نصيحة يا خبراء الاوبل

[mohammed adel]

بعد السلام عليكم ورحمة الله وبركاتة انا اول مرة اكتب فى هذا القسم وليا الشرف طبعا

انا كان معايا النترا 2009 اوتوماتيك خليجى المهم انا قررت ابيعها عالشان عندى ظروف ومحتاج فلوس وكنت عايز من حضرتكم ترشحولي عربية فى الحدود من 40000 الى 50000 جم

بالنسبة لمواصفات العربية ياريت فى حدود الامكان الاقى هذا :-
1- قطع غيار رخيصة ومنتشرة او (غالية بس تكون بتتحمل) لاننى انا بمشي بمنطق ان اشترى قطع غيار ماركة محترمة(غالية فى السعر ) افضل عندى من اشترى الرخيص ويبوظ بسرعة
2- تكون عربية اعتمادية جدااا وتكون اقتصادية فى البنزين عالشان الظروف دلوقتى ربنا وحده اعلم بيها
3- لو تكون عالية عن يبقى افضل بس ده مش شرط اساسي
4- اوتوماتيك او مانوال مش فارقة
5- تكون عربية راسية على الارض فى حدود الامكان ( لانى فى بعض الاحيان بحب السحب والجري وانتم عارفين طيش الشباب

انا عارف طبعا يمكن حد يقول فى باله اننى بهزر عالشان عايز عربية بكل الامكانيات دية بهذا السعر لكن انا طالب من حضراتكم تكون فى حدود الامكان واكيد انتوا فاهمينى
(على فكرة انا شاب اعذب يعنى مش ضرورى تكون عربية عائلية)

ياريت من فضلكم تدلونى على عربية فيها تلك المتطلبات عالشان انا ماليش فيهم قوى ومحتاج نصيحتكم (اهم شيء من فضلكم تكون نصيحة عن تجربة )

والف شكررررررررررر على كل من يعطينى نصيحة وجزاه الله كل خيرررررررررررررر

[yoyomonster]

الاوبل فيكترا حينطبق عليها معظم الشروط بتاعتك معادا السحب والجري، هي تقيلة شوية في طلعتها بالنسبة للموتور 1600 سي سي، لكن الموضوع مختلف في ال 2000 سي سي بس مدام عايز حاجة قليلة يبقي خليك في ال1600 يبقي تمام. قطع غيارها متوفرة في كل حتة سواء جديد او استيراد من الخارج وبتفاوت اسعار كبير حسب ميزانيتك.
استهلاكها للبنزين كويس جدا في المشواير الطوالي ومعقول في الزحمة.
ثباتها مش محتاج كلام اكيد

وبرده ممكن تبص علي الاوبل كورسا 1200 سي سي موديل لحد 1995، شبابية وحلوة وسعرها بكل الاحوال مش حايعدي 35 لو كانت حالتها عروسة واقل من كده كمان. شوف اختياراتك ولما تقرر تشتري اكشف كويس عند ناس متخصصة اوبل مش اي ميكانيكي عشان مينخدعش في العربية.
بالتوفيق

[فادى محمد]

اوبل كورسا 1200 سي سي
ماشاء الله موتور بدون اعطال - ثابته جداا - جرايه - شبابيه - رانج 35 تجييب حاله ممتازه

[amr elsisi]

اوبل كورسا زي ما الرجالة تفضلو
وركب عليها مكنة 1400
هاف انجكشن وبور وتكييف واسبراتير الكتروني
المكنة بالفتيس لسة نازلة قدامي ب5000 ج
يعني لو جبت حاجة حلوة وشدها عجبك خليك عليها وحتكون بالكتير 35
طيب لو عاوز تعدل حتدخل في 40
ربنا يوفقق

[islamhossam]

متابع

[MaaM]

كيا شوما هاي لاين اوتوماتيك ، فتحة سقف ، abs ، ايرباج من 45000 لـ 47000 جنيه

[haisam ali]

كيا شوما هاي لاين اوتوماتيك ، فتحة سقف ، abs ، ايرباج من 45000 لـ 47000 جنيه

ههههههه انت عميل وسطنا يامحمود .... ياجدع انت الراجل بيسال على عربيه اوبل

[MaaM]

لا ياريس الراجل مقالش انه عايز اوبل, هو بيسال خبراء الاوبل, وجاوبته من خلال تجربتي المتواضعة جدا
وعميل عميل ياعم حد لاقي الشوما ! لا حرارة ولا ميكانيكية يغلبوك وفتحة سقف وصالون واسع من جوا

Sent from my HTC

[اكرم عوض حسن]

بس انت بتقارن كيا كوري _ بأوبل ألماني فيه فرق ياباشا واكيد انت عارف ان الالماني أفضل من الكوري 100 مرة

[haisam ali]

لا ياريس الراجل مقالش انه عايز اوبل, هو بيسال خبراء الاوبل, وجاوبته من خلال تجربتي المتواضعة جدا
وعميل عميل ياعم حد لاقي الشوما ! لا حرارة ولا ميكانيكية يغلبوك وفتحة سقف وصالون واسع من جوا

sent from my htc

هيا فعلا عربيه بيقولوا عليها عمليه جدا يامحمود .... انا مره الميكانيكى بتاعى اقسملى بالله ان الديسك والاسطوانه بتوع اللادا بيركبوا عليها هذا والله أقوى واعلم

[فادى محمد]

بس مشكله العربيه دي انك تلاقيها اصلا وتلاقي حد بيبيعها..
معظم الموجود معاقين وعليها حظر وشغلانه بقي..بس هي عربيه حلوه وعمليه فعلا
موتورها اول جيل من محركات ( gama)