المشكلة رجعت تانى .... أرجو المساعده

[haisam ali]

امبارح كنت عملت موضوع عن تنظيف البوابة وان بعد مانظفتها العربيه برجلت ولمبه ال check قاده والدنيا مبرجله خالص .... والحمد لله بعد تدخل اخواتنا هنا فى المنتدى وبعد فضل الله وكلام اخويا بيشوى واخويا الاستاذ عمرو السيسى توصلت للحل وانه هوه انى كنت ناسى فيشه حساس العمه وركبت ها والحمد لله اتظبطت .... المهم النهارده فكيت فلتر الهواء نظفته وقفلت الهوايه وجيت ادور العربيه بتدور بالعافيه .... تدور وتبطل وتدور وتبطل ال rpm بينزل بسرعه جدا وتبطل ومش عارف امشى بيها خطوه صغيره .... كل ما أمشى بيها تبطل فى ثانيه ..... انا راجعت على كل الفيش بتاعت حساسين العمه وفيشه الايدل وفيشه حساس ال tps .... كلهم راكبين وتمام ..... كده يبقى العمل ايه ...؟؟؟؟؟؟؟؟؟؟

[kar!m]

جرب افصل كابل البطارية دقيقة و رجعه تاني
الموضوع ده كان بيحصل معايا في الكورسا لما أفك الخرطوم اللي جاي من علبة فلتر الهوا .. فطبعا الحساس بيلاقي كمية هوا كبيرة داخله .. فبيضبط نفسه انه ياخد كمية قليلة .. أول ما أركب الخرطوم .. العربية كانت تبرجل و تبطل عشان كمية الهوا اللي داخله قلت نتيجة تركيب الخرطوم .. فبتحتاج ترست الحساسات.

جرب كده تفصل البطارية دقيقة وشوف .. و اعمل أيدل ليرن بعدها.

[haisam ali]

هجرب كده وأشوف وباذن الله خير ......!

[Amrgamal1]

اكشف كمبيوتر

[haisam ali]

فكيت الكابل بتاع البطاريه ووصلته وبرضه مفيش فايده ..... العربيه بتدور وتبطل .... كمان لاحظت حاجه تانيه ان حساس الايدل اول مابفتح كونتاك بيعمل صوت غريب كده ( زى صوت شراره ) وكمان طول ما الكونتاك مفتوح أحط ودنى عليه الاقيه بيطلع صوت زنه خفيفه كده عالطول افصل فيشته الصوت يروح اوصلها الصوت موجود عالطول .....! كده العمل ايه ... اغيثونى ... ؟؟؟؟؟

[ayman hamdy]

الايدل اتوسخ من شوية النظافة اللى حضرتك عملتها فى البوابة
فك الايدل ونضفه والعربية هتظبط معاك ان شاء الله ولو ما ظبتتش هتغير الايدل كنترول لانه كدة احتمال كبير جدا انه يكون باظ
تحياتى

[بيشوى_رمزى]

متابع

[haisam ali]

الايدل اتوسخ من شوية النظافة اللى حضرتك عملتها فى البوابة
فك الايدل ونضفه والعربية هتظبط معاك ان شاء الله ولو ما ظبتتش هتغير الايدل كنترول لانه كدة احتمال كبير جدا انه يكون باظ
تحياتى

هههههههه طاب ماهو بعد كده الواحد ماينظفش تانى ....!!! وعلى العموم انا لسه عامل كده دلوقت ونظفت الايدل تانى وبرضه المشكله زى ماهيا ...؟ كده يبقى الايدل باظ ولا ايه ،،،؟؟؟؟

[ayman hamdy]

هههههههه طاب ماهو بعد كده الواحد ماينظفش تانى ....!!! وعلى العموم انا لسه عامل كده دلوقت ونظفت الايدل تانى وبرضه المشكله زى ماهيا ...؟ كده يبقى الايدل باظ ولا ايه ،،،؟؟؟؟

شوف ايدل بتاع عربية لانوس او اى حد عنده واحد قديم وجرب

[haisam ali]

شوف ايدل بتاع عربية لانوس او اى حد عنده واحد قديم وجرب

هوه ايدل اللانوس ينفع عندى ؟؟؟؟ انا عربيتى ٢٠٠٠ سى سى ايكوتك

[ayman hamdy]

هوه ايدل اللانوس ينفع عندى ؟؟؟؟ انا عربيتى ٢٠٠٠ سى سى ايكوتك

لا للاسف مينفعش عندك ينفع للموتور الاسود 1600 مانيوال بتاع منصور جرب واحد استيراد على التجربة

[haisam ali]

الحمد لله تم الوصول للمشكله وهيا ان السلك اللى داخل لفيشه حساس الهواء مقطوع .... هما اربع سلوك طلع فيهم واحد فاصل والحمد لله الدنيا ظبطت وكله تمام وألف شكر ليكم .... هذا وبالله التوفيق