هو في حاج اسمها بلف كنترول لكباس التكييف؟؟

[alameer81]

السلام عليكم
عندي التكييف شوية يسقع وشوية ما يسقعش بدون انتظام
الشحن تمام والكباس بيلقط ومفيش هوا في الدايرة لانة كان شغال فل الصيف الي فات
رحت كشفت عليه عند صنايعي نام تحت العربية وبص علي الكباس قالي الكنترول فالف بيعلق ولازم يتفك وها يتكلف 350 جنيه
هو في حاجة اسمها كده اصلا علي الكباس؟؟
الي اعرفه ان الاكسبانشن راكب على المبخر جوة العربية
والكباس عليه بلف امان وبلوف السحب والطرد بس
ايه موضوع البلف ده ولا دي اشتغاله؟؟

[Sherif Mandoor]

بيبقى فى الكباس من تحت يشبه البوجيه انا مغيره ب190 جند

[alameer81]

ده الريليف وما اظنش يعمل المشكله الى عندى
انت كانت مشكلتك ايه

[Sherif Mandoor]

الكباس مكاتش شغال

[yoyomonster]

اكشف برده عند حد كمان عشان تتأكد ان الفني ده شخص العطل صح مش مجرد عايز يبيع وخلاص.
بس اعتقد الكنترول ده بيكون موجود لو التكييف اوتوماتيك، يعني يفصل عند درجة برودة معينة مثلا وبعدين يشتغل لما الحرارة تزيد، بس انت متأكد انه ميقصدش الريليف وقال حاجة تانية اسمها كنترول فالف؟

[alameer81]

اكشف برده عند حد كمان عشان تتأكد ان الفني ده شخص العطل صح مش مجرد عايز يبيع وخلاص.
بس اعتقد الكنترول ده بيكون موجود لو التكييف اوتوماتيك، يعني يفصل عند درجة برودة معينة مثلا وبعدين يشتغل لما الحرارة تزيد، بس انت متأكد انه ميقصدش الريليف وقال حاجة تانية اسمها كنترول فالف؟

لا ما قالش الريليف هو قال كنترول فالف
السؤال بقي هل الكباس عندى بكلاتش يفصل ويعشق ولا متغير السعة؟؟

[MaaM]

لـ alameer81
ازيك يا باشا عامل ايه ؟ في حالتك هاتروح تكشف كمبيوتر الأول عشان تتأكد ان ده مش عيب في الكنترول
لأن من ضمن عيوب كنترول الأسترا البرازيلي ، فصل اشارة سويتش الضغط
كان صاحبي راح لكذا واحد بتاع تكييف ودفع 1000 جنيه والتكييف أصلاً تمام وشغال زي الفل بس مكانوش عارفين ان ده من الكنترول
إن شاء يبقى خير ، بس لازم تتأكد الأول

[alameer81]

لـ alameer81
ازيك يا باشا عامل ايه ؟ في حالتك هاتروح تكشف كمبيوتر الأول عشان تتأكد ان ده مش عيب في الكنترول
لأن من ضمن عيوب كنترول الأسترا البرازيلي ، فصل اشارة سويتش الضغط
كان صاحبي راح لكذا واحد بتاع تكييف ودفع 1000 جنيه والتكييف أصلاً تمام وشغال زي الفل بس مكانوش عارفين ان ده من الكنترول
إن شاء يبقى خير ، بس لازم تتأكد الأول

الحمد لله تمام في نعمة
انت اخبارك ايه

معليش كده فهمني واحده واحده
لو سويتش الضغط مفصول التكييف يقطع خالص ولا يبقي حبه فوق وحبه تحت زي عندي؟؟
وهل التكييف له كنترول لوحده كشف الكمبيوتر يقدر يدخل عليه زي الفتيس مثلا؟؟ ولا ده بيتسجل في ال ecu مع اعطال المكنة؟؟
واخيرا هل ال op-comله في الحكاية دى ولا لا؟؟

[MaaM]

جرب شوف فيه أعطال هاتظهر على الـ OP-Com ولا لأ ، لكن مع التيك2 بتظهر أكيد لأنه بيدخل على الإختبارات
ايوة ، شوية يشتغل وشوية لأ
التكييف بيشوفه من الـ ECU

[alameer81]

جرب شوف فيه أعطال هاتظهر على الـ op-com ولا لأ ، لكن مع التيك2 بتظهر أكيد لأنه بيدخل على الإختبارات
ايوة ، شوية يشتغل وشوية لأ
التكييف بيشوفه من الـ ecu

لو في عطل فعلا علاجه ايه؟؟
ربنا يستر

[MaaM]

زي ما انت قولت ربنا يستر ، اكشف تيك2 الأول وشوف ايه الأخبار وخلينا متابعين معاك

[alameer81]

لما اروح بقي ان شاء الله لانى في الشغل
كده ها تخلينى ما اعرفش انام

[tamer_amen]

لما اروح بقي ان شاء الله لانى في الشغل
كده ها تخلينى ما اعرفش انام

باشا ممكن توضح عملت ايه عشان نستفيد

[alameer81]

انا اسف اني ما قفلتش الموضوع وما كتبتش انا وصلت لايه
بس فعلا الموضوع تاه من دماغي

طلع بلف الكنترول فعلا علي الكباس
هو اسمه في السوق بلف الكنترول لكن وظيفته بلف امان لزيادة الضغط
ريليف فالف
غيرته ب 350 جنيه بالشحن
تغييره سهل ومش محتاج صنايعي بس المشكله معرفش بيتباع فين