عايز كاسيت فيه الخاصية دى...

[EGYPTIANDR]

أنا بحب الاغانى القديمه وام كلثوم والام بى ثرى لا يحفظ مكان توقف الاغنية وبيعيدهالى من أول كوبلية مفيش كاسيت يا جماعة يفتكر انا وقفت الاغنيه عند كام دقيقة بعد ما ابطل العربيه....فاهمنى يا شباب؟
وشكرا ليكم...أنا عارف انى بدوشكم

[haisam ali]

تقريبا كده يادكتور اى كاسيت ماركه عاليه ( kenwood - pioneer - clarion - sony ) بيعمل كده انا شخصيا معايا كاسيت كينوود وشاغل معايا كده .... هذا وبالله التوفيق

[J A G U A R]

اى كاسيت بيعيد الاغنيه من الاول لما تبطل العربيه وتشغلها والله اعلم

[Amrgamal1]

الكاسيت عندي لما بقفله و افتحه تاني بيشغل اخر اغنيه من الثانيه اللي كنت واقف عندها بالظبط
الكاسيت نوعه Sony Explod

[heeshooheeshoo]

تقريبا كده يادكتور اى كاسيت ماركه عاليه ( kenwood - pioneer - clarion - sony ) بيعمل كده انا شخصيا معايا كاسيت كينوود وشاغل معايا كده .... هذا وبالله التوفيق

صح .. أنا عندى الكينوود إللى نازل فى السوبر صالون من 2010 موجود فيه الخاصية دى ، وكذلك كان عندى سونى نفس الخاصية .. بس للأسف مش فاكر رقم الموديل بس أعتقد معظم الأجهزة كده والعكس هو النادر

[maheralsisi]

ممكن يكون قديم مثلا و الصفة دى لسة نازلة جديد
لان انا جايب الجهاز اللى فيه راديو و فلاشة و كارت بس من وسط البلد و بيعمل كده يفتح على نفس المكان اللى قفل عليه

[abb]

والبايونير كذلك

[Hesham.H]

بايونير ... هاشوفلك رقمه فى العربيه الصبح وأقولك بأمر الله

[haisam ali]

فيه كاسيت محترم اوى اوى وصوته جميل جدا جدا وفيه الخاصية دى يادكتور لسه نازل جديد ورخيص اسمه ( simphony ) هتلاقيه تقريبا ب ٢٠٠ جنيه الكاسيت ده حكايه صدقنى عن تجربه لانى ببيع الحجات دى فى المحل عندى هيعجبك اوى .... كمان فيه حاجه عايز أسالك عليها هو الكاسيت عندك بيفصل خالص لما بتفصل الكونتاك يعنى بتحتاج تبرمجه كل مره تفتح كونتاك ولا لا ...؟؟؟

[amr elsisi]

مخبني علينا يا هثم ان عندك محل وتسبني نشتري من برة
ماشي ليق روئة
بس ياسيدي فعلا زي ماقال هيثم symphony محترم جداااااااااااااااا
انا مركبة عندي في العربية
وزميلي لما شافوة اتنين ركبو منة
الخرج بتاعة محترم جداااااا
سعرة محترم جدااااا _من 220 الي 300
امكانياتة
usp_كارت مومري _aux_امكانية نزع الشاشة
بس في موديلات كتيير منة والوان واضاءة مختلفة
قارن الاول
ولازم كهربائي محترم علشان يعرف يقسم السماعات
ولازم تخلية واصلة كهربا درك علشان الخاصية الي انت عاوزها

[وائل البرنس]

أنا بحب الاغانى القديمه وام كلثوم والام بى ثرى لا يحفظ مكان توقف الاغنية وبيعيدهالى من أول كوبلية مفيش كاسيت يا جماعة يفتكر انا وقفت الاغنيه عند كام دقيقة بعد ما ابطل العربيه....فاهمنى يا شباب؟
وشكرا ليكم...أنا عارف انى بدوشكم

ممكن حضرتك تجيب mp3 ماركة (giga max)ده بيوقف علي الاغنيه ،اما لوحضرتك عاوز كاسيت يوقف علي مقطع الاغنيه ممكن تجيب ماركة (citi sound) ده نوع صيني بس كويس جدا وفيه منه موديلات تشتغل علي شاشة العرض

[haisam ali]

مخبني علينا يا هثم ان عندك محل وتسبني نشتري من برة
ماشي ليق روئة
بس ياسيدي فعلا زي ماقال هيثم symphony محترم جداااااااااااااااا
انا مركبة عندي في العربية
وزميلي لما شافوة اتنين ركبو منة
الخرج بتاعة محترم جداااااا
سعرة محترم جدااااا _من 220 الي 300
امكانياتة
usp_كارت مومري _aux_امكانية نزع الشاشة
بس في موديلات كتيير منة والوان واضاءة مختلفة
قارن الاول
ولازم كهربائي محترم علشان يعرف يقسم السماعات
ولازم تخلية واصلة كهربا درك علشان الخاصية الي انت عاوزها

حبيبى والله ياهندسه انا تحت أمرك فى أى حاجه واى وقت وانت عارف

[organic_magic]

هو symphony ينفع يشتغل علي زراير الدريكسيون ولا لازم الكاسيت الاصلي بس ؟؟؟

[haisam ali]

هو symphony ينفع يشتغل علي زراير الدريكسيون ولا لازم الكاسيت الاصلي بس ؟؟؟

الكاسيت الاصلى بس هو اللى يشتغل مع زراير الريكسيون