جوان وش السلندر

[ghamry]

كيف تعرف الموتور جايب جوان والزيت نظيف ومش مطحن والمياه نظيفه فى القربه وهل لو خلعت مقاس الزيت والسياره دايره والموتور طرطش زيت من مكان المقاس يبقى كده الماكنه فيها جوان

[بيشوى_رمزى]

بص هو مبدئيا انا اللى اعرفة جوان وش سلندر هتبقى الاعراض تطحين الزيت و(او) زيت فى المياة او ترشيح زيت او مياة من عند وش السلندر( على حسب مكان التلف فى جوان وش السلندر) لان الوش لو فى حاجة هيهرب كبس فوق مش تحت اللى يهرب كبس تحت الشنابر على ما اعتقد لكن هل فعلا ممكن يكون الزيت اللى من المقاس ده ممكن ولا لا ( وهل دى مشكلة ولا عادى)

[فادى محمد]

جوان وش السلندر هو فاصل بين وش السلندر نفسه وجسم الموتور ( الشميز) او ( الشورت بلوك) بيعدي من خلاله مجاري فيها ميه التبريد ومجاري تانيه فيها الزيت..تمام؟

++ لو الجوان ده باظ او الوش سخن وقفع وبرده بوظ الجوان . الاحتمالات هنا ان

- الميه تدخل ع الزيت ( وتلاقي مقاس الزيت لونه اصفر مسترده كده وتحسه مليط)
-الزيت يدخل ع الميه ( وتلاقي طحينه في قربه الميه)

-في حاله برده مرتبطه بالوش والجوان. لو حصل تاكل في مجري من مجاري الميه
والميه عدت م تحت الجوان نتيجه التاكل ووصلت لغرف الحريق فده برده دليل علي
تلف الجوان + احتياجك لمليء الوش وتفريزه

-طرطشه الزيت من المقاس والموتور شغال مش دليل علي اي حاجه . في ناس بس
بتعتبره دليل علي ان طرمبه الزيت جيده !

-تهريب الكبس لتحت بيبقي غالبا بسبب الشنابر ( شنبر مسح الزيت تحديدا) اما تهريب
الكبس لاعلي فبيبقي غالبا بسبب تلف كاوتش الصبابات..

[بيشوى_رمزى]

جوان وش السلندر هو فاصل بين وش السلندر نفسه وجسم الموتور ( الشميز) او ( الشورت بلوك) بيعدي من خلاله مجاري فيها ميه التبريد ومجاري تانيه فيها الزيت..تمام؟

++ لو الجوان ده باظ او الوش سخن وقفع وبرده بوظ الجوان . الاحتمالات هنا ان

- الميه تدخل ع الزيت ( وتلاقي مقاس الزيت لونه اصفر مسترده كده وتحسه مليط)
-الزيت يدخل ع الميه ( وتلاقي طحينه في قربه الميه)

-في حاله برده مرتبطه بالوش والجوان. لو حصل تاكل في مجري من مجاري الميه
والميه عدت م تحت الجوان نتيجه التاكل ووصلت لغرف الحريق فده برده دليل علي
تلف الجوان + احتياجك لمليء الوش وتفريزه

-طرطشه الزيت من المقاس والموتور شغال مش دليل علي اي حاجه . في ناس بس
بتعتبره دليل علي ان طرمبه الزيت جيده !

-تهريب الكبس لتحت بيبقي غالبا بسبب الشنابر ( شنبر مسح الزيت تحديدا) اما تهريب
الكبس لاعلي فبيبقي غالبا بسبب تلف كاوتش الصبابات..

برنس فى شرحك المفيد البسيط يا فادى باشا

[Abo_Mazen]

أنا من خلال خبرتي المتواضعه بحوارات وش السلندر وبعد اللي حصل معايا أقدر أحدد شوية حاجات تقدر من خلالها تعرف إذا كانت العربية فيها جوان وش سلندر ولا لأ ...وخصوصا إن موضوع نقص المياه مش مقياس ثابت ..فمن الممكن يكون في تسريبات في دائرة التبريد هي اللي بتنقص المياه أو تسريب في جوان المانفول مثلا
نقدر نلخص علامات تلف جوان وش السلندر في الآتي :
1-وهي العربية بارده تماما ..بيسموها بارده تلاجة ..يعني بايته من بليل ومدارتش خالص من إمبارح بليل ..تقوم مزود مياه لغاية متخلي المياه على وش الريداتير عدل ..وبعدين تقوم مدور العربية ...لو لقيت المياه نطت لفوق من فوهة الريداتير يبقى كده في جوان وش سلندر عندك مسرب كبس على دايرة التبريد
2- وهي العربية برده بارده تماما ..بيسموها بارده تلاجة ..يعني بايته من بليل ومدارتش خالص..تفتح غطا الريداتير وتقوم مدور العربية ..هتلاقي طبعا طرمبة المياه بتقلب المياه قدامك ..وخصوصا إن الريداتير هيكون فيه مياه أصلا ..لو لقيت فقاقيع هوا في المياه وهي بتقلب قدامك يبقى كده في جوان وش سلندر عندك مسرب كبس على دايرة التبريد
3- تفتح الريداتير أو قربة المياه بتاعة الريداتير ..لو لقيت فيها طحينة يبقى كده في زيت دخل على المياه
4- تبص على مقاس الزيت ..وتخلي بالك قوي من الطرف بتاع المقاس ..لو لقيت في نقطة طحينة كده في الطرف أو على المقاس عموما يبقى كده في مياه دخلت على الزيت
5-تفك بوجيه من البوجيهات ..لو لقيته معرق مياه يبقى كده في مياه دخلت على غرف الحريق
6- تدور العربية وتستنى لغاية ما تسخن ..لو لقيت في شبوره طالعه من الشكمان ..زي ما يكون المكنة خفيفة ..وهي أصلا مش خفيفة ..لكن هتلاقي في دخنه زرقا طالعة من الشكمان ..يبقى كده في زيت دخل على غرف الحريق
7- لو لقيت العربية بتسخن منك ..على الرغم مفيش أي علامة من العلامات اللي فوق دي ..لكن بتلاقي العربية بتسخن ..حاول تهوي غطا الريداتير سنه ..يعني غطا الريداتير في سنتين ..سنة إحنا بنسميها تسريب ضغط ..وسنة تانيه إحكام ..خلي غطا الريداتير على سنة تسريب الضغط ..وحاول تاخد لفه كده صغيره جنب البيت ..لو لقيت العربية ما سخنتش مع تهوية الغطا سنة وفي سخونه مع إحكام الغطا ..يبقى كده في جوان وش سلندر عندك مسرب هوا سخن في دايرة المياه

[mahmoud_ali]

لو العربيه بتسخن بس مبتاكلش ميه يبقى فيها جوان برضوا وغالبا بيبقى فيها كوعة الميه كمان

[ghamry]

جوان وش السلندر هو فاصل بين وش السلندر نفسه وجسم الموتور ( الشميز) او ( الشورت بلوك) بيعدي من خلاله مجاري فيها ميه التبريد ومجاري تانيه فيها الزيت..تمام؟

++ لو الجوان ده باظ او الوش سخن وقفع وبرده بوظ الجوان . الاحتمالات هنا ان

- الميه تدخل ع الزيت ( وتلاقي مقاس الزيت لونه اصفر مسترده كده وتحسه مليط)
-الزيت يدخل ع الميه ( وتلاقي طحينه في قربه الميه)

-في حاله برده مرتبطه بالوش والجوان. لو حصل تاكل في مجري من مجاري الميه
والميه عدت م تحت الجوان نتيجه التاكل ووصلت لغرف الحريق فده برده دليل علي
تلف الجوان + احتياجك لمليء الوش وتفريزه

-طرطشه الزيت من المقاس والموتور شغال مش دليل علي اي حاجه . في ناس بس
بتعتبره دليل علي ان طرمبه الزيت جيده !

-تهريب الكبس لتحت بيبقي غالبا بسبب الشنابر ( شنبر مسح الزيت تحديدا) اما تهريب
الكبس لاعلي فبيبقي غالبا بسبب تلف كاوتش الصبابات..

الله ينور ياباشا

[ghamry]

الله ينور ياباشا

[Abdo Taha]

هو يا رجالة العربية ممكن تجيب جوان وش سلندر مرة واحدة كده بدون اي مشاكل سابقة و العربية متدرش بعدها تاني ؟ انا حصل معايا الموقف ده و احنا مسافرين كان اللي حصل بالظبط ان والدي فتح القربة الصبح بدري و العربية بايتة و قال يزودها شوية مية عادي و هو بيعمل الخطوات الصحيحة عادي خالص و العربية دارت مفيش مشاكل نطلع على ما مشينا طلعنا على الدائري لقينا لمبة المية بتنور استنينا شوية على ما وصلنا قبل البوابات اول الطريق نفتح الكبوت الاقي المية على اخرها و بيها شوية رغاوي بيضة على الوش طبعا مفتحناش قلنا نبطل العربية و نصلي تكون هديت و نزلت المية اللي فيها رجعنا نبص على المية لقينها قلت كتير فعلا و نزلت حبة منها على الارض قلنا ده كده نزلت المية الزايدة خلاص و كانت ناقصة سنة بسيطة قلنا منزودهاش عشان لسة سخنة و نمشي بيها بحبة المية دول لحد ما نوصل و كنا طالعين مطروح و المفروض ان المية متنقصش طبعا العلامة لسة منورة بتاعة المية و انا كنت معترض اننا نكمل بيها كده و لكن والدي قالي مش مشكلة ممكن توصل قلت ماشي و هو كان عامل حسابه ان العربية هتكمل و مش هتقول لأ ، ماشيين و مشغلين التكييف و 170 و الدنيا حلاوة و قلتلهم نبطل التكييف لأ مش مشكلة نلاقي مرة واحدة الامبير بتاع الحرارة نط للاخر و كانت اول مرة اشوف لمبة الحرارة منورة وقفنا و لله الحمد جنب مراسي و الا كنا هنتسوح اكتر ما احنا كنا متسوحين نزلنا نلاقي القربة فاضية تماما سبنا العربية لما بردت اجي ادور عشان نزود مية مفيش العربية قطعت مية و نور قلنا طبعا كان يوم ما يعلم بيه الا ربنا بدل ما وصلنا هناك الساعة 3 وصلنا 9 و العربية اتحملت على ونش وراحت توكبيل العامرية الحمد لله الجوان بس كان هو اللي باظ مفيش اي مشاكل في وش السلندر لكنه اتقشط بس بسيط اللي اتغير مع الجوان كان الثرموستات لأنه طلع بايظ هو كمان و حاجة كده في المانفلود على شوية مية و زيت ورجعت تاني بس انعم من الاول كمان بس للحق الميكانيكي اللي عملها هناك ايده تتلف في حرير رحت التوكيل هنا عشان يراجعوا عليه تاني قاللولي كأنها تقفيل بلدها بالظبط و ده باين معايا لحد دلوقتي بقالها بتاع 10 شهور بدون مشاكل و الحمدلله

[kornclub]

في مواتير في الفيكترا ضعيفه تجيب جوان بسهوله ولا كله زي بعضه

[Hesham.H]

في مواتير في الفيكترا ضعيفه تجيب جوان بسهوله ولا كله زي بعضه

لا مافيش مواتير بعينها فى الفكترا مشهوره بالعيب ده .. اى عربيه من اى نوع معرضه انها تجيب جوان وش السلندر لو الحراره زادت عن الحد الطبيعى ليها ... والاوبل والالمانى عامه من الموتير القويه اللى بتستحمل الحراره .. بس طبعا فى حدود الحد الطبيعى بتاعها
تحياتى