عربيتي غرقت

[alameer81]

السلام عليكم

عربيتي غرقت
ماسورة مياه عمومية ضربت جنب البيت وغرقت الجراج
الميه عليت لنص متر تقريبا ودخلت صالون العربية
نزحت الي قدرت عليه وطبعا اللباد والسفنج الي مبطن الصالون بقي بالوظة
فكيت الكراسي والعتب والفرش ومستني ينشفوا
ربنا يستر علي ضفاير الكهربا الي تحت الفرش من المية
المشكله بقي اني مش عارف انشف السفنج واللباد ده ازاي لان لو سبتهم طبيعي ها يقعدوا اسبوع

الحمد لله قضا اخف من قضا وكويس ان المية ما وصلتش المكنة

[haisam ali]

الحمد لله اللذى تتم بنعمته الصالحات .... حاول تشيل كابل البطاريه وتسيب العربيه فى الشمس يومين او ٣ معلش

[alameer81]

انا فكيت الفرش ونشرته ينشف
بكر ان شاء الله ها اوديها مغسله يحاول ينشف بالهوا على قد ما يقدر في العلب والضفاير

ولو لقيت دراى كلين يرضي يحط الفرش في المجفف بتاعه يبقي بركة من عند ربنا

[kornclub]

احسن حاجه خليك فاصل البطاريه وان شاء الله الكنترول سليم مفيش مشاكل

[besso]

اسلم شئ تفصل الكابل وتقطر العربيه وماتحاولش تدورها غير لما تنشف تماما تفاديا لعدم حدوث اى مشكله

[hossam_elwani]

كل ما التنشيف يكون اسرع يكون احسن ربنا صبرنا على القرف الى اسمه مصر

[elpasha1]

زى ما الاخ haisam ali قال
افصل الكبلات وسيبها فى الشمس

[Dr-Daly]

الحمدلله علي كل شئ وقدر ولطف وزي ما الناس قالوا سيبها تنشف في الشمس يومين أو إرفعها علي ونش لكن متدورهاش غير لما تطمن نهائي إن الميه نشفت أما الفرش ف معاك ربنا بقي وإبقي عرفنا عملت معاه إيه عشان تظبطوا من غير ما يبوظ ولايتبهدل

[mahmoud_ali]

كان الله فى العون

[speed_magnum]

قل الحمد لله
يا عالم لو كنت مشيت بيها كان ايه اللي حصل ؟!

[alameer81]

لا انا دورتها ومشيت بيها عادى
المشكله كلها في الفرش بس الحمد لله

[amr_paolo]

قدر الله ما شاء فعل
قلبي معاك