إعـــــــلان

Collapse

.

,
See more
See less

لو كان التكييف رجلا لقتلته

Collapse
X
 
  • Filter
  • الوقت
  • Show
Clear All
new posts

  • لو كان التكييف رجلا لقتلته

    الصيف اللي فات صرفت علي التكييف ومافيش فايده اخدت رأيكم ابيع العربيه ولا اصلحه في بوست قديم للاسف سمعت الكلام وقلت اصلحه ورحت عند واحد بتاع تكييفات غيرت السربنتينه وشجره التكييف وكتاوت ووورد وطقم اصلاح وفلتر تكييف ومصنعيه وحاجات تانيه الموضوع دخل في حوالي الفين لان الموبينه فصلت عنده من غير سبب وغيرتها وانا راجع من عند بتاع التكييف بالليلل اخدت بالعربيه مطب مش طبيعي وقفت بالعربيه لقيت زيت نازل من تحت العربيه قطرتها لميكانيكي قاللي كارتيره اتكسرت وجزء كده مربوط فيه بليه الشداد مش عارف اسمه غيرتهم صرفت بالزيت وبقطر العربيه 750 جنيه وقاللي لازم تودي العربيه لبتاع عفشه لان العربيه مش مظبطه خالص المهم بشغل التكييف النهارده لقيت مافيش اي هوا ساقع داخل العربيه بدوس علي الابره بتاعه الشحن مالقيتش فريون خالص ممكن تكون الخبطه ليها دور ولا المشكله من عند بتاع التكييف مع انه كان شغال كويس جدا عند بتاع التكييف وانا راجع من عنده كمان كانت كويسه خالص المهم انا خلاص زهقت من العربيه ايه رأيكم

  • #2
    متأكد ان مافيش تسريب عندك ؟؟!! حاول تكشف عن التسريب تانى بعد المطب
    بالتوفيق

    Comment


    • #3
      معني كلامك ان ممكن خبطه المطب الجامده اثرت علي التكييف وعملت تسريب

      Comment


      • #4
        مدام الخبطه اثرت على كرتيره الزيت يبقى ممكن تكون خرطوم او السربنتينه اتخرمت ولا حاجه اكشف كويس وبعدين اشحن قولى انتا غيرت الاويل سيهات اللى فى الخراطيم ولا لا ؟
        لو ما غيرتهاش ممكن تنفس الشحنه لو الاويل سيهات ناشفه
        ولو مافيش تسريب والفريون هرب تانى بعد الشحن يبقى الكباس بيسرب فى التشغيل ومع المشى
        سبحان الله وبحمده سبحان الله العظيم

        [SIGPIC][/SIGPIC]

        Comment


        • #5
          والله انا مش عارف هو غير الاويل سيهات ولا لأ بس هو قالي انا غيرت الشجره كلها وانا هرجع تاني لبتاع التكييف اشوف الخبطه عملت ايه شكلي مكتوب عليا اعيش من غير تكييف

          Comment


          • #6
            طقم الاصلاح هو الاويل سيهات هو الاساتك بلغة بعض الصنايعيه
            الاكيد ان الخبطه سببت تسريب ف الفريون
            لو الكمبروسر اتحل عند الميكانيكي ييقى طبيعي يفضي شحن

            Comment


            • #7
              هو فعلا الميكانيكي فك الكمبورسور علشان يطلع الجزء الموجود في يمين الموتور اللي مربوط فيه بليه الشداد وطلع مشروخ وفيه مسامير مكسره فيه برغم انها مسامير طويله جدا الميكانيكي قالي العربيه لو اترمت من تاني دور مش هيحصل فيها كده وانا فعلا رجعت لبتاع التكييف قالي كده عاوزه تتشحن من تاني وشحنتها الحمد لله

              Comment

              Working...
              X