مساعدين ال لانوس على كورسا 1200؟؟

[mario1551]

يا جماعة أنا محتاج بديل لمساعدين امامي كورسا 1200 ال 2 باب
وعايز بديل لمساعدين الشنطة برده لانهم غاليين جدا

سألت في الحرفيين على الاسعار عند بتوع الاوبل وكانت الاسعار كالآتي
مساعدين امامي جديد مايل(بيقولوا الماني)-->650 جنيه
مساعدين امامي استيراد---->400 جنيه وممكن آخد واحد بس بـ 200 لان أنا واحد بس اللي بايظ عندي وجايب زيت
مساعدين شنطة استيراد----> 100 جنيه

يا ريت بقى لو حد يعرف أي بديل,,,أنا سمعت عن مساعدين ال لانوس بتركب عندي...لو في أي حد يؤكدلي الكلام ده يبقى أنا كده وفرت كتير جدا
وشكرا مقدما....

[SimplyM]

باشا هو انت عايز بديل عشان مش لاقيهم و لا السعر ؟

لا اعتقد ان البدل ممكن و إلا كان بطل ينزل مساعدين كورسا من زمان

لا بلشتاين انا جايبهم من اسكندريه من سنتين .... كانوا ب ٦٥٠

اعتقد سعر الاستيراد كده عالى شويه و ممكن يتهز

فيه ناس بتملى المساعد زيت مؤقتا برضه كحل مؤقت

[mario1551]

باشا هو انت عايز بديل عشان مش لاقيهم و لا السعر ؟

لا اعتقد ان البدل ممكن و إلا كان بطل ينزل مساعدين كورسا من زمان

لا بلشتاين انا جايبهم من اسكندريه من سنتين .... كانوا ب ٦٥٠

اعتقد سعر الاستيراد كده عالى شويه و ممكن يتهز

فيه ناس بتملى المساعد زيت مؤقتا برضه كحل مؤقت

عشان السعر,,,لان 650 على 2 مساعدين امامي غاليين جدا لو قارنتهم بـحاجة ال لانوس
سعر الاستيراد ممكن يتهز آه بس أنا بتكلم في الجديد بتاع اللانوس لان المساعد الاستيراد مش مضمون برضه؟؟؟ لانه في الأول أو في الآخر مستعمل,,,الله اعلم مستعمل اد إيه!!؟؟

حوار إني املا المساعد زيت ديه مستحيل أعملها,,,هو عمتا مساعد واحد اللي ضارب ومش موقف العربية بس طبعا افضل إني اغيره في اسرع وقت ممكن

عامتا شكرا جدا على ردك :)

[SimplyM]

عفوا ... فضول هو سعر مساعدين اللانوس كام؟

[haisam ali]

مساعدين اللانوس قدام مايركبوش فى الكورسا

[mario1551]

عفوا ... فضول هو سعر مساعدين اللانوس كام؟

مش متأكد,,,بس غالبا في حدود 300 جنيه ال 2 (ياباني kyb)
يعني تقريبا نص التمن

[mario1551]

مساعدين اللانوس قدام مايركبوش فى الكورسا

جواب نهائي؟؟ :d
يعني محاولش خالص؟؟ أصل المساعدين بتوعها غاليين جدا وبصراحة حرام السعر ده في مساعدين عربية موديل 94!!!!

[SimplyM]

مساعدين ياباني ب ٣٠٠ جنيه؟ ده شحنهم من اليابان لهنا لوحده يكلف ...


انا رأيي توكل على الله و هاتلها حاجتها ... العربيه ديه حمالة اسيه و هتتبسط منها لو وفيتلها احتياجاتها ... متفكرش فى ١٩٩٤ ... الموتور بتاعها بتاع ١٩٩٤ هو إللى اتاخد منه موتور اللانوس بعدها ب ١٠ سنين

او يمكن انا بحب العربيه ديه و ببالغ

انا معايا ال ١٩٩٥ بتاعتها

[mario1551]

مساعدين ياباني ب ٣٠٠ جنيه؟ ده شحنهم من اليابان لهنا لوحده يكلف ...


انا رأيي توكل على الله و هاتلها حاجتها ... العربيه ديه حمالة اسيه و هتتبسط منها لو وفيتلها احتياجاتها ... متفكرش فى ١٩٩٤ ... الموتور بتاعها بتاع ١٩٩٤ هو إللى اتاخد منه موتور اللانوس بعدها ب ١٠ سنين

او يمكن انا بحب العربيه ديه و ببالغ

انا معايا ال ١٩٩٥ بتاعتها

لا هو مش مبالغة ولا حاجة,,,,كل الحكاية إني مقتنع إن كل اللي موجود في السوق مضروب!!!
فـ ليه أكلف نفسي واجيب مضروب بتمن الأصلي,,,لو ممكن اجيب مضروب بتمن المضروب وأنا عارف إنه مضروب,,,فاهمني؟؟
أنا بحاول دايما ادور على البديل الارخص لان التجار عندنا مبقاش عندهم ضمير بصراحة
فبقيت أنا شخصيا ادور على الحاجة اللي هتناسب احتياجاتي مش أكتر من كده,,,وغير كده أنا مقتنع إن الموتور اللي في اللانوس اغلبه تقليد بس ده لان gm هي اللي صممت ال 2
وده معناه إن المساعدين لو تنفع تركب عندي هتبقى نفس النظام ونفس التصميم ونفس الأداء :)
أما حوار الشحن بس,,,,فـمعتقدش إن ده في أي مشكلة خالص ولا يفرق في السعر لان فيه حاجات بتبقى جاية من الصين تمنها 2.5 وحجمها ووزنها اكبر من المساعدين :)

[haisam ali]

مساعدين ياباني ب ٣٠٠ جنيه؟ ده شحنهم من اليابان لهنا لوحده يكلف ...


انا رأيي توكل على الله و هاتلها حاجتها ... العربيه ديه حمالة اسيه و هتتبسط منها لو وفيتلها احتياجاتها ... متفكرش فى ١٩٩٤ ... الموتور بتاعها بتاع ١٩٩٤ هو إللى اتاخد منه موتور اللانوس بعدها ب ١٠ سنين

او يمكن انا بحب العربيه ديه و ببالغ

انا معايا ال ١٩٩٥ بتاعتها

الله يفتح عليك كلامك مظبوط جدا ومافيهوش اى مبالغه

[haisam ali]

لا هو مش مبالغة ولا حاجة,,,,كل الحكاية إني مقتنع إن كل اللي موجود في السوق مضروب!!!
فـ ليه أكلف نفسي واجيب مضروب بتمن الأصلي,,,لو ممكن اجيب مضروب بتمن المضروب وأنا عارف إنه مضروب,,,فاهمني؟؟
أنا بحاول دايما ادور على البديل الارخص لان التجار عندنا مبقاش عندهم ضمير بصراحة
فبقيت أنا شخصيا ادور على الحاجة اللي هتناسب احتياجاتي مش أكتر من كده,,,وغير كده أنا مقتنع إن الموتور اللي في اللانوس اغلبه تقليد بس ده لان gm هي اللي صممت ال 2
وده معناه إن المساعدين لو تنفع تركب عندي هتبقى نفس النظام ونفس التصميم ونفس الأداء :)
أما حوار الشحن بس,,,,فـمعتقدش إن ده في أي مشكلة خالص ولا يفرق في السعر لان فيه حاجات بتبقى جاية من الصين تمنها 2.5 وحجمها ووزنها اكبر من المساعدين :)

يبقى هاتهوم استيراد احسن لو عايز اصلى ..... او اتصل على منصور اوبل وشوف سعرهم كام ممكن تلاقيهم ب ٧٠٠ جنيه وطبعا دول اصلى الاصلى عشان مانقولش ده منصور بيجيب مضروب والكلام الفاضى ده .....( انا جبت ٢ مساعد للفيكترا استيراد ماقعدوش اسبوعين وماتوا خالص + بعديها غيرت ٢ مساعد ساكس ( ب ٩٥٠ جنيه ) مش مريحينى خالص خصوصا انى بعد ماجبتهم اتصلت على منصور لقيت الاصلى gm عاملين ١١٠٠ جنيه ) فمن الاخر الاصلى تمنه فيه وزى ماقال أخونا simplym الغالى ثمنه فيه وخصوصا ان الحجات دى بتخدم معاك وبتر يحك اوى .... ( هذا رأى خاص وآسف للاطاله ) .... هذا وبالله التوفيق

[mario1551]

يبقى هاتهوم استيراد احسن لو عايز اصلى ..... او اتصل على منصور اوبل وشوف سعرهم كام ممكن تلاقيهم ب ٧٠٠ جنيه وطبعا دول اصلى الاصلى عشان مانقولش ده منصور بيجيب مضروب والكلام الفاضى ده .....( انا جبت ٢ مساعد للفيكترا استيراد ماقعدوش اسبوعين وماتوا خالص + بعديها غيرت ٢ مساعد ساكس ( ب ٩٥٠ جنيه ) مش مريحينى خالص خصوصا انى بعد ماجبتهم اتصلت على منصور لقيت الاصلى gm عاملين ١١٠٠ جنيه ) فمن الاخر الاصلى تمنه فيه وزى ماقال أخونا simplym الغالى ثمنه فيه وخصوصا ان الحجات دى بتخدم معاك وبتر يحك اوى .... ( هذا رأى خاص وآسف للاطاله ) .... هذا وبالله التوفيق

لسة قافل مع التوكيل دلوقتي,,,بيقولي عربية بقالها 20 سنة ملهاش قطع غيار عندنا...
كان ناقص يقولي روح ارميها احسن أو اعملها حصالة,,,وعشان كده أنا عمري مابروح التوكيل ولا عمري هاعتمد على كلامهم
عمتا شكرا يا باشا على نصيحتك :)