مفتاح التحكم بالمرايات في الفيكترا .. صورة

[superkenwood]

المفتاح ده كلنا عارفينه .. طبعا ده اللي بيتحكم في اتجاهات المرايات في الفيكترا
المشكلة عندي في الاتجاه اللي فوق واليمين مش بيشتغلوا خالص !!

أعمل ايه ؟ هل القطعة دي بتتصلح ؟ وعند مين ؟

وبكام جديــدة ؟

[tamer_samy]

بالنسبه للتصليح معرفش حد و مش عارف هينفع و لا لا
بس سعره استيراد كان 150 جنيه تقريبا من كام شهر
في الحرفيين عند واحد اسمه هاني العايدي

[abouzahra]

اخى العزيز

ممكن يتصلح

تفكة براحة بمفك صغير وتنظفة من الكربنة الى فية هتلاقى زى صدا بردة خفيفة

وخلى بالك ركز وانت بتفك علشان ترجعة تانى زى ما كان

وكمان وانت بتفكة من الباب سهل بمفك من الجنب

[abouzahra]

من الواضح من السويتش
انة بتاع عربية موديل 2000 - 2002

[Ahmad Allawy]

هو فعلا مش بيتصلح..عشان لو اتفك مش هيتركب تاني..
جرب الاول انك تنضفه ب wd40
وشوف هيشتغل ولا لأ..
لو ماشتغلش.. يبقي تشتري واحد تاني.. في منه جديد عند امريكان ستار ف التوفيقية.. لي تايواني..
و الاستيراد اللي موجود انضف طبعا.. السعر هيكون قريب من الرقم ده.. و ممكن يكون اقل شوية..
اتأكد الاول عشان ممكن يكون المشكلة من المراية نفسها.. الموور بتاعها..
هل الاتجاهين دول معلقين ف المرايتين الاتنين..؟؟ لو كده يبقي هو المفتاح ضارب فعلا.. غيره..

[superkenwood]

من الواضح من السويتش
انة بتاع عربية موديل 2000 - 2002

استاذ والله عربيتي فيكترا موديل 2000
ان شاء الله حأحاول أفكه زي ماقلتلي وربنا يسهل

[superkenwood]

هو فعلا مش بيتصلح..عشان لو اتفك مش هيتركب تاني..
جرب الاول انك تنضفه ب wd40
وشوف هيشتغل ولا لأ..
لو ماشتغلش.. يبقي تشتري واحد تاني.. في منه جديد عند امريكان ستار ف التوفيقية.. لي تايواني..
و الاستيراد اللي موجود انضف طبعا.. السعر هيكون قريب من الرقم ده.. و ممكن يكون اقل شوية..
اتأكد الاول عشان ممكن يكون المشكلة من المراية نفسها.. الموور بتاعها..
هل الاتجاهين دول معلقين ف المرايتين الاتنين..؟؟ لو كده يبقي هو المفتاح ضارب فعلا.. غيره..

شكرا أحمد عالى اهتمامك ..
المرايتين معلقين في نفس الاتجاه .. واضح من التجربة ان المفتاح نفسه هوه اللي معلق .. لأني بحس في الاتجاهين اللي مش بيشتغلوا ان مكانهم فاضي في الزرار !! أم الاتجاهات اللي بتشتغل بحس احساس كأني بدوس على أزرار كيبورد موبايل

سؤال ثاني ... يعني ايه (wd40) ؟؟