مشكلة الحرارة و دراع النور فى الاوبل كورسا 97

[Mahmoud alaska]

السلام عليكم

عندى مشكلتين يا شباب و ارجوا الافادة
الحرارة عندى بتعدى ال 90 و توصل للنص فى الزحمة لكن فى الجرى بتبقى على ال 90
و دراع النور عنىد بيعلق يعنى لما اولع النور الواطى العالى بيولع معاه لوحده و علشان اطفيه لازم افضل ماسك الدراع و اوقات لما اشغل الرعاش بشم ريحه شياط بسيطة و الاقى دخان بسيط اوى طالع من عندى الدراع ... كده اغير دراع و لا ممكن يتصلح

[eng.salama93]

غير الدراع و ركب كتاوت نور عشان الأنوار عامله حمل علي الدراع و بتسيحه و الجديد حتي لو اصلي و من التوكيل هيسيح هو كمان
لازم تركب كتاوت نور كويس

[Mahmoud alaska]

ماتعرفش دراع النور الاصلى بكام

و عندى مشكلة جديدة ظهرت ان العربية احيانا و انا ماشى بتبطل لوحدها و ماترضاش تدور تانى اسيبها دقيقتين و ادورها تدور عادى...ياريت لو تقدر تفدنى و شكرا ليك

[lancerevolution]

بالنسبة لمودوع الدوارة فغالبا سلوك البوجيهات بالذات سلك الموبينة راجع عليهم .... غالبا عندك مشكلة كهربا بص على الكهربا عموما

[elewey]

الحرارة كدة عادى لو مركب الترموستات الاصلى بتوصل للنص و ترجع تانى 90 اما لو مغير ترموستات حتلاقى اعلى حرارة الشرطة اللى فوق 90

[haisam ali]

بس هوه فعلا كده فيه حاجه محمله على دراع النور زى النور لو انت مغير اللمبات بتاعت بلادها ومركب حاجه اعلى هنعمل كده فزى مازميلنا قالك هتعوز تركب كتاوت نور ( استارت او realy ) وده التركي منه فعلبه صفراء ونظيف جدا جدا اسمه الطيب الكهرباءيه كلهم عارفينه ده بيعمل ٢٨ جنيه ودراع النور بيتغير كبيره ١٠٠ جنيه وكل حاجه تبقى تمام .... اما عن الحراره فده الطبيعي بتاع الكورسا هيا عدادها كده فعلا .... هذا وبالله التوفيق

[Mahmoud alaska]

فعلا انا جيبت دراع النور ب 100 الالمانى و مشكلة الدوارة ان شا الله حروح لكهربائى يشوفلى الموضوع ده
و شكرا للجميع على الرد و ربنا يكرمكم يااااااارب

[عاشق الاوبل]

هو السوال انتى بعد درجة 90 بتسمع مروحه التبريد شغاله؟

[Mahmoud alaska]

الحمد لله ركبت دراع النور و كتاوت و بقت تمااااااااام
المشكلة دلوقتى ان العربية اوقات بتدور بصعوبة و اوقات و انا ماشى تبطل لوحدها بس ده بيحصل قليل جدا تقريبا مرة او مرتين فى اليوم مش عالطول مش عارف منيه و مافيش اى ميكانيكى عارف يشخصها و كشفت عليها كمبيوتر لقيت كله شغال تمام !!!!!!!!!!!؟؟؟؟؟

[haisam ali]

اخر مره عملت صيانه للموتور امتى ؟؟؟؟ فلتر هواء وفلتر بنزين وبوجيهات ...؟؟ وآخر مره نظفت الايدل امتى ؟؟؟؟؟ وبتحط بنزين ايه ..؟؟

[Mahmoud alaska]

انا لسة مشترى العربية من اسبوعين تقريبا و غير زيت و فلتر زيت و نظفت فلتر الهوا بالنسبة للبنزين كانت شغاله 80 بس انا بحطلها 92 حاليا
و ايه هو الايدل؟؟؟؟؟

[haisam ali]

حساس البوابه بلغه الصنايعيه حاول تروح لصنايعى فاهم ينظفهولك وينظف البوابه وبأذن الله الدنيا تتظبط

[Mahmoud alaska]

مشكووووووووور

[Mahmoud alaska]

طيب ده مش ممكن انظفه انا و لا صعب لازم صنايعى

[haisam ali]

طيب ده مش ممكن انظفه انا و لا صعب لازم صنايعى

لا طبعا عادى جدا جدا انك تعمله بنفسك .... الاستاذ فادى محمد عامل موضوع مثبت هنا عن كيفيه فكه وتركيبه وتنظيف البوابه بالخطوات والصور وانا لسه عامل عربيتى من اسبوع كده بالظبط لنفسى على وصفهم وزى مالاستاذ عمرو السيسى بيقول لازم يكون عندك قلب كده وتعمل كل حاجه بنفسك عشان تتعلم وسيبها على الله