمه ومريحه واعتقد ان ضغط الهوا عالي عندك

[hammad2010]

العربية ناعمة جدا انا جربتها وجربت التويوتا لقيتها افضل فى المطبات بلا شك

[hany63]

كفاءة بس ممكن اسال هو فتيس الجيتا الجديدة dsg الجيل الاول ولا التانى؟

فتيس الجيتا الحالي من جيل يعوض عليك ربنا
الفتيس عموما من ساعة من نزل مصر ٢٠٠٩ في الباسات الوكيل و الجيتا الخليجي هوا هوا بالمللي كل اللي بيتغير السوفت وير فقط سيبك من اي كلام تاني

[m7nsh]

خساره بجد موضوع ال dsg دا .. هو فتيس اختراع و فكره جهنميه و كفاءه ملهاش حل بس خساره موضوع الاعطال اللى كل شويه فيه دا ..

[Omar Mahmoud]

شكرا علي التقرير

[Tony_latif]

انا هروح اشوف موضوع الكاوتش ده و هقولكوا وصلت لايه
اما بقي موضوع ال dsg ده فهو موضوع كبير والفتيس ملوش عيوب علي قد ما هو سوء استخدام مننا. الفتيس عبقري و مريح وقوي جدا لازم نفهم هو بيشتغل ازاي عشان نعرف هو ليه بيبوز. الفتيس مشي معايا سنتين و 100 الف كيلو والحمد لله مشتكاش