عن خرافة اللى ركب فيكترا مش راكب غيرها

[Eslam Nabl]

بصوا انا سمعت كتير عن موضوع اللى ركب فيكترا مش هيركب غيرها احب اقولكم كلمة واحدة بس
...
...
...
...
دى مش خرافةدى قمة الحقيقة انا كنت هبيع العربية تلات مرات و كل اغلى سعرها و اقول للراجل اللى بيشترى عيوبها حتى اللى اتصلحت عشان ما يشتريهاش

انا فعلا مش عارف ايه السر اللى يخلينا كلنا متمسكين بيها على الرغم من انها ساعة ما تزعل بتزعلنا ((و تزعلنا قوى كمان :) ))

الالمان شكلهم عامليم ف عتبها عمل

[m7nsh]

هههههههههه ياراااااجل ياطيب ..
بالمناسبه ..اتفق معاك تماما

[kornclub]

و بعتها ولا

[haisam ali]

كلامك مظبوط على فكره الألمان عاملين جواها عمل لكل اللى يركبها

[kokowasfy]

الواحد احينا بيتعلق بل عربية بتاعتو انا عندى الانسر بعملها زى اختى الصغيرة و بدلعها اخر دلع و بهشكها مع انها كبرت و عدت 300 الف كيلو بس هعمل حبى الوحيد زى اختى كدا

[Ahmed Koller]

عاوز ادخل على الفيكترا c وخايف أندم بصراحه

[MOHAMEDEBAID75]

بنت الاية الاوبل دى بتيجى وتلزق وتبقى زى واحد من البيت صعب انك تتخلى عنها

[Ahmed.Essam]

هههههه ربنا يباركلك فيها بس ما تقولنا كده ايه مخليك متمسك بالعربية اوي كده عشان انا بحب العربية دي جدا وعاوز احبها اكتر :b4_007:

[ayman hamdy]

أنا عن نفسى باعشقها ومعنديش استعداد اعشق حد غيرها بحبها والله ومش شايف غيرها بنام واصحى على سيرتها بحبها يا عالم بجد. جنون وسحر الفيكترا

[Abdo Taha]

العربيات دي فيها حاجة مش طبيعية تزعل و تقول عليها بنت ستين في سبعين و ترجع تقول كم انتي اصيلة و هى فعلا اصيلة نادرا ما بتزعل زعلتها و حشة لو عاملتها وحش لمدة طويلة و عاملتها زي العربية النص نقل انا كل اما فيكترا سي تعدي قدامي اتأمل فيها و في فخامتها و اقول بقا أنا راكب التحفة دي ؟ و اقول الحمد لله و مش السي بس ده البي و الايه و الانسجنيا و الاسترا j العربيات الاوبل دي ليها سحر عن اي عربية تانية حتى مختلفة عن البي ام و المرسيدس دايما مالية عيني بس بيبقى نفسي في حاجات بس بصبر نفسي بأني بتفرج على عربيات بره و اقول زي بتاعتي ممكن اركب الحاجات دي في يوم من الأيام معرفش العربيات دي الواحد بيتعلق بيها كده ليه ده انا سقت تويوتا كرولا 2008 mmt عجبني طبعا الباور الخفيف و سهولتها في السواقة للوهلة الاولى بعد الاسبوع ده زهقت منها حتى انا مكنتش بسوقها كتير اول ما رجعت و مسكت دركسيون الفيكترا حسيت بأني رجعت امسك طارة عربية تاني و حسيت اني رجعت لبيتي و لما مكنتش معانا كنت خاسس انها فرد ناقص من العيلة و دايما ابص عليها و تبهرني بجمالها

[ghamry]

عربيه فعلا محترمه وتستاهل ان الواحد مايفرتش فيها لانها ركوبه محترمه واوبشن وثبات ومعمره واعطال قليله بشرط تكون عامل صيانه صح بدون عك

[monamize4]

معظم الناس لو سألت اى حد منهم ايه رايك ف عربيتك ,, هيقولك دى عربية ممتازة
و صعب افرط فيها و لو بعتها هركب مرسيدس او بى ام مش اقل من كدة ,, رغم انها بتبقى مطلعة عينه
و مع ذلك ,, لو باعها و ركب ماركة تانية مش مرسيدس و لا بى ام لكنها فئة اعلى ,, يقول دا احنا ماكناش راكبين عربيات

و ع فكرة الكلام دا مش قاصر على ملاك الاوبل بس ,,,,,,,, و عامة سواء
الاوبل او الهوندا او السكودا او المتسوبيشى او التويوتا او الرينو او الهيونداى او الفورد او الفولكس
كلهم قريبين من بعض و كل واحدة منهم ليها مميزاتها و عيوبها و مفيش ماركة فيهم سابقة الباقيين
بفرق محترم و الكلام دا واضح ف الموديلات الجديدة بالذات

[Abdo Taha]

معظم الناس لو سألت اى حد منهم ايه رايك ف عربيتك ,, هيقولك دى عربية ممتازة
و صعب افرط فيها و لو بعتها هركب مرسيدس او بى ام مش اقل من كدة ,, رغم انها بتبقى مطلعة عينه
و مع ذلك ,, لو باعها و ركب ماركة تانية مش مرسيدس و لا بى ام لكنها فئة اعلى ,, يقول دا احنا ماكناش راكبين عربيات

و ع فكرة الكلام دا مش قاصر على ملاك الاوبل بس ,,,,,,,, و عامة سواء
الاوبل او الهوندا او السكودا او المتسوبيشى او التويوتا او الرينو او الهيونداى او الفورد او الفولكس
كلهم قريبين من بعض و كل واحدة منهم ليها مميزاتها و عيوبها و مفيش ماركة فيهم سابقة الباقيين
بفرق محترم و الكلام دا واضح ف الموديلات الجديدة بالذات

انا عارف كلامك كويس يا باشا بس انا والدي غير كذا عربية قبل كده مفيش عربية حبيتها قد العربية دي ده مش تحيز عشان هى معانا لا خالص و لو هقول عربية تعبانة يبقى تعبانة فعلا و بقول عيوبها و بكل صراحة انلا عارف حضرتك قصدك ايه لكن لو جيت تبص على الموديلات الجديدة هتللقي بعض الشركات مبدعة عن شركات اخرى و بعض الشركات لسة بنفس النمطية اللي شغالة بيها فمحدش بيبص عليها و اكبر دليل المعرض اللي فات في اقسام نايمة و اقسام تانية نشطة السوق عايز عربيات جديدة و فيها امكانيات يعني بص المتسوبيشي شغالين من ساعتها على لانسر شارك و بومة خلاص زهقنا منهم فتلاقي البيجو 301 بتتقارن مع الشارك مع ان الشارك اكفأ و لكنها كعربية فقيرة عن 301 و قدمت و هديك مثال مثلا لو جينا نقارن الالنترا بالدودج دارت الناس هتقلك ازاي مع ان الاتنين نفس الفئة فده اللي بيفرق من عربية لعربية ميهمنيش عربية ياباني من الماني انا يهمني عربية كفاءة و ده اللي لقيته في الاوبل عن عربيات تانية اغلى في ناس بتعمل زي ما حضرتك بتقول تبقى عربية مقرفة و تعباه اخر تعب و يقلك ممتازة صدقني ناس كتير في الشعب ده بتعمل كده

[amr elsisi]

انا مش حتكلم عن حبي لها
ولاكن كلنا عارفين زوجتك لما تلائيك عمال تصرف علي عربية بتقول لك اية
بيكون يوم صعب قوي
بس مع الفيكترا انا صرفت علي عربيتي 15 الف
والعيال عندي بتكون فرحانة لما بصرف عليها
عكس لما كان معايا لانوس لو صرفت 100 جنة مابنمش في البيت

[haisam ali]

انا مش حتكلم عن حبي لها
ولاكن كلنا عارفين زوجتك لما تلائيك عمال تصرف علي عربية بتقول لك اية
بيكون يوم صعب قوي
بس مع الفيكترا انا صرفت علي عربيتي 15 الف
والعيال عندي بتكون فرحانة لما بصرف عليها
عكس لما كان معايا لانوس لو صرفت 100 جنة مابنمش في البيت

كده انت حبيبى والله كلامك مظبوط الله يفتح عليك ياهندسه