انفجاااااااااااار في الكابوت

[gomgom3]

بعد اما عملت كل حاجه في التكييف وبئت العربيه تلاجه من جوا وجه وقت التجربه في الحر انهاردة افتح ساعه 2 والدنيا تلج قلت يامسهل الحال يارب افأجا بصوت انفجاااااااااااااااااار والناس اتلمت وفكروا العربيه فيها قنبله وجه عسكري المرور بس انا توقعت انه من المكيف علطول !!!
فتحت الكابوت ببص لقيت الشجره من عند السربنتينه فصلت من الاستك بتاعها حتي كدة وحشه اوووووي معرفش ازاي الخواجه عاملها عمرها متحكم فريون اصلا زي مفصله كدة
المهم فصلت منها
وكانت صدمه كبيره وخسرت يجي 500 ج دة غير الصيف الي فات ادهم مرتين :( :(
بصراجه لو كنت جبت مكيف شارب حصان ونص وحطته علي السقف كان اكرملي واوفرلي :(:(
جيت تحت البيت فتحت الجراج جبت العده فكيت مواسير التكيف كلها ورزعت الكابوت ومشيت

الي مستغربله ليه عملت كدة وليه صوت الانفجار الجامد دة كلمت واحد صاحبي بيفهم شويه قالي طالما المضووع دة بيحصل معاك كل مره يبئا اكيد في سده في فلتر الي جنب السربنتينه حسيت انه كلامه واقعي
بس مش لدرجه الانفجار هي مش ماشي بنبلم يعني

بناءا علي الي حصل انهاردة انا زهقت :(

[mifs]

موضوع السدد ده تفسير سليم 100 \ 100 لكن مش لازم يكون في الفلتر انما في سدد ده اكيد
موضوع الانفجار لازم يحصل انفجار طالما في سدد وحالة الكباس كويسة يعني بيكبس كويس والطريق فيه سدد

[kornclub]

معلش علي المصاريف كلنا هذا الرجل ، اي انسداد يعمل انفجار. كلامهم صح

[amr elsisi]

لو الفلتر مسدود العربية مش حتكون ثلاجة
راجع علي نوع الفريون المستخدم 134 a
+,الكمية المستخدمة لو زيادة ممكن تعمل كدة

[haisam ali]

ممكن يكون كان كابس خراطيم مثلا والخراطيم دى فرقعت من الضغط ...؟؟؟ عملتها معايا مره زمان فى عربيتى الفيكترا زمان

[فادى محمد]

فريون زياده..

[بيشوى_رمزى]

فريون زياده..

كلام سليم :)