محتار ما بين ( اوبل استرا h ) موديل 2007 وفيكترا. 2007

[Ahmed Koller]

السلام عليكم
اهلاً بأعضاء اوبل المحترمين ( انا زميلكم من قسم رينو ) . وحبيت اخر أرائكم

انا قدامي عربيتين واحذه أوبل أسترا هاتش باك هاي لاين ماشيه حوالي 160000 جالتها محترمه جداً

والعربيه التانيه اوبل فيكترا موديل 2007 مانيوال . وحالتها ممتازه وماشيه 145000

وبصراحه انا بحترم الأوبل جداً واول مره اركبها .. وكنت عاوز اعرف رئيكم في العربيتين انهي افضل فيهم .. من حيث
قطع الغيار من حيث توافرها
والصيانه . علشان انا من اسكندريه ومش عارف اي حد ممكن يشتغل فيها وال لا
وعاوز اعرف الاسعار مناسبه وال لا والاتنين سعرهم 85000. والاتنين موديل 2007


وياريت لو حد معاه العربيتين يقولنا علي عيوبها بالامانه
ولو شوية اسعار كده لقطع غيارهم إن امكن
واسف للأطاله

[Dr-Daly]

الفرق بينهم ان من وجهة نظري والي هيحدد انت ممكن تختار إيه هوه إحتياجاتك الشخصيه في عربيتك: يعني الفيكترا هي الأكبر وأكتر عائليه إنما الأسترا مفيش شنطه وهتبقي شبابي أكتر مش هتناسب واحد عنده اسرة وأطفال وكده؛
غيركده العربيتين ممتازين أنا طبعاً هرجحلك الفيكترا عشان انا كنت في حيرتك دي من سنه ونص واستقريت الحمدلله عليها
تقريبا العربيتين نفس التكنولوجي يعني الي هيشتغل في واحده هيعرف يشتغل ف التانيه يعني مش هتفرق كتير

[Ghost2]

اسعارهم عالية

[Ahmed Koller]

يا جماعه . طب لو حد يعرف اسعار شوية قطع غيار . راقارنهم بعربيتي لاني معايا ميجان واسعار قطع غياره عاليه برده
وانا ميال للهاتتش باك شوية . بس خايف من الفتيس

[haisam ali]

يا جماعه . طب لو حد يعرف اسعار شوية قطع غيار . راقارنهم بعربيتي لاني معايا ميجان واسعار قطع غياره عاليه برده
وانا ميال للهاتتش باك شوية . بس خايف من الفتيس

الفيكترا احسن من الميجان بمراحل ولو جبتها هتحس بفرق رهيب باذن الله

[Ahmed Koller]

الفيكترا احسن من الميجان بمراحل ولو جبتها هتحس بفرق رهيب باذن الله

اتمني إنها تكون احسن من الميجان .... وهي عربية محترمة جداً وانا بحترم الاوبل بصراحة وطبعاً الاوبل الفيكترا مانيوال ومش عارف هتبقي حلوه في المانيوال وال لا خصوصاً العربية ال معايا دلوقت هاي لاين ومريحه وانا فاهمها جداً

وموضوع الإيزي ترونك ده مش عارف ليه مقلق منه

[Ghost2]

فيكترا 2007 و توكل على الله و اخرها 80 الف

[Ahmed Koller]

لسه محتار وخايف جداً من الأوبل بصراحه
العربيتين ال قدامي
١_ الفيكترا ٢٠٠٧ مانيوال حالتها نضيفه ورشه نضافه ومغيره فانوس واكسدام
٢_ الاسترا ٢٠٠٧ هاي لاين بصمه . وحالتها نضيفه جداً وماشيه 160 وخايف يكون كده كتير عليها . بالنسبه لعدد وخايف من الفتيس .

وانا بصراحه ميال للأسترا وفي نفس الوقت بحب الفيكترا وحاسس في إعادة البيع الفيكترا افضل من الاسترا


محتاااااااااااااااااااار جداً

[haisam ali]

لسه محتار وخايف جداً من الأوبل بصراحه
العربيتين ال قدامي
١_ الفيكترا ٢٠٠٧ مانيوال حالتها نضيفه ورشه نضافه ومغيره فانوس واكسدام
٢_ الاسترا ٢٠٠٧ هاي لاين بصمه . وحالتها نضيفه جداً وماشيه 160 وخايف يكون كده كتير عليها . بالنسبه لعدد وخايف من الفتيس .

وانا بصراحه ميال للأسترا وفي نفس الوقت بحب الفيكترا وحاسس في إعادة البيع الفيكترا افضل من الاسترا


محتاااااااااااااااااااار جداً

طاب لو ينفع او تقدر تاخد الاسترا دى وتطلع بيها على التوكيل يكشفولك عليها يبقى تمام جداً وبأذن الله لو طلعت حلوه خلص فيها مع تنزيل السعر شويه

[Ahmed Koller]

طيب معلش يعني انزل السعر قد ايه .. هو السعر كده عالي وال ايه . مع إني شفت واحده 2009 وماشيه اقل وب 85

ومعلش بالنسبة للعداد كده كتير وال عادي بالنسبه للعربيه دي
اتمني اعرف سعر شوية قطع غيار .