لو عربيه فيكتر c 2007 ماشية 200000 . كتير وال لا ( للأهمية )

[Ahmed Koller]

السلام عليكم
دلوقت انا معروض عليا عربية فيكترا c موديل 2007 مانيوال .
الحاله : ممتازة
العربيه ماشية 210000 لحد دلوقت
والراجل محافظ عليها بس هو بيسافر ياما قوي
وبيقولي انه ماغيرش الديسك بتاع الدبرياج لحد دلوقت والعربيه ماشاء الله

عاوز اعرف ( للأهميه ) هل الكيلومتر كده كتير علي العربيه وال عادي علماً بانه بيسافر كتير ولو حسبتها هتلاقي ماشي في السنه في حدود 30000 كيلو
ومطلوب فيها 88
ياريت الرد للأهميه يا جماعه علشان إن شاء الله هخلص فيها


وشكراً

[MOTOR HEAD]

العربيات اللى بتسافر مع الاهتمام بالصيانات الدوريه احسن

من العربيات المركونه او بتلف فى الزحمه مع الاهتمام بلالصيانات الدوريه

عن تجربه

[فادى محمد]

لا الكيلو مترات الكتيره طالما في السفر ماتعيبش العربيه واصلا العربيات دي بتعيشش
حاول تنزل معاه اي حاجه تنفعك لما تفكر تغير طقم دبرياج

[Ahmed Koller]

شكرا جداً للردود الجميله
هو طقم الدبرياج مكلف ؟

[Ahmed Koller]

وسؤال تاني معلش ....
لو قدامي اوكتافيا 2006 اتوماتيك بنفس السعر . اختار انهي فيهم

انا في حيره غريبه

[lanos2004]

اختار الى ماشيه اقل---وافضل فى الحاله

[J A G U A R]

العربيه دى جميله جدا وخصوصا التوب لاين والايزى ترونيك فيها روعه بس قطع غيارها نار

[zoueil]

علي فكرة حوار أنه مغيرش الديسك ده صعب أوي أوي أوي علي المسافة دي
و 200000 كيلو متر كتير جدا جدا و السعر مبالغ فيه

[a7mad_mo7amad6]

الموتور بيتعلمع تيست درايف لحد 300 الف تقريبا في المواصفات القياسية ده بالنسب لل 4 سيلندر
انا شايف عددها كتير اوي

[Ahmed Koller]

يعني ابعد عن الأوبل وال ايه الكلام ... اصل في أراء بتقول لو العربيه متابعة الصيانة الدورية باستمرار . مفيش خوف من عدد الكيلومتر

[اكرم عوض حسن]

زي محضرتك قولت لو العربيه متابعة الصيانة الدورية باستمرار . مفيش خوف من عدد الكيلومتر وبعدين مفيش مشكلة انت وصاحب العربية تروح توكيل الصيانة مع بعض وتكشف عليها كليا لو محتاجة حاجة علشان لو هتنزل في سعرها وتبقي عارف بردو

[Ghost2]

لو هتشتري متدفعش اكتر من 75 الف جنيه .. انما 88 انت تركب ايزي ترونيك 2008 هاي لاين حالة ممتازة جدا .. اسعار العربيات اتهبلت بس مش كده

[Ahmed Koller]

شكراً يا جماعه علي الردود الجميله . وإن شاء الله هتابع ماعكوا كل خطوه

[kornclub]

انا عربيتي مو ٢٠٠٠ و عامله ١٥٨٠٠٠ كيلو

[Ahmed Koller]

انا عربيتي مو ٢٠٠٠ و عامله ١٥٨٠٠٠ كيلو

انا بشوف عربيات صيني موديلات 2010 و2011 وماشيه 170000 .
عربية ابويا قهدة معاه 6 سنين وبعها وهي ماشيه 60000