استفسار عن اوبل فيكترا a

[night_angel0007]

انا بدات احرك الدفه شمال للاوبل فيكترا a وبفكر فيها تفكير جدييا ايه رايكم فى العربيه يه وافكر فى ايه وانا بجيبها واحسن الاصدارات منها وايه رايكم فيها بشكل عام وعلوها عن الارض زى الفيكترا b ولا اعلى منها نسبيا ؟؟ ياريت الى عنده معلومه يفيدنى بيها لانى بشترى عربيه فى ح اقصى 34 او 35 الف الايام ديه ومحتار بين اكتر من عربيه وبكون راى

[Tiar]

السلام عليكم

بجد عربية ممتازة بس اهم حاجة تكشف عليه كويس لو العربية حالتها حلوة توكل على الله وهتبقى مبسوط بيها جداُ انا معايا 2000 سيسي منوال عربية دكر بمعني الكلمة
ولو عفشتها مظبوطه هتبقى معقولة في ارتفاعها عن الارض يعني لا عليه قوي ولا وطيه قوي

العيب الوحيد اللي انا شايفه من بعض الزملاء موضوع الماف بتعها شحيح شوية في السوق


طيار

[amr121218]

عربية ممتازة بس خليك في المانوال 1600 ملهاش عيوب عكس ال2000

[night_angel0007]

جزاكم الله خيرا يا جماعه بس عايز اعرف اسعار قطع غيارها اخبارها وال 1600 المانوال رنج سعرها كام ؟؟

[hassan boraee]

[frame="1 80"]
بجد عربية ممتازة بس اهم حاجة تكشف عليه كويس لو العربية حالتها حلوة توكل على الله وهتبقى مبسوط بيها جداُ انا معايا 2000 سيسي منوال عربية دكر بمعني الكلمة
ولو عفشتها مظبوطه هتبقى معقولة في ارتفاعها عن الارض يعني لا عليه قوي ولا وطيه قوي
[/frame]

طب و الحرارة و الأعطال عاملة معاك إية واستهلاك البنزين أخبارة إيه

[Tiar]

[frame="1 80"]
بجد عربية ممتازة بس اهم حاجة تكشف عليه كويس لو العربية حالتها حلوة توكل على الله وهتبقى مبسوط بيها جداُ انا معايا 2000 سيسي منوال عربية دكر بمعني الكلمة
ولو عفشتها مظبوطه هتبقى معقولة في ارتفاعها عن الارض يعني لا عليه قوي ولا وطيه قوي
[/frame]

طب و الحرارة و الأعطال عاملة معاك إية واستهلاك البنزين أخبارة إيه

الحرارة عندي كبيرها 95 ده في عز الحر والزحمة انما الرنج الطبيعي من 90 الى 92
الاعطال تكاد تكون بدون اعطال والحمد لله لاني محافظ على صيناتها الدورية في ميعادها من تغيير زيت وفلاتر وسيور وديماً ايدي فيها وكمان نظافة الحساسات مثل الماف وغيره
اما استهلاك البنزين كويس جدا حوالي 200 كيلو في الصفيحة وطريقى دايماً الدائري



طيار

[buffon851]

الحرارة عندي كبيرها 95 ده في عز الحر والزحمة انما الرنج الطبيعي من 90 الى 92
الاعطال تكاد تكون بدون اعطال والحمد لله لاني محافظ على صيناتها الدورية في ميعادها من تغيير زيت وفلاتر وسيور وديماً ايدي فيها وكمان نظافة الحساسات مثل الماف وغيره
اما استهلاك البنزين كويس جدا حوالي 200 كيلو في الصفيحة وطريقى دايماً الدائري



طيار

باشا بعد اذتك بمناسبه الصيانه الدوريه انا معايا اخت عربيتك عايز اعملها صيانه دوريه ممكن تقولى سعر الفلاتر والسيور عامل كم ومكان مضمون اجيبهم منه ولك كل الشكر

[Tiar]

باشا بعد اذتك بمناسبه الصيانه الدوريه انا معايا اخت عربيتك عايز اعملها صيانه دوريه ممكن تقولى سعر الفلاتر والسيور عامل كم ومكان مضمون اجيبهم منه ولك كل الشكر

انا والله اسعار مش فاكر لاني اخر مرة رحت عند طناني مركز اوتو ماستر في المعادي وهو عملي الصيانة الدورية وكان توتال اللي دفعته حوالى 1300 جنيه مصنعية + قطع غيار بما فيهم تغيير مساعد بواحد استيراد
والاخ طناني زميل هنا في المنتدي وطبعاً انا مركزتش في اسعار أي قطعة لانه انسان ثفه ومضمون





طيار

[thug]

عربيه اصيله وممتازه وحاول تدور علي المكنه ال1600 رشاش واحد كامه واحده مانيوال
موتور حلو علي وزنها واعطاله قليله جدا ...والعربيه دي مفهاش ماف فيها ماب وصعب يبوظ بعكس الماف في الفيكترا بي
ولو حصل مشكله معاك في حساستها قولي وانا عارف اعطالهم واحد واحد :d

[hassan boraee]

[quote الحرارة عندي كبيرها 95 ده في عز الحر والزحمة انما الرنج الطبيعي من 90 الى 92
الاعطال تكاد تكون بدون اعطال والحمد لله لاني محافظ على صيناتها الدورية في ميعادها من تغيير زيت وفلاتر وسيور وديماً ايدي فيها وكمان نظافة الحساسات مثل الماف وغيره
اما استهلاك البنزين كويس جدا حوالي 200 كيلو في الصفيحة وطريقى دايماً الدائري
][/quote]
بس المانيوال بتاعها في السواقة أخبارة إية أصل أنا معايا منها الأتوماتيك و بفكر أقلبها مانيوال علشان الأعطال و الحرارة ومعلش متقلين علي معاليك

[Tiar]

[quote الحرارة عندي كبيرها 95 ده في عز الحر والزحمة انما الرنج الطبيعي من 90 الى 92
الاعطال تكاد تكون بدون اعطال والحمد لله لاني محافظ على صيناتها الدورية في ميعادها من تغيير زيت وفلاتر وسيور وديماً ايدي فيها وكمان نظافة الحساسات مثل الماف وغيره
اما استهلاك البنزين كويس جدا حوالي 200 كيلو في الصفيحة وطريقى دايماً الدائري
]

بس المانيوال بتاعها في السواقة أخبارة إية أصل أنا معايا منها الأتوماتيك و بفكر أقلبها مانيوال علشان الأعطال و الحرارة ومعلش متقلين علي معاليك[/quote]


في الزحمة مقرفه جداً انما في الطوالي غول
انما من ناحية الاعطال تكاد تكون منعدمة وكبيرها فتيس استيراد بـ 600 جنيه من الحرفيين



طيار

[Tiar]

بس المانيوال بتاعها في السواقة أخبارة إية أصل أنا معايا منها الأتوماتيك و بفكر أقلبها مانيوال علشان الأعطال و الحرارة ومعلش متقلين علي معاليك

في الزحمة مقرفه جداً انما في الطوالي غول
انما من ناحية الاعطال تكاد تكون منعدمة وكبيرها فتيس استيراد بـ 600 جنيه من الحرفيين



طيار[/quote]

يا جماعة كلامي ده على عربيتي انا معرفشي العربية اللي انتا هتشتريها او تقلبها الى مانوال هتبقى عملة ازاي وحالتها ايه

الاوبل كله اهم حاجة حالة العربية عمله ايه اولاً واخيرا

انا لما جيت اشتري ربنا كرمني واشتريتها من واحد دكتور في الجامعة وكان عنده اكتر من عربية والراجل كان صريح معايا جداً وخلاني اقعد مع السواق بتاعه علشان يقولي على حالة العربية بصراحة ربنا يباركله
انا اول ماشفتها وقعت في حبها على طول وقولت هي دي عشان كده انا اشتريتها منغير حتي ماوديها الى ميكانيكي يشفها وكمان السمسار اللي كان جيبلى العربية كان مفهمني انها 1600 زي ما انا كنت متفق معاه وبعدين وانا قاعد مع صحابها عرفت انها 2000 سيسي برده مغيرتش رائي واشتريتها وربنا كرمني وطلعت عربية هدية












طيار

[عماد جورج]

انا كمان بفكر اشترى العربيه ديه بس عندى كام سؤال بخصوص العربيه الاقى فين رقم الشاسيه و كمان ازاى اعرف حالتها و هل لو فكرت افحصها فى التوكيل هيكلفنى كام لانى معنديش ميكانيكى اعرفه

[احمد فهمى]

نصيحه خليك فى الفيكترا a المتور ال1600 الاصلى احادى الحقن متور لا مشاكل له اطلاقآ بس اهم حاجه الحاله لأن الموديل قديم

[Omar Mahmoud]

سؤال
هل الفيكترا a,b ليهم قطع غيار جديدة في التوكيل؟؟؟