صوت ونة بعد الغير التاني

[mohamed-adly]

سلام عليكم


اسمحولي دوشتكم ليا كام يوم عمال انزل مواضيع مشاكل وكأني داخل علي مركز صيانة *_*

بس الظاهر اني حظي كده كل شوية يطلعلي حاجة جديدة


المشكلة النهاردة اول مرة العربية بعد ماطلع ع التاني وابدا التالت ع السرعة يعني بعد 50 وفوق اسمع صوت ونة

ياترا دا ايه مع العلم ان عندي بعض الخشونة في الفتيس في الغيار الاول والتاني "صعوبة في تغيير الغيار فقط ولكن بعض الاوقات بتبقي الغيارات ناعمة قوي قوي
"

العربية فيكترا بي 2

[raymoon]

أعتقد المشكلة في زيت الفتيس
غير زيت الفتيس بزيت ذي الموصي علية في المانيول بتاع العربية

[khashabawy88]

لو ونه ناعمه و شبه بتختفى بعد ال 90 يبقى سير الدينامو , غيره و غير نوعه و جرب

[mohamed-adly]

أعتقد المشكلة في زيت الفتيس
غير زيت الفتيس بزيت ذي الموصي علية في المانيول بتاع العربية

هجرب اغير زيت الفتيس

لو ونه ناعمه و شبه بتختفى بعد ال 90 يبقى سير الدينامو , غيره و غير نوعه و جرب

الونة ناعمة مش شديدة ميلاحظهاش الا الي يركز فيها لكن انا بسمعها

بالنسبة للدينامو انا عندي بلية الدينامو خشنة فابتعمل زنة ممكن تكون هيا الي بتعمل كده؟

[yoyomonster]

الونة بتظهر مع الغيار التالت ولا بتظهر مع rpm العالي؟
عشان لو سير او بلية مش حتفرق مع انهو غيار للفتيس حتسمعها حتي وانت واقف لو بتزود rpm مثلا
لكن لو بتسمعها مع الغيار التالت بس فممكن يكون الزيت الفتيس او الترس

[amr elsisi]

جرب تغير الزيت الاول
الفتيس المانيوال لو حيعمل ونة حيعملها في كل الغيارات

[M.A.EL-SATAR]

بلية العجل ممكن تعمل الونة دي

[yoyomonster]

بلية العجل ممكن تعمل الونة دي

مظبوط الاحتمال ده وارد برده، والونة بتطلع عند سرعات معينة بس حاول تركز وانت بتسمع تشوفها منين بالظبط

[mohamed-adly]

ايوة يااخواني الافاضل بتطلع عند سرعة معينة بعد الـ50 بتطلع مع السرعة يعني لما ابدا مثلا التالت وادوس بنزين تبدأ ونة وانا بدوس بنزين فقط

[mohamed-adly]

مازلت في انتظار باقي الاخوة الكرام

المشكلة جننتني هل ملهاش حل ؟
الونة بتطلع مع السرعة ولما يكون مثلا خدت الغيار وطولت فيه قوي
زيت الفتيس مظبوط

[فادى محمد]

خلي العربيه ماشيه ع الغيار التالت 50كم زي ما بيحصل معاك ومور الفتيس اول ما تسمع الونه. لو راحت يبقي المشكله في الفتيس . زيت ناقص او نوع مش جيد ..لو ماراحيتش تبقي موتور او عفشه..
هتكرر نفس اللي فات وفي مكان فاضي وبعد ماتمور الفتيس , افصل الموتور ( اطفيه) لو مازال الصوت موجود يبقي عفشه وغالبا بيبقي بلي عجل . اما لو زال الصوت يبقي من الموتور راجع بقي بلي الشدادات...

[mohamed-adly]

تسلم .. هجرب واقولك

[mohamed-adly]

جربت والنتيجة كالآتي:

مورت وانا علي 50ك الصوت راح
بطلت العربية وانا علي 50ك بعد مامورت برضو الصوت راح
جربت اعدي وجبت الرابع ومشيت علي 70 كده الصوت بدأ يخف وعلي100 اعتقد اختفي

الصوت متركز في التاني والتالت

انا كنت مزود الزيت هل اغيره خالص واجرب وهل في حاجة تانية اعملها غير الزيت

[mahmoud kamal]

بليه ياباشا اكشف على بلى العجل وبليه الدينامو الموضوع ملوش دعوه بالفتيس خالص ان شاء الله

[mohamed-adly]

بليه ياباشا اكشف على بلى العجل وبليه الدينامو الموضوع ملوش دعوه بالفتيس خالص ان شاء الله

هكشف علي العجل وبلية الدينامو

لكن انا لما بشيل رجلي وبدوس دبرياج الصوت بيروح