استفسار بخصوص استرا 2006

[Ghost2]

السلام عليكم
لي استفسار بخصوص استرا 2006 .. من حيث الاداء و الاعتمادية و الكفاءة .. يعني هل ليها عيوب ولا لا .. و اهم حاجة موضوع السخونة .. و اسعار قطع غيارها عاملة ايه .. ولكم فائق تحياتي

[abubakr1234]

قطع غيار غالية أوي وتوكيل زبالة والكمبيوتر بتاعها بيبوز علطول وغالي

[haisam ali]

عيبها الوحيد والشاءع هو الكمبيوتر فعلا بيهيس عالطول وأوقات كتير بيضرب لانه راكب على الموتور فبيسخن ..... غير كده العربيه اعتمادية جدا جدا وحاجتها ماليه السوق استيراد وجديد لانها هيا هيا الاسترا ال ٢٠٠٠ مع اختلافات بسيطه فى البودى والموتور اما غير كده كل الناس اللى ركبت العربيه دى معظمهم شكر فيها اوى

[Astra Lovers]

عيبها الوحيد كونترولر بس انت وحظك ممكن يبوظ معاك وممكن لاء نهائي وحتي لو باظ بتجيبه استيراد بخوالي ٢٠٠٠ وتنساه قطع غيارها جديد ملهاش استيراد غير فالاكسيسوريس الداخليه فقط وقطع غيارها فالمعقول مش شايف انها غاليه بس ثبات واداء وشياكه ورفاهيه ونعومه واعتماديه ومناوره جيده واستجابة مقود هايله عيبها من وجهه النظر الشخصي انها برازيلي للاسف منصور وسياسه البيع انما كل الاوروبي بتاعها نفس شكل ال ٢٠٠٢ وال ٢٠٠١مع اختلاف الموتور والاوبشنز انا معايه ال ٢٠٠٥ ١٨٠٠ سيسي وارد اسبانيا نفس شكل ال ٢٠٠٢ بتاعت مصر ومفيهاش مشاكل كنترولر