موبينة اوبل فيكترا ٢٠٠٨

[KhaledY]

السلام عليكم
انا معايا اوبل فيكترا ٢٠٠٨ ماشية ٢٦ ألف كم .. امبارح لمبة التشيك نورت فرحت للتوكيل النهاردة و كشفوا على الموبينة و قالي لازم تتغير ب ٢٢٥٠ جنيه + بوجيهات عشان ضمان الموبينة ب ٢٥٠ جنيه .. هي الاسعار دي طبيعية ولا مبالغ فيها؟

دورت عالنت كل الناس بتنصح بالتوكيل عشان الضمان

[Abdo Taha]

السلام عليكم
انا معايا اوبل فيكترا ٢٠٠٨ ماشية ٢٦ ألف كم .. امبارح لمبة التشيك نورت فرحت للتوكيل النهاردة و كشفوا على الموبينة و قالي لازم تتغير ب ٢٢٥٠ جنيه + بوجيهات عشان ضمان الموبينة ب ٢٥٠ جنيه .. هي الاسعار دي طبيعية ولا مبالغ فيها؟

دورت عالنت كل الناس بتنصح بالتوكيل عشان الضمان

ده الطبيعي بتاع التوكيل يا باشا ان اسعاره تبقى مبالغ فيها كده و عيب الموبينة ده مشهور جدا في الفيكترا سي

[abou-yahia]

الموبينه بره بحوالي 1050 جنيه بس مش فاكر نوعها ويفضل تغير معاها البوجيهات اساسي بحوالي 150 جنيه

تحياتي

[Astra Lovers]

متطلعش بره التوكيل هتندم

[abou-yahia]

متطلعش بره التوكيل هتندم

عموما فيه بعض قطع الغيار ذي الموبينه الاصلي فيها ذي الموبينه رخيص علي المدي البعيد

[AMRPEGAS]

حصلت معايا وجبت موبينة نوعها ديلفى ب1030 جنية زى اللى كانت فى العربية والبوجيهات جى ام 140 جنية والحمد لله كله تمام ولا توكيل ولا بتنجان وتركيبهم فى ربع ساعة
بس اتاكد ان الموبينة و البوجيهات جى ام ومتقلقشى دى حاجة بسىطة زى شكة الدبوس
و بالتوفيق

[Abdo Taha]

حصلت معايا وجبت موبينة نوعها ديلفى ب1030 جنية زى اللى كانت فى العربية والبوجيهات جى ام 140 جنية والحمد لله كله تمام ولا توكيل ولا بتنجان وتركيبهم فى ربع ساعة
بس اتاكد ان الموبينة و البوجيهات جى ام ومتقلقشى دى حاجة بسىطة زى شكة الدبوس
و بالتوفيق

طب حضرتك جبتهم منين معلش لو سمحت ؟

[abou-yahia]

حصلت معايا وجبت موبينة نوعها ديلفى ب1030 جنية زى اللى كانت فى العربية والبوجيهات جى ام 140 جنية والحمد لله كله تمام ولا توكيل ولا بتنجان وتركيبهم فى ربع ساعة
بس اتاكد ان الموبينة و البوجيهات جى ام ومتقلقشى دى حاجة بسىطة زى شكة الدبوس
و بالتوفيق

تمام

انا لسه جايبهم لواحد صديقي من محل اسمه محمد ربيع في صقر قريش المعادي تقريبا بنفس الاسعار ونفس ماركه الموبينه

[Abdo Taha]

تمام

انا لسه جايبهم لواحد صديقي من محل اسمه محمد ربيع في صقر قريش المعادي تقريبا بنفس الاسعار ونفس ماركه الموبينه

طب معلش سؤال تاني بتقل على حضرتك هل المحل ده تخصس قطع غيار اوبل اصلي جديد بس و لا عنده استيراد كمان ؟

[aakma20]

السلام عليكم
انا لسه مغير موبينه التوكيل قالي نفس السعر اللي حضرتك قلته . الموبينه دي نوعها delphi موجوده بره التوكيل في حدود 1000 جنيه . فرق التوكيل ان مكتوب عليها gm بس . ممكن حضرتك تغيرها بره و تغير البوجيهات عند استاذ طناني او عند صابر على حسب مكانك

[abou-yahia]

طب معلش سؤال تاني بتقل على حضرتك هل المحل ده تخصس قطع غيار اوبل اصلي جديد بس و لا عنده استيراد كمان ؟

لا معندوش استيراد

[Abdo Taha]

لا معندوش استيراد

بس معظم الجديد عنده كويس و مضمون ؟ و حاجة الفيكترا سي متوافرة زي السيور و التيل و الحبشتكنات دي و لا لأ ؟

[asd7778]

غريبه جداً ان مغير موبينه فى منصور من سنه ب١٠٥٠ جنيه والفاتوره كله ب ١٤٠٠ بألبوجيهات والضريبة

[asd7778]

http://www.nilemotors.net/Nile/207100-2008-1050-a.html

معلش ده كان من ٣ سنين وده الموضوع

[احمد فهمى]

البوبينه نفس الماركه اللى فى العربيه بره التوكيل ب1000 جنيه تقريبا والبوجيهات الاصلى ب150 عادى جدآ وممكن تركبها بنفسك او روح لحد بيبيع ويركب زى صابر اللى فرابعه الخ .. وموضوع ساهل انا غيرتها على 33 الف كيلو وجبتها ب1100 وبعت العربيه عامله 65 الف كيلو بيها سليمه يعنى تقريبآ اشتغلت اكتر من بتاعة الفبريكه