بفكر في الفيكترا سي

[MIDO_20071]

ازيكو ياشباب
انا لسه بايع عربيتي وبفكر اشتري الفيكترا سي
كنت محتاج نصيحتكوا في الشراء عن العربيه من حيث قطع الغيار والاعطال المعروفه عن العربيه كمان معدل استهلاك البنزين لان الموضوع ده مهم جدا بالنسبه لي
كمان اشتري لحد كيلو متر قد ايه ولا في الالماني مبيفرقش
معلش كمان رينج الاسعار في الفئه الهاي لاين او التوب لاين
شكرا مقدما

[svneleven]

العربية مع واح صاحبي اللي هي ال توب لاين أعلي حاجة. مو 2008 سعرها حوالي 115000 جنيه لأن ديه أعلي فئة اللي فيها فرش الجلد و فتحة سقف و سخانات الكراسي و ال Adaptive headlights و زينون واطي بس.
قطع الغيار غالية شوية. عيبها الرئيسي موبينة الحقن بتتغير كل حوالي سنتين تلاتة.
غير كده العربية حكاية و جميلة جدا بريستيج و ثبات خرافي.

[Dr-Daly]

أهم حاجه في أي عربيه عموماً إنك تكشف عليها كويس كمبيوتر موتور وفتيس وتشيك عليها عفشه لو تمام توكل علي الله وعموما العداد مش بيفرق في الحاله لو متابع صيانات مظبوط،
أنا معايا العربيه بس الفئه الأقل لكن بأمانه مبسوط منها جداً من وقت ما إشتريتها من سنه والحمدلله وبرغم إني ركبت عربيات أغلي في السعودية لكن تفضل الفيكترا حكايه ولها مذاق خاص
ملحوظه: حاول تجرب سواقتها من صاحبك علي طريق ووسط الزحمة وتشوف هتتبسط قد إيه لو عجبتك والكشف طلعها سليمه يبقي توكل علي الله وإنتا الكسبان إنشاء الله

[ah-elgendy]

جرب الفتيس بتاعها وشوف هيعجبك ولا لأ ولو معجبكش شوف فيكترا b

[haisam ali]

فعلا جربها مع أى حد تعرفه كده ..... وبعد كده احكم وشوف .... كمان لو نويت حاول تعرفنا عشان نقدر نساعدك .... هذا وبالله التوفيق

[Ahmed TRAVCO]

أول ما شفت العنوان دخلت بس اقولك ان العربية دي ولا كلمة وفوق الرائعة... للأسف مش هقدر افيدك فنيا لأني مش من ملاكها بس اللي اعرفه اني لما ركبتها شفتها الأفضل في كل فئتها، ولحد دلوقتي شايفها افضل من كل الموجود... وكلامي على التوب لاين... حاجة محترمة جدا جدا جدا كشكل وفخامة وثباااااات وفرامل وكل حاجة...

[MIDO_20071]

متشكر جدا ياجماعه على ردودكم
المشكله ان مفيش حد اعرفه عنده العربيه دي عشان اجربها
لكن واضح ان في مشكله معينه في السواقه عشان كده بتنصحوني اجربها الاول
كمان شكل الفتيس غريب شويه مش فاهم حاراته ماشيه ازي تحس انه حر كده بيتحرك في كل الاتجاهات زي المانيوال
انا بفكر في الفئه الهاي لاين اللي هي بعد الاليجانس وقبل التوب لاين
تفتكروا ايه المكان اللي اكشف على العربيه فيه وياريت لو في مكان قريب من المعادي زي صقر قريش مثلا
معلش لو هتقل كمان هو سعر الموبينه كام مدام هي دي اكتر حاجه بتتغير
واسف للاطاله

[FAR!D]

الفتيس ده ايزي ترونيك يعني بشكل مبسط مانيوال و الدبرياش متحكم بيه من الكومبيوتر و الاخوه اللي قالولك جربها الاول قصدهم ان ليها طريقه سواقه خاصه مش اتوماتيك كامل يعني زي كده ال mmt بتاع التويوتا مش عيب فيها يعني مش تدوس بنزين وبس لا حتشتغل كانك مانيوال و ساعه نقل الغيار حتريح رجلك من على البنزين عشان متحسش بنتشه و اختيار موفق على فكره

[MIDO_20071]

الفتيس ده ايزي ترونيك يعني بشكل مبسط مانيوال و الدبرياش متحكم بيه من الكومبيوتر و الاخوه اللي قالولك جربها الاول قصدهم ان ليها طريقه سواقه خاصه مش اتوماتيك كامل يعني زي كده ال mmt بتاع التويوتا مش عيب فيها يعني مش تدوس بنزين وبس لا حتشتغل كانك مانيوال و ساعه نقل الغيار حتريح رجلك من على البنزين عشان متحسش بنتشه و اختيار موفق على فكره

تمام انا سمعت كده برضو وانا سوقت ال mmt قبل كده وبيبقى كويس لو مفيش مشكله في السوفت وير
مشكلته ان دايما في مشاكل في السوفت وير هل المشكله دي موجوده في الفيكترا برضو ولا ايه
وهل الموضوع متوقف على اني ارفع رجلي من ع الاكسلتير عشان ينقل ولا زي الفتيس الستيب ترونيك لازم احرك الفتيس لقدام او لورا كمان لو انا على الخامس مثلا ووقفت مره واحده بينزل لوجده للاول ولا ايه اللي بيحصل

[Hesham.H]

الفتيس ده ايزي ترونيك يعني بشكل مبسط مانيوال و الدبرياش متحكم بيه من الكومبيوتر و الاخوه اللي قالولك جربها الاول قصدهم ان ليها طريقه سواقه خاصه مش اتوماتيك كامل يعني زي كده ال mmt بتاع التويوتا مش عيب فيها يعني مش تدوس بنزين وبس لا حتشتغل كانك مانيوال و ساعه نقل الغيار حتريح رجلك من على البنزين عشان متحسش بنتشه و اختيار موفق على فكره

الفتيس الايزى ترونك بيشتغل مانيوال واتوماتيك ... لما تجيبه على اليمين تشتغل اتوماتيك كانك مديها d
فوق وتحت يشتغل مانيوال بحركات ايدك دبرياج كهرباء
تحياتى

[FAR!D]

تمام انا سمعت كده برضو وانا سوقت ال mmt قبل كده وبيبقى كويس لو مفيش مشكله في السوفت وير
مشكلته ان دايما في مشاكل في السوفت وير هل المشكله دي موجوده في الفيكترا برضو ولا ايه
وهل الموضوع متوقف على اني ارفع رجلي من ع الاكسلتير عشان ينقل ولا زي الفتيس الستيب ترونيك لازم احرك الفتيس لقدام او لورا كمان لو انا على الخامس مثلا ووقفت مره واحده بينزل لوجده للاول ولا ايه اللي بيحصل

الموضوع مش موضوع طريقه نقل الاستيبترونك يعني الستيبترونيك ده اوبشن زياده بمعني لو زاد عدد اللفات عن المسموح بيه داخل الكومبيوتر حينقل للي بعديه غصب عنك و لو وقفت مره واحده بينزل بالغيارات لحد مايوصل للغيار المناسب القصد انه يعتبر مانيوال في الاساس يعني زيه زي ال mmt لازم تكون فاهم فكره عمله عشان متظلمهوش و متقارنهوش بالاتوماتيك العادي