أركب ترموستات الكوعة ولا لا؟؟!!

[Hisham.Nady]

السلام عليكم يا أجدع شباب

انا كنت شايل ترموستات الكوعة من فترة كبيرة وكنت عاوز اركبه في الصيف اللي فات بس الميكانيكي قالي استني نركبه في الشتاء ..المهم انا كنت مسافر معظم الشتا وما ركبتوش ...
اروح اركبه ولا بلاش علي اساس ان الصيف خلاص كمان شهر.
انا بفكر اروح لصابر اركبه هو قريب للبيت بس انا ما اتعاملتش معاه قبل كده ..
العربية كورسا 1600
اسف علي الاطالة ...

سؤال اخير ... هو سعره كام ؟ وهل لازم يفضي المية الخضرا كلها علشان يركب ؟؟

[mada3030]

ركبه طبعا ما تمشيش من غيره غلط على المدى الطويل وسيبك من فتى الميكانيكى

[mada3030]

اه هتفضى جزء كبير من الميه بس السعر انا معرفش

[Hisham.Nady]

شكرااا ليك يا مادا .. علشان أعمل حسابي أجيب مية خضرا وأنا رايح :d

[yoyomonster]

ليه تجيب مية؟ حط جركن او حاجة تغضي فيها بعدين استعملها تاني لو المية لسه شاريها قريب
خسارة

[sword00]

الترموستات اساسيه فى دوره التبريد وفى مواضيع كتير عليها هنا ابحث عنها

[akmm]

ولو هتغير الميه الخضراء افضل نوع حاليا هو مياه موبيل .

[Hisham.Nady]

شكرا يا شباب انا فعلا علي طول بحط موبيل ...
بس انا عاوز أعرف سعره كام و لو هروح لصابر بتاع مدينة نصر اشتريه وارووح ولا هو بيشتري ويركب واحاسبه ؟؟؟

[a7medsh3rawi]

الترموستات بيركب حتى لو فى الصيف .. لان الخواجه مش هيعمل ماتور ويتعب نفسه ويركب ترموستات علشان تشيله فى الصيف وتركبه فى الشتا .
فكره عمله ان الموتور يشتغل فى درجه حراره ثابته وهو 85 درجه مئويه غير كدا بيستهلك ويبدأ يهرب زيوت ويحصل تآكل فى الخلوص
سعر الترموستات من 35 ل 45 جنيه على حسب جودة الصناعه ولازم يركب الاصلى حتى لو سعره 100 جنيه
والميه الخضرا هتزودها او تحط ماء بطاريات مقطر

[MOHAMEDEBAID75]

ركب الثرموثتات بيحافظ على الموتور وسيبك من فتى الميكانيكية انا مركبة فى عربيتى وزى الفل الحمد لله ولما بيبوظ بيظل فاتح ماتقلقش منه

[tananybasha]

ركبه

[Hisham.Nady]

الحمد لله ركبته امبارح عند صابر
العربية بقت تسخن بسرعة أحسن من الاول بكتير سبع او تمن دقايق وعداد الحرارة يبدأ يتحرك

بس الاسعار شايف انها عالية حبتين

الترموستات بالكوعة نوع واهلر ب 200
مصنعية 150
وخرطوم المية اللي بيركب فيه غيرته كمان كان عامل عنده 50 جنيه استيراد

انا سألت عليه عند البوشي كان عامل 190 قبل ما أروح عند صابر بس ماكانش عنده ....

شكراااااا للمشاركااات يا شباااب

[Makberry]

الحمد لله ركبته امبارح عند صابر
العربية بقت تسخن بسرعة أحسن من الاول بكتير سبع او تمن دقايق وعداد الحرارة يبدأ يتحرك

بس الاسعار شايف انها عالية حبتين

الترموستات بالكوعة نوع واهلر ب 200
مصنعية 150
وخرطوم المية اللي بيركب فيه غيرته كمان كان عامل عنده 50 جنيه استيراد

انا سألت عليه عند البوشي كان عامل 190 قبل ما أروح عند صابر بس ماكانش عنده ....

شكراااااا للمشاركااات يا شباااب

باشا صباح الفل هوا عنوان صابر فين

[Makberry]

شكرًا وصلت خلاص

[EGYPTIANDR]

فرق شاسع يا فندم قبل وبعد ترموستات الكوعة....زمن وصول الموتور لحرارته الطبيعية انخفض للنصف العربيه كانت بتسخن فى 13 دقيقة صباحا دلوقتى بقت 6 دقايق فقط....
شابووووووة لمخترع ترموستات الكوع