كالعادة تكييف الاوبل به مشكلة

[elansary141]

التكييف كان شغال كويس من 6 شهور بعد مشتريت العربية
اوبل فيكترا 99
المهم ظبطت حاجات فيها وغيرت قواعد الموتور واكيد طبعا حليت مواسير التكييف ومشحنتش فريون
جيت شحنت فريون وبعدها اتسرب تانى
رحت للصنايعى قالى على شوية حاجات زى جلدة او حاجات بتمنع التسريب
المهم التكييف اشتغل 3 ايام
وبعد مغيرت فلتر الزيت والزيت
بشغل التكييف لقيته مش بيسقع
معرفش هل الراجل خبط حاجة ولا هو سرب تانى
المهم رحت للصنايعى نفسه قالى سامع صوت ف المواسير اللى تحت بعد مكبس هوا
وقالى لازم المجموعة تتغير
رحت طالع على التوكيل
قالى المشكلة ف البلف
وانا لازم اغير المجموعة كلها
رحت طالع على صنايعى غيرلى ابرة البلف وشحن ومسربش بعد مكبس هوا
وبعدها بيومين بخ
مفيش سقعة
عاوز حد بقى بيفهم ف التكييف عشان اعرف المشكلة وميتخربش بيتى ف الفريون
انا من قنا
لو حد قريب ماشى
لو مكانش ممكن اسافر اقرب مكان

[Abdo Taha]

متابع بأهتمام

[Ayman Elmandoh]

متابع لتشابه المشكلة

[Omar Mahmoud]

متابع

[احمد فهمى]

اقرب حاجه لك محمد عبدو فى الغردقه بعد البولينج اللى اودام سندباد واضح ان عندك تسريب فريون يا من الكمبروسر او الكويل الداخلي

[Moustafa_Attia]

متابع بأهتمام

[haisam ali]

سعات الاولسينات بتاعت الكمبروسر بتنافس على فكره عملتها معايا مره .... كان الله فى العون .... بس انت لازم تكبس هواء كبسه محترمه وتفضل مفضى نفسك يوم كامل متابع التسريب لحد ماتجيبه ومعلش طول بالك شويه

[MaaM]

مجرد سؤال
هو ماينفعش تفضل كابس هواء لمدة 3 أيام مثلا ؟ بدل ما كل مرة تشحن فريون ب130 جنيه ويروحوا عليك ؟!

[kar!m]

أنا أكتر ناس حسيت انهم بيفهموا في التكييف هما ديافيا اللي في كوبري القبه .. و أكتر مكان استريحت فيه مع ان في ناس قليليين متبسطوش معاهم.

فاهمين و نضاف و فريون أمريكي أو انجليزي وعربيتك جوه مش في الشارع و ضمان 6 شهور على الشغل .. و أسعارهم عادية و أرخص من صنايعية كمان.