Tweet
كنت من فتره كده قولت ان حاسس ان فيه صوت بليه خشنه عندى فى العربيه ( فيكترا b2 ) وبعدين حاولت معاها اجيب الدركسيون يمين وانا ماشى ولا شمال عشان أميز هيا بليه ولا لا مابلقيش فيه أى فرق المهم روحت للميكانيكى وقولتله ممنهاش حل العجله اليمين لان الصوت بيجى منها وفعلا فوجءت لاقيت تيل الامامى خلصان وهوه اللى عامل كده عشان ال abs كان بيقرا معاه وبالتالى كان بيعمل كده .... المهم انا الحمد لله كان عندى طقم تيل فاليو امامى من ايام عربيتى الفيكترا القديمه لأنى بجيب الحجات دى احتياطي عشان ماعنديش حد فى البلد بتاعتى عنده حاجتها خالص ...... المهم قولت فك العجل الخلفى بالمره بص عليه ..... وهنا تكمن المفجاه لاقيت النيل الخلفى خلاص يعتبر انتهى .... طاب والعمل ده انا ممعيش طقم تيل خلفى وكده هتضر اركب اروح اسكندريه عشان اجيب .... فخطر فى بالى اتصلت على واحد قريبى أساله اذا كان عنده لان هوه كان معاه عربيه زى بتاعتى قالى ماعنديش ياهيثم بس عندى طقم تيل زلمكه خلفى ..،.!!!!!! قولتله ياعم زلمكه ايه قالى طاب اوصفلى طقم اللقم بتاعت التيل كده وصفتهومله وفعلا قالى طاب تعالا خدهم بينى وبينكم انا قولت مستحيل وفعلا روحت اخدتهم منه ولقيتهم هوما هوما ومحفور عليهم نجمه اصلى وكانوا عنده من بتاع ٣ سنين وركبتهم والحمد لله بقوا تمام وبأذن الله نجيب لكم بدائل كمان وكمان ،.... اه بالحق هوا قالى ان طقم التيل ده يعمل دلوقت بتاع ١٧٠ جنيه بس بصراحه تيل ممتاز ..... ( هذا وبالله التوفيق )
-
[SIGPIC][/SIGPIC]---------------------------------------------------------------------------------------
اللهم أحسن عاقبتنا في الامور كلها وأجرنا من خزي الدنيا وعذاب الاخرة...
اخوكم :- هيثم على -
فعلا ياهيثم هما هما وعن تجربة امامي
تسلم علي البدائل[SIGPIC][/SIGPIC]
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) -
طاب بالمره كده ياعمرو باشا ماتعرفش تقولى على حد بتاع تكييف يكون محترم كده فى اسكندريه ..... بس عايزه فاهم ومحترمالمشاركة الأصلية كتبت بواسطة amr elsisi مشاهدة المشاركة[SIGPIC][/SIGPIC]---------------------------------------------------------------------------------------
اللهم أحسن عاقبتنا في الامور كلها وأجرنا من خزي الدنيا وعذاب الاخرة...
اخوكم :- هيثم علىComment
-
والله يا هيثم انا لسة مفور التكييف بالكامل بس في القاهرة
اسكندرية مااعرفش والله
بس انصحك لو حتعمل في اسكندرية خليك في صلاح الدين
في ناس كتير هناك وحتكون جنب بتوع قطع الغيار
ممكن تسال محل الصعيدي علي صنيعي بيفهم في الاوبل
ويوم ماتنزل ان شاء الله كلمني
بس يكون جمعة او سبت[SIGPIC][/SIGPIC]
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)Comment
-
انا لسه فاكك التكييف كامل عند كهربائي اسمه محمد في كوبري الناموس، واحد صاحبي معرفني عليه ماشاء الله عليه يا هيثم ولد ممتاز جدا ومش جشع خالص وفاهم عربيات كتير كويس كهربا
عنوانه بالظبط لو انت جاي من العوايد علي المحمودية اول ما تلاقي كوبري الناموس انزل يمين من تحته حتلاقيه تاني شارع علي ايدك الشمال علي الامة بتاعته فيه جامع
لو مش عارف توصله قولي
قبل ما روحله روحت لناس كتير عشان اعرف اسعار اللي كان بيقولي 2000 واللي يقولي حتسيب 3500 تحت الحساب والكلام ده
حل سربنتينة وشجرة وكمبروسور وفي كل مرة كان بيضغط هوا ويمشي ورا تسريب، غيرت شجرة ولحمت سربنتينه واتأكدت ان الكمبريسور سليم.Comment
-
الله ينور عليك يا هيثم باشا..
طيب . ده حل بديل للي فرامله الخلفيه مساطر. اللي فرامله الخلفيه قباقيب ما يزعلش, حله عندي..
لاحظت ان لقمتين التيل اللي ورا , واحده منهم دايما بتتاكل قبل التانيه ( في نفس العجله) وتضطر تغير
الطقم كامل.. اللي يمر بالتجربه دي . ما يرميش الطقم القديم . اللقمه اللي دايما بتتاكل هي اللي من غير
دراع الراجع ( بيسموه الموزه) اما اللقمه اللي فيها الدراع ده ( هنفهم كل حاجه بالصور) فبتفضل تقريبا
زي ماهي. هنعمل ايه؟؟؟؟؟
هنفور الدراع ده من البرشامه اللي ماسكاه من الطرف بالصاروخ ونستخدمه بدل اللقمه اللي راكبه في حاله
انها اتاكلت وبكده نوفر تمن طقم .
الصوره فيها اللقمه اللي فيها الدراع علي اليمين والتانيه ع الشمال , تحياتي..
اخوكم /فادي محمد عيد ..من مواضيعي المصوره للفيكترا بي ....
[URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
[URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
[URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
[URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
[URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات
hellboy سابقاComment
-
هظبط كده وأشوف ولو معرفتش أوصل اكيد هعرفك وألف شكر ليك واللهالمشاركة الأصلية كتبت بواسطة yoyomonster مشاهدة المشاركة[SIGPIC][/SIGPIC]---------------------------------------------------------------------------------------
اللهم أحسن عاقبتنا في الامور كلها وأجرنا من خزي الدنيا وعذاب الاخرة...
اخوكم :- هيثم علىComment
-
من باب المعرفه التيل اللقم الخلفى فى الفكترا بى هو هو بتاع الأسترا 1600 البرازيلىم/رامى المهدىComment
Comment