استفسارات حول فيكترا سي 2008

[wessamshaheen]

السلام عليكم ايها اﻷخوة اﻷفاضل ، عندي شوية اسئلة عن طريقة قيادة فيكترا سي ايزي ترونيك ﻷنني بفكر أشتريها و لم تتوفر لي سواقتها

1- في حالة المانيول لو واقف علي مطلع و فيها الغيار اﻷول و هبدأ أتحرك ممكن تريح للخلف
2- في حالة المانيول لما تكون العربية سريعة علي الرابع او الخامس مثلا و دوست فرامل بس موقفتش هديت بس و أجي ادوس بنزين تاني الغيار الي بتبقي عليه العربية ايه و ايه الي بيحصل بالضبط علشان اكمل في الطريق عادي
3- في حالة المانيول ممكن الواحد يطلع بسرعة شديدة شوية يعني اول تاني تالت بسرعة شوية
4- هل ممكن التبديل بين المانيول و اﻷتوماتيك و العربية ماشية علي سرعة في اي وقت
5-في حالة الاتوماتيك بيبقي في كيك داون أو حاجة شبه أوفر درايف زي أوتوماتيك الفيرنا مثلا

برجاء التوضيح ولكم جزيل الشكر

[Dr-Daly]

إن شاء الله تشتريها وهتعجبك العربيه ككل والإيزيترونيك مش معقد ولافيه مشاكل زي الdsg في الفولكس ولا ال mmt بتاع التويوتا
أما بالنسبه لتساؤلاتك فعلي حد علمي المتواضع:
١- فعلاً بتريح شويه بسيطة للخلف لو علي المطلع في حالة الاوتو لكن المنيوال لأ
٢-مش عارف الحقيقه لأني دايما أوتو خصوصا علي السرعات العاليه
٣-أعتقد ممكن
٤-ممكن بس طيب ليه طالما عزم العربيه جايب معاك وتمام
٥-طبعاً الكيك داون شغال علي الأوتو طبعاً

[Abdo Taha]

السلام عليكم ايها اﻷخوة اﻷفاضل ، عندي شوية اسئلة عن طريقة قيادة فيكترا سي ايزي ترونيك ﻷنني بفكر أشتريها و لم تتوفر لي سواقتها

1- في حالة المانيول لو واقف علي مطلع و فيها الغيار اﻷول و هبدأ أتحرك ممكن تريح للخلف
2- في حالة المانيول لما تكون العربية سريعة علي الرابع او الخامس مثلا و دوست فرامل بس موقفتش هديت بس و أجي ادوس بنزين تاني الغيار الي بتبقي عليه العربية ايه و ايه الي بيحصل بالضبط علشان اكمل في الطريق عادي
3- في حالة المانيول ممكن الواحد يطلع بسرعة شديدة شوية يعني اول تاني تالت بسرعة شوية
4- هل ممكن التبديل بين المانيول و اﻷتوماتيك و العربية ماشية علي سرعة في اي وقت
5-في حالة الاتوماتيك بيبقي في كيك داون أو حاجة شبه أوفر درايف زي أوتوماتيك الفيرنا مثلا

برجاء التوضيح ولكم جزيل الشكر

1- ممكن تريح شوية بس لو سبتها هتطلع لوحدها عادي بس مش بفضله عشان بحسه تحميل على الكنترول بس و انت طالع زود سنة بنزين عادي
2-العربية مش هتنزل النقلة اللي فبلها الا في حالة ان العربية ال rpm بتاعها هيبقى اقل من المعتاد و تبدأ تكركر و تبطل اما لو rpm قليل بس في الحد المسموح يعني فوق ال 1000 بسنة صغيرة هتفضل عادي على الغيار و عشان تكمل هتدوس بنزين و عادي اما لو اوتو ممكن تنزل للقبله .
3-اه ممكن عادي و القيادة الرياضية دي هتحبها جدا مع الفتيس ده و بخلي العربية طيارة ما شاء الله .
4-اه براحتك جدا و كمان ممكن تمورها و تسيبها تمشي بوزنها بص اكنك مانيوال بالظبط بس هتستغنى عن العصاية و الدواسة بس فقط لا غير و كمان ممكن ترميلها و تعشق العربية لو انت على مطلع او منزل بس انا مش بفضل كده عشان متحملش على التروس
5 - ايوه بيبقى فيه زي الاوتو العادي تكبس بنزين تلاقيه فتحت معاك جامد بس اهم حاجة ابقى اعرف تتحكم فيها كويس ساعتها عشان بتبقى مخيفة مش 105 حصان خالص
الفتيس ده كويس جدا في السفر و الطرق السالكة و هتنزل تبوسه و تبوس اللي اخترعه اما لو في الزحمة بيبقى رخم لو رجلك مظبطتش او انت مبرجل شوية و بيظبط في المانيوال الى حد ما بس اهم حاجة اتعود عليه و ان شاء الله مش هتدايق منه .

[wessamshaheen]

السلام عليكم جميعا ، وشكرا علي اﻹفادة و لكن ممكن توضيح
[اما لو في الزحمة بيبقى رخم لو رجلك مظبطتش او انت مبرجل شوية و بيظبط في المانيوال الى حد ما بس اهم حاجة اتعود عليه و ان شاء الله مش هتدايق منه .]

أفهم من كده انه في الزحمة يستخدم المانيول يعني اول و تاني و اﻷتوماتيك مينفعش و ﻻ ايه بالضبط
يرجي التوضيح و شكرا

[Abdo Taha]

السلام عليكم جميعا ، وشكرا علي اﻹفادة و لكن ممكن توضيح
[اما لو في الزحمة بيبقى رخم لو رجلك مظبطتش او انت مبرجل شوية و بيظبط في المانيوال الى حد ما بس اهم حاجة اتعود عليه و ان شاء الله مش هتدايق منه .]

أفهم من كده انه في الزحمة يستخدم المانيول يعني اول و تاني و اﻷتوماتيك مينفعش و ﻻ ايه بالضبط
يرجي التوضيح و شكرا

يمشي اوتو عادي و لكن يفضل مانيوال عشان مينزلش للأول بدري زي ما بيعمل في الاوتو و تقوم العربية نتشة منك برخامة لكن المانيوال النتش بيقل فيه كتير بس انا قصدي زحمة يعني يوم لما العربيات تلزق في بعضها و الدنيا تبقى ملخبطة و بتحتاج تعمل اكروبات عشان تخرج منها زي السيدة عائشة كده و المنيل الحتت اللي بتقف كتير دي و ميكروباصات و القرف اللي انت عارفه ده .

[wessamshaheen]

شكرا علي التوضيح