حد باع عربيته الاوبل و ركب غيرها

[haisam ali]

عندك فكره عن اسعار ومودلات

اللى كنا جايبنهاله دى كانت موديل ٢٠٠٨ لونها اسود فابريكه بالكامل من جوه وبره بس كانت عايزه اكصدام خلفى وكانت عايزه الامامى يترش هوه والخلفى وحته من العتبه كانت كامله كل حاجه ( جيا ) وكانت هاتش باك كنا شارينها ب٨٢ الف جنيه بس بالامانه عربيه فوق الوصف هتعجبك جداً فى الثبات والخامات بتاعتها وفى ثباتها حكايه بس مشكلتها قطع غيارها مش ياما استيراد ذى الاوبل

[kornclub]

خير ان شاء الله لو مسافرتش هشتري ان شاء الله و ابيع عربيتي مع اني بحبها جدا بس عايز احدث

[ghamry]

الاوكتافيا ايه 4 فعلا في نفس مستوي الفيكترا بس لي ملاحظات فيما يخص المقارنه بينهم ..

تسارع الاوكتافيا احسن بالرغم من ان الموتورين سنجل كام .
-طبعا الاوكتافيا اوسع وبالذات الشنطه !
-استهلاك البنزين واحد تقريبا .
-الاوكتفيا تكييفها كويس جدا بس مروحه البلاور عندها هبل !!!
سريعه جدا وصوتها عالي
-سعر اعاده البيع لصالح الاوكتافيا
-الفيكترا فرامل احسن كتير
-العفشه لصالح الفيكترا . انعم كتير جدا . تحس في الايه 4 انك راكب ربع نقل.
هي ماشاء الله قويه بس مش مريحه .
تكنولوجيا الموتور في الفيكترا اقل من الايه4 ولذلك الاعطال قليله , انما في الايه 4
الدنيا كبيره قوي رشاشات وحساسات من كل صنف ونوع.
-في حاجات ماعجبتنيش في الايه 4 . ان جزء كبير من شجره الميه فيها معدن , طبعا
بتضرب صدا . ليه مش خراطيم مش عارف؟ - مكان فلتر التكييف سيء جدا وبيدخل ميه
للدواسه الداخليه - العفشه الخلفيه تحس انها مختصره جدا ( ملمومه) - الداشبوارد فقير
العزل في الفيكترا احسن كتير من الايه 4 . دي مجرد افكار من خلال تجربتي للعربيتين
وتقبلوا تحياتي واحترامي...

ثبات الفيكترا B افضل وجلب مقصات معمره فى الفيكترا قنطره حديد اقوى عفشه الفيكتراb الخلفيه تعطى العربيه ثبات اكثر من الA4 لان عفشه الA4الخلفيه دنجل حته واحده

[kornclub]

اخبار الصني الجديده ايه ، مستعيب اسال عليها ، اللي جربتها ٢٠٠٩ و بعد ال ١٤٠ مفيش سحب

[mahmoud kamal]

انا مش هزايد ع الكلام اللي اتقال الرجاله قالت كل حاجه بس الصراحه الفيكترا دي عامله زي السهم شكل وقوه وثبات وفرامل واصيله بجد لا يعلا عاليها

[kornclub]

خلاص الحمدلله اوبل وبس -كلام نهائي

[haisam ali]

خلاص الحمدلله اوبل وبس -كلام نهائي

خلص الكلام