اسئله ع الماشي

[احمد الصعيدي]

هل فلتر التكييف بيأثر جامد علي اداؤه وممكن يعمل مشاكل في التكييف
السؤال التاني لو العربيه مش متقفله كويس فيه فواصل صغيره بين الجلد والازاز وبين الجلد والابواب هتأثر علي قوه التكييف ولازم الجلد يتغير
شكرا جزيلا

[Omar Mahmoud]

متابع

[samehafez]

اكيد الفلتر بيأثر علي اداء التكييف ... لو متنضفش .. الغبار بيسد المسام و بيقلل من كمية الهوا اللي داخلة و لازم يتغير بعد فترة ..ده عن تجربة شخصية
بالنسبة ان العربية مش متقفلة كويس .. اعتقد انها هتأثر علي اداء التكييف ..

[MaaM]

متابع

Sent from my HTC

[MaaM]

استغربت جدا لما لاقيت مشاركة ليا هنا مع اني فاكر اني مكتبش حاجة !

Sent from my HTC

[احمد الصعيدي]

اهلا وسهلا بيك في اي مكان

[MaaM]

الله يحفظك
وبالمناسبة انا مع الكلام اللي قاله العضو samehafez

[احمد الصعيدي]

طيب هل الفلتر لو بايظ هيبوظ السربنتينه وسعر الفلتر كام

[احمد الصعيدي]

متابع

[Hesham.H]

اكيد الفلتر بيأثر علي اداء التكييف ... لو متنضفش .. الغبار بيسد المسام و بيقلل من كمية الهوا اللي داخلة و لازم يتغير بعد فترة ..ده عن تجربة شخصية
بالنسبة ان العربية مش متقفلة كويس .. اعتقد انها هتأثر علي اداء التكييف ..

كلام سليم ١٠٠ ٪ .. فلتر التكييف مع الوقت بتسد من الغبار ولازم يتنظف زى فلتر الهوا بالظبط .. والغبار لما بيزيد بيسد المسام بتاعته وبيبقى عاوز يتغير لانه ساعتها مش بيدخل كميه الهواء الكافيه وبتضعف من كفاءه التكييف
وطبعا العربيه لما بتكون مش متقفله كويس بتأثر على التبريد لأن فى هوا بيدخل جوه العربيه كأنك فاتح سنه من الشباك وانت مشغل التكييف

طيب هل الفلتر لو بايظ هيبوظ السربنتينه وسعر الفلتر كام

طبعا فلتر التكييف مالوش علاقه بسربنتينه التكييف اللى هى موجوده فى صدر العربيه أمام الرياداتير .. أما لو حضرتك تقصد ثلاجه التكييف اللى فى التابلوه فأكيد هاينحصر تأثيره عليها لو بايظ أنه يدخل تراب وغبار عليها وده مع الوقت مش صح طبعا

سعر فلتر التكييف من ٦٠ الى ٨٠ جنيه حسب النوع .. انا لسه مغيره نوع تركى ب ٧٠ جنيه
تحياتى

[احمد الصعيدي]

طيب معلش سؤال تاني انا بصيت علي جلد الابواب لقيته سليم وبرم كده بيدخل هوا جوه العربيه يبقي ايه الحل