مشكلة الحرارة و ارجو المساعدة

[mouu8]

السلام عليكم
دلوقتي انا حابب اعرف درجة الحرارة الطبيعية للاوبل لان انا عندي ٨٠ من ساعت م غيرت الكوعة و مش بتعلي ف هل دا غلط للعربية و ليه اضرار ولا و تاني حاجة برضو بعد مركبت الكوعة المرووحة بقت تشتغل مع الكونتاكت حتي و العربية باردة اضيل المفتاح تفصل فين لمشكلة انا مش فاهم اعمل ايه يا وحوش الاوبل ؟

[haisam ali]

هتعوز تبرمج المراوح الاول وبعد كده تشوف الحراره أخبارها ايه ..؟؟؟

[mouu8]

ابرمج المراوح ؟؟؟ ابرمجها ازاي ؟

[kokowasfy]

انتا شلت لية كوعة الترموستات

[haisam ali]

لبرمجه المراوح ..هتضغط علي زرار تشغيل التكييف 5 ثواني وبعد كده هتفصله , المراوح هتقف وترجع تشتغل في وقتها .

[mouu8]

شيلتو عشان كان بايظ و غيرتو و بالنسبة للبرمجة افضل دايس علي زرار التكيف ولا اشغلو لمدة خمس ثواني ؟

[mouu8]

و استاذ هيثم شكرا لاهتمام حضرتك بس هل المراوح لما تبا شغالا مع الكونتاكت مش بتفصل حتي انها بتشتغل لما بدور الصبح و العربية بردة بتشتغل بردو فهل كدة محتاجة برمجة يعني دي اعراض طبيعية محتاجة برمجة بس ؟

[haisam ali]

ايوه باذن الله وده بيبقى ناتج من انك شيلت كبل البطارية وركبته تانى

[mouu8]

لا انا مشيلتيش كبل البطارية علي فكر ة فهل برضو افضل ضاغط علي زرار التكيف ولا كدة حاجة تانية ؟

[haisam ali]

لا كده بقى هتستنى حد خبره يرد عليك ..... لان انا كده ممكن اعك معلش

[mouu8]

طيب تمام تعبتك معايا والله و مستني راي الوحوش

[mouu8]

طيب تمام تعبتك معايا و الله معلش و ارجو سرعةالرد للمساعدة من الوحوش

[فادى محمد]

في الحالات دي المراوح بتشتغل علطول من اول ماتفتح الكونتاكت.....
1-في حاله تسرب غاز الفريون من دوره التكييف .. فبتشتغل سيفتي موود وفي الحاله دي هتشيل الكتاوت رقم 2 من ع الشمال في العلبه المستطيله اللي قبل البطاريه علي ماتصلح التكييف
2- في حاله تلف ساعه الرادياتير اللي راكبه عليه من ناحيه الشمال ( رمادي 3 طرف) وفي الحاله دي لازم تغيره علشان تظبط توقيت تشغيل المراوح وماتجهدهاش
3-في حاله فك كابل البطاريه المراوح بتحتاج تتبرمج بانك تدوس علي زرار التكييف لتشغيله مده 5 ثوان

[MOHAMEDEBAID75]

في الحالات دي المراوح بتشتغل علطول من اول ماتفتح الكونتاكت.....
1-في حاله تسرب غاز الفريون من دوره التكييف .. فبتشتغل سيفتي موود وفي الحاله دي هتشيل الكتاوت رقم 2 من ع الشمال في العلبه المستطيله اللي قبل البطاريه علي ماتصلح التكييف
2- في حاله تلف ساعه الرادياتير اللي راكبه عليه من ناحيه الشمال ( رمادي 3 طرف) وفي الحاله دي لازم تغيره علشان تظبط توقيت تشغيل المراوح وماتجهدهاش
3-في حاله فك كابل البطاريه المراوح بتحتاج تتبرمج بانك تدوس علي زرار التكييف لتشغيله مده 5 ثوان

هو فى موضوع على المنتدى يا فادى باشا يوضح كل كتاوت فى الاوبل وظيفتة ايه ؟

[فادى محمد]

الفيوزات بس اللي جوه العربيه هتلاقيه في مواضيعي .. انما الكتاوت لا..
عاوز تسال علي ايه فيهم؟؟