تسريب بنزين بعد التفويل

[ahmedkasem]

انا معايا فيكترا 95 اتوماتيك 2000 cc
لاحظت اني لما بفول العربية على الاخر ان في بنزين بينزل على الارض من ناحية الفلتر
وبيفضل ينزل البنزين ده حوالي 10 لتر وبعدين بيتمنع التسريب
المهم كشفت على الخراطيم كلها لقيتها تمام ومفيهاش اي تسريب
وطبعا كان الكشف في لحظة التسريب بعد التفويل مباشرا
اتصلت بالميكانيكي قاللي ممكن يكون جوان طرمبة البنزين
المهم رفعت الكنبة وبصيت على الطرمبة ملقيتش حواليها اي اثر لبنزين لكن لقيت بنزين كتير على التنك من فوق
المهم دخلت البنزينة تاني وفولت للاخر وفضلت انا جوة العربية اثناء التفويل عشان اعرف التسريب ده منين بس للاسف ماوصلتش لحاجة غير ان البنزين بيزيد على التنك من فوق بس مش من عند الطرمبة خالص ولا من عند خراطيمها
السؤال بقي هو في حاجة تانية في التنك من فوق ممكن تعمل التسريب ده لاني مش شايف فتحات في التنك من فوق غير فتحة الطرمبة وباقي التنك مش باين

[hossamalsadik]

زور التنك أكشف عليه
زور التنك الى واصل من الخارج حتى التنك نفسه
من أسباب بوظانه ان عامل البنزينه بيضع مسدس البنزين ويسند عليه فابيبوظ الزور وممكن يشرخه

[amr elsisi]

قبل ماتروح تفول
شيل كرتيرة العجلة الخلفية من ناحية غطاء التنك
وانظر الي خرطوم الدخول
انا شاكك في غطاء الطرمبة
عامتا حاول
لو ماوصلتش لحاجة نزل التنك

[ahmedkasem]

زور التنك أكشف عليه
زور التنك الى واصل من الخارج حتى التنك نفسه
من أسباب بوظانه ان عامل البنزينه بيضع مسدس البنزين ويسند عليه فابيبوظ الزور وممكن يشرخه

معتقدش ان الزور هو السبب لان كمية البنزين اللي بتنزل اكتر من 10 لتر
والزور استحالة يشيل الكمية دي

[haisam ali]

عمل معايا كده مره وفعلا طلع زور التنك بس من تحت كان مشقق فكان بيجيب البنزين اللى فى التنك يمكن اكتر من ١٠ لتر كمان .....

[jos116eph]

راجع خراطيم التنك ممكن يكون خرطوم فايس الهواء مقطوع ويعمل معاك كده

[tito_amara2002]

المشكلة دى مشكلة الاستك اللى فى غطاء التانك هتلاقيك كنت فاكك غطاء التانك اللى تحت الكنبة الخلفية ولما جيت تركب ماركبتش الاستك اللى بيحكم الغطاء من التسريب
المشكلة دى كانت عندى وبتبقى عندى فى كل مرة بأنسى اركب الاستك ده
ان شاء الله يكون هوة لو ماعندكش عيب فى الخراطيم بتاعت زور التانك

[ghamry]

راجع خرطوم ملىء التنك من ناحيه زور التنك أكيد مشرخ أو مقطوع ودى حصلت عندى

[ahmedkasem]

راجع خراطيم التنك ممكن يكون خرطوم فايس الهواء مقطوع ويعمل معاك كده

هو خرطوم فايس الهوا ده بيكون راكب منين لفين ؟

[SimplyM]

المشكلة ديه حصلت معايا من الاورنج اللي بيعزل غطاء الطرمبه ... و الأعراض بالضبط زى ما حضرتك بتقول ... بتغيير الغطاء و الاورنج و تثبيت الغطاء بالشكل المضبوط اختفت تماماً

[bestlove2]

خرطوم الفايظ

[ahmedkasem]

خرطوم الفايظ

الخرطوم ده بيكون راكب فين بالضبط ورايح فين
وفايدته ايه